Salamo 16:1-11

  • Ieova, te Pogai o te aga‵lei

    • “A Ieova ko toku tusaga” (5)

    • ‘E fakatonutonu au ne oku mafaufauga i te po’ (7)

    • ‘A Ieova e nofo i toku lima fakaatamai’ (8)

    • “Ka se tuku tiaki ne koe au i te Tanuga” (10)

Se mikitamu* a Tavita. 16  Puipui mai au, e te Atua, me i a au ne faka‵lafi atu ki a koe.+   Ne fai atu au ki a Ieova: “A koe ko Ieova, ko te Pogai o toku aga‵lei.   Kae ko tino tapu i te lalolagi,Ko latou kolā e tafasili i te ‵lei, e aumai ne latou ki a au te fiafia lasi.”+   A latou kolā e ‵sala ki nisi atua e fakaopoopo ne latou te lotou fanoanoa.+ Ka se ‵ligi eiloa ne au ki tua olotou taulaga meainu o te toto,Io me takutaku ne oku laugutu olotou igoa.+   A Ieova ko toku tusaga, ko toku vaega,+ mo taku ipu.+ Ne puipui ne koe toku tofi.   Ko oti ne fua aka a koga ‵gali mō oku. Ao, ko lotomalie au ki toku tofi.+   Ka ‵viki atu au ki a Ieova, telā ne tuku mai ne ia a pati fakatonutonu ki a au.+ Ke oko eiloa ki te po, e fakatonutonu au ne oku mafaufauga ‵loto.*+   E tuku faeloa ne au a Ieova i oku mua i taimi katoa.+ Me i a ia e nofo i toku feitu fakaatamai, ka se mafai eiloa au o malaia.*+   Tela la, a toku loto e fiafia, a toku foitino kātoa* e fiafia. Kae ko au e nofo* i te tokagamalie. 10  Me ka se tuku tiaki ne koe au i te Tanuga.*+ Ka se talia ne koe a tau tino fakamaoni ke lavea ne ia te lua.*+ 11  E fakailoa mai ne koe ki a au te auala o te ola.+ E lasi te fiafia e maua i ou mua;*+E maua faeloa te fiafia* i tou lima fakaatamai ki te se-gata-mai.

Fakamatalaga mai lalo

Onoono ki te FP.
Io me “oku lagonaga ‵loto.” Epelu, “oku nonu.”
Io me “fakagasuesue,” io me “ka se mafai o taka­sēsē.”
Epelu, “toku ‵malu.”
Io me “toku foitino e nofo.”
Io me “Seoli,” telā ko te tanuga masani o tino. Onoono ki te FP.
Io me kāti, “ke kilo atu ki faifaiga sē ‵tonu.”
Epelu, “i ou mata.”
Io me “mea ‵gali.”