Salamo 3:1-8

  • Ke talitonu ki te Atua faitalia a mea fakama‵taku

    • ‘Kaia e tokouke ei a fili?’ (1)

    • “A te fakaolataga i a Ieova” (8)

Ko te pese a Tavita i te taimi ne tele kea‵tea ei a ia mai tena tama tagata ko Apisaloma.+ 3  Ieova, kaia ko tokouke ei oku fili?+ Kaia ko tokouke ei a tino ko ‵teke mai ki a au?+   E tokouke e fai olotou pati e uiga ki a au: “Ka se fakasao a ia ne te Atua.”+ (Selā)*   Kae ko koe, e Ieova, se talita i oku feitu katoa,+Ko toku ‵malu+ mo te Atua telā e sau aka ne ia toku ulu.+   Ka kalaga atu au ki a Ieova i se leo maluga,Kae ka tali mai a ia ki a au mai tena mauga tapu.+ (Selā)   Ka takato au ki lalo o moe;Kae ka ala aka au i te tokagamalie, Me i a Ieova e tumau i te ‵lago mai ki a au.+   Au e se mataku i te fia sefuluafe o tinoKolā e ‵tu i se laina o ‵teke mai ki a au i feitu katoa.+   Tu mai ki luga, e Ieova! Fakasao mai au,+ e toku Atua! Me ka fusu ne koe a kauvae o oku fili katoa;Ka ‵fati ne koe a nifo o tino amio ma‵sei.+   A te fakaolataga i a Ieova.+ A tau fakamanuiaga ko i luga i ou tino. (Selā)

Fakamatalaga mai lalo

Onoono ki te FP.