Salamo 22:1-31

  • Mai se tulaga sē aoga ki te avatuga o vikiga

    • “Toku Atua, kaia ko tiaki ei au ne koe?” (1)

    • ‘E fai ne latou a vili mō oku gatu’ (18)

    • Tavae atu ki te Atua i loto i te fakapotopotoga (22, 25)

    • A te lalolagi kātoa ka tapuaki atu ki te Atua (27)

Ki te takitaki o te kau fai pese; ki “Te Tia o te Vaveao.”* Ko te pese a Tavita. 22  Toku Atua, toku Atua, kaia ko tiaki ei au ne koe?+ Kaia ko faka‵mao ei koe mai te fakasaoga o oku,Ko ‵mao koe mai aku tagi e fai mo te logo‵mae?+   Toku Atua, au e kalaga atu faeloa i te ao, kae e se tali mai koe;+Kae i te po e seai se filemu i a au.   Kae ko koe e tapu,+E fakatamilo ne vikiga o Isalaelu.   A omotou tamana ne tali‵tonu ki a koe;+Ne tali‵tonu latou, kae ne faka‵sao faeloa ne koe latou.+   Ne ‵tagi atu latou ki a koe, kae ne faka‵sao latou;Ne tali‵tonu latou ki a koe, kae ne seki fanoa‵noa* latou.+   Kae ko au se ilo kae e sē se tagata,E fakatauemu ne tāgata kae takalia‵lia ki ei a tino.+   A latou katoa kolā e lavea ne latou au e fakaitaita mai ki a au;+E fakatauemu mai kae lūlū olotou ulu mo te takalia‵lia:+   “Ne tuku atu ne ia a ia eiloa ki a Ieova. Tuku ke fakasao ne Ia a ia! Tuku ke fakaola ne Ia a ia, me i a ia ko te pele a te Atua!”+   Ko koe te Atua telā ne aumai ne koe au ki tua mo te moegatama,+Ko te Atua telā ne fai ne ia ke tokagamalie au i ū o toku mātua. 10  Ne tuku atu au ke tausi ne koe mai taku fanauga;Mai te moegatama o toku mātua, ne fai eiloa koe mo fai toku Atua. 11  Sa nofo ‵mao mai i a au, me i fakalavelave e ‵pili mai fua+Kae e seai se isi tino e mafai o fesoasoani mai.+ 12  E uke a tamā pulumakau tāgata e fakatamilo i a au;+A pulumakau tāgata ma‵losi o Pasana e ‵tu fakapukupuku i a au.+ 13  E faka‵maga malosi olotou gutu ki a au,+E pelā me se leona telā e saesae likiliki ne ia tena manu ne maua.+ 14  Au ko ‵ligi ki tua e pelā me se vai;A oku ivi katoa ko ‵seke. A toku loto ko fai e pelā me se gako;*+E liu suavai i loto i a au.+ 15  A toku malosi ko seai e pelā me se matifiga o se tiā kele;+A toku alelo ko ‵piki ki oku kalenifo;+Ko tuku ifo ne koe au ki te ‵pefu o te mate.+ 16  Me i kuli e fakatamilo ne latou au;+E fakapili‵pili mai latou ki a au e pelā me se potukau o tino ma‵sei,+E pelā me se leona, e ‵nofo latou i oku lima mo oku vae.+ 17  E mafai ne au o lau oku ivi katoa.+ E ‵kilo mai latou kae ‵pula ‵toka mai ki a au. 18  E vaevae ne latou oku gatu i a latou eiloa,Kae fai ne latou a vili mō oku gatu.+ 19  Kae ko koe e Ieova, sa faka‵mao mai i a au.+ A koe ko toku malosi; fakavave o fesoasoani mai ki a au.+ 20  Fakaola mai au mai te pelu,Ko toku ola tāua mai mania* o kuli.+ 21  Fakaola mai au mai te gutu o te leona+ mo sau o pulumakau tāgata o te vao;Tali mai kae fakaola mai au. 22  Ka folafola atu ne au tou igoa ki oku taina;+Ka tavae ne au koe i loto i te fakapotopotoga.+ 23  A koutou kolā e ma‵taku ki a Ieova, ‵viki atu ki a ia! A koutou e tama* a Iakopo, faka‵malu atu ki a ia!+ ‵Tu mo te ofo i a ia, koutou e tama* a Isalaelu. 24  Me ne seki fakatauemu io me takalialia a ia i logo‵maega o te tino puapuaga;+Ne seki ‵funa ana mata mai i a ia.+ I te taimi ne kalaga atu ei a ia mō se fesoasoani, ne lagona eiloa ne ia.+ 25  Ka tavae ne au koe i loto i te fakapotopotoga lasi;+Ka fakataunu ne au aku tautoga i mua o latou kolā e ma‵taku ki a ia. 26  A tino agamalu ka ‵kai kae ma‵kona;+A latou kolā e ‵sala ki a Ieova ka tavae atu ki a ia.+ Ke fiafia eiloa koe ki te olaga* ki te se-gata-mai. 27  A koga ‵mao katoa o te lalolagi ka masaua ne latou a Ieova kae ‵fuli atu ki a ia. A kāiga katoa o atufenua ka ifo ki lalo i ou mua.+ 28  Me i te pulega fakatupu i o Ieova;+E pule a ia i atufenua. 29  A tino mau‵mea* o te lalolagi ka ‵kai kae ka ifo ki lalo;A latou katoa kolā e olo ifo ki te ‵pefu ka to‵tuli i ana mua;E seai se tino i a latou e mafai o fakasao ne ia olotou ola. 30  A tino ne ‵tupu mai i a latou ka tavini atu ki a ia;Ka fakailoa atu ki te kautama mai tua a mea e uiga ki a Ieova. 31  Ka o‵mai latou kae fakailoa atu e uiga ki tena amiotonu. Ka fakailoa atu ne latou ki tino kolā ka fa‵nau mai a mea ne fai ne ia.

Fakamatalaga mai lalo

Kāti ko te tiuni io me ko te ‵fati o te pese.
Io me “ne seki fakamasiasi.”
E fakasino atu ki gako e maua mai i lagofufu.
Epelu, “lima.”
Epelu, “fanau.”
Epelu, “fanau.”
Epelu, “Ke ola tou loto.”
Epelu, “tino puta‵puta.”