Salamo 18:1-50

  • Vikiga o te Atua mō te fakaolataga

    • “A Ieova ko toku kaupapa” (2)

    • A Ieova, e fakamaoni ki tino fakamaoni (25)

    • A te auala o te Atua e ‵lei katoatoa (30)

    • “Ko tou loto maulalo e fai ne ia au ke takutakua” (35)

Ki te takitaki o te kau fai pese. Mai te tavini a Ieova ko Tavita, telā ne fai ne ia a pati o te pese tenei ki a Ieova i te aso ne fakasao ei a ia ne Ieova mai lima o ana fili katoa mo lima o Saulo. Ana muna:+ 18  Au e alofa ki a koe, e Ieova, toku malosiga.+   A Ieova ko toku kaupapa mo toku ‵pui malosi mo te Atua telā ne fakasao ne ia au.+ A toku Atua ko toku kaupapa,+ telā e lafi au ki ei,Ko toku talita mo toku sau* o te fakaolataga,* ko toku lafiga tokagamalie.+   E kalaga atu au ki a Ieova telā e ‵tau o avatu ki ei a tavaega,Kae ka sao au mai oku fili.+   A lōpu o te mate e fakatamilo i a au;+A lofiaga o tāgata sē aoga e fai ei au ke mataku.+   A lōpu o te Tanuga* ne nikoi ne latou au;A malei o te mate ne fakafesagai mai ki a au.+   I toku mafatia ne kalaga atu ei au ki a Ieova,Ne tagi faeloa au ki toku Atua mō se fesoasoani. Ne lagona ne ia toku leo mai tena faletapu,+Kae ne oko atu ki ana taliga+ a taku tagi mō se fesoasoani.   Tenā ne kamata ei o gasuesue kae lūlū te lalolagi;+Ne ga‵lulu a fakavae o maugaKae gasuesue ki mua mo tua ona ko tena kaitaua.+   Ne olo aka a au mai i ana puisu,Mo te afi ‵ka ne vau mai tena gutu;+Ne ula aka a malala ‵ka mai i a ia.   Ne ‵lou ifo ne ia te lagi i tena fanaifoga,+Kae e isi se kaumana matolu mai lalo i ana vae.+ 10  Ne sopo a ia i luga i se kelupi kae eva mai.+ Ne fanaifo a ia ki lalo i luga i kapakau o se agelu.*+ 11  Tenā ne ufi ei ne ia a ia eiloa ki te pouliga,+Kae fakatamilo i ana feitu katoa e pelā me se fakamalumalu,I vai pouli mo kaumana ma‵tolu.+ 12  Mai i te mainaga i ana muaNe ‵to mai ei a vaiua fatu mo malala ‵ka mai i kaumana. 13  Tenā ne kamata ei o ‵pa mai a fa‵tili mai i a Ieova i te lagi;+Ne fai ne te Atua Tafasili i te Maluga ke lagona atu tena leo+Fakatasi mo vaiua fatu mo malala ‵ka. 14  Ne sana ana matasana kae fakasalalau atu latou;+Ne ‵lapa atu ana uila kae fai ei ke ‵numi valevale latou.+ 15  Ne lavea atu a takelepapa o te tai;+Ne tuku faka‵sau mai a fakavae o te laukele e auala i au polopolokiga ‵mafa, e Ieova,E auala i te malosi o te mānava mai ou puisu.+ 16  Ne ‵kapa ifo ana lima mai te koga maluga;Ne puke ne ia au kae ‵futi aka au mai i vai ‵poko.+ 17  Ne fakasao ne ia au mai toku fili malosi,+Mai i a latou kolā e takalia‵lia mai ki a au, kolā e ma‵losi atu i a au.+ 18  Ne fakafesagai mai latou ki a au i te aso o toku puapuaga,+Kae ko Ieova ne ‵lago mai ki a au. 19  Ne aumai ne ia au ki tua ki se koga saogalemu;*Ne fakasao ne ia au me ne fiafia eiloa a ia ki a au.+ 20  E tuku mai ne Ieova te taui ki a au e ‵tusa mo toku amiotonu;+E toe ‵togi mai ne ia ki a au e ‵tusa mo te ‵ma o oku lima.+ 21  Me i a au ne tausi ki auala o Ieova,Kae ne seki amio masei au o tiaki toku Atua. 22  Ana fakamasinoga katoa konei i oku mua;Ka se manatu māmā eiloa au ki ana tulafono fakavae. 23  Ka tumau au i te ‵ma i ana mua,+Kae ka se fai ne au se mea ‵se.+ 24  Ke toe ‵togi mai ne Ieova ki a au e ‵tusa mo toku amiotonu,+E ‵tusa mo te ‵ma o oku lima i ana mua.+ 25  A koe e alofa tumau ki te tino telā e alofa tumau+ ki a koe;E fai ne koe a faifaiga ‵ma+ ki te tagata telā e ‵ma; 26  Ka fakaasi atu ne koe tou ‵ma pakipaki ki te tino telā e ‵ma pakipaki,+Kae e fakaasi atu ne koe tou poto ki te tino fai mea pikopiko.+ 27  Me e faka‵sao ne koe a tino ma‵lalo*+Kae ‵teke atu koe ki tino fakamaua‵luga.+ 28  Me ko koe e faka‵ka ne koe toku moli, e Ieova,Ko toku Atua telā e fakamaina ne ia toku pouliga.+ 29  Mai tou fesoasoani e mafai ei ne au o taua atu ki se potukau o tino kai‵soa;+Mai te ‵mana o te Atua e mafai ei ne au o eva mai luga o se ‵pui.+ 30  A te auala o te Atua tonu e ‵lei katoatoa;+A muna a Ieova ko oti ne faka‵magina.+ A ia se talita ki a latou katoa kolā e ‵lafi ki a ia.+ 31  Ko oi te Atua i tafa o Ieova?+ Kae ko oi foki e fai pelā me se kaupapa, kae na ko te ‵tou Atua fua?+ 32  A te Atua tonu ko te tino e fakapei ne ia au ki te malosi,+Kae ka fai ne ia toku auala ke ‵lei katoatoa.+ 33  E fai ne ia oku vae e pelā mo vae o se tia;E fai ne ia au ke tu i luga i koga ma‵luga.+ 34  E akoako ne ia oku lima mō te taua;E mafai ne oku lima o ofe a kausana kopa. 35  E tuku mai ne koe ki a au tau talita o te fakaolataga,+Kae ko tou lima fakaatamai e ‵lago* mai ki a au,Kae ko tou loto maulalo e fai ne ia au ke takutakua.+ 36  E fakalauefa ne koe a auala mō oku kalafaga;A oku vae* ka se ‵mole.+ 37  Ka ‵sala ne au oku fili kae fakatakavale latou;Au ka se foki mai seiloga ke ‵ta fakapalele latou. 38  Ka tuki palapala ne au latou ko te mea ke se mafai o ‵tu aka latou ki luga;+Ka ‵siga latou mai lalo i oku vae. 39  Ka fakatoka ne koe toku malosi mō te taua;Ka fai ne koe oku fili ke ‵siga mai lalo i a au.+ 40  Ka fai ne koe oku fili ke ‵tele kea‵tea mai i a au;*Kae ka fakaseai* ne au a latou kolā e takalia‵lia mai ki a au.+ 41  E ‵tagi latou mō se fesoasoani, kae seai se tino e faka‵sao ne ia latou;E ‵tagi atu foki latou ki a Ieova, kae e se tali atu a ia ki a latou. 42  Ka tuki ne au latou ke ma‵nifi e pelā me ne ‵pefu i te matagi;Ka ‵pei ne au latou ki tua e pelā me ne pela i auala. 43  Ka fakasao ne koe au mai tino kolā e salasala ki mea ‵se.+ Ka fakasopo aka ne koe au ke fai mo ulu o atufenua.+ A tino kolā e seki iloa ne au ka tavini mai ki a au.+ 44  Mai i se lipoti ne ‵logo i ei, ka faka‵logo mai latou ki a au;A tino fakaa‵tea ka o‵mai mo te masiasi ki oku mua.+ 45  A tino fakaa‵tea ka loto vāi‵vai;Ka o‵mai latou mo te pole‵pole mai i olotou ‵pui ma‵losi. 46  A Ieova e ola! Ke viki atu ki toku Kaupapa!+ Ke na fakamaluga aka a te Atua o toku fakaolataga.+ 47  E fakaoko atu ne te Atua tonu te taui ma sui ona ko au;+E fakatakavale ne ia a tino mai lalo i a au. 48  E fakasao ne ia au mai oku fili kaitāua;E avaka ne koe au mai luga atu i a latou kolā e taua mai ki a au;+E fakasao ne koe au mai te tagata fakasaua. 49  Tenā te pogai ka faka‵malu ei ne au a koe i mua o atufenua katoa, e Ieova,+Kae ka usu atu ne au a pese o vikiga ki tou igoa.+ 50  E fai ne ia a faifaiga sili o te faka‵saoga o tino* mō tena tupu;+E fakaasi atu ne ia te alofa fakamaoni ki tena tino fakaekegina,+Ki a Tavita mo ana tama* ki te se-gata-mai.+

Fakamatalaga mai lalo

Onoono ki te FP.
Io me “toku fakaola malosi.”
Io me “Seoli,” telā ko te tanuga masani o tino. Onoono ki te FP.
Io me “te matagi.”
Io me “se koga saosao.”
Io me “puapuaga.”
Io me “tausi.”
Io me “fatugugu.”
Io me “Ka tuku mai ne koe ki a au a tua o oku fili.”
Epelu, “‵pono olotou gutu.”
Io me “manumaloga sili.”
Epelu, “fanau.”