Salamo 145:1-21

  • ‵Viki atu ki te Atua, te Tupu sili

    • ‘Ka folafola atu ne au te sili o te Atua’ (6)

    • “A Ieova e ‵lei ki tino katoa” (9)

    • “Ka ‵viki atu ou tino fakamaoni ki a koe” (10)

    • Te pulega fakatupu a te Atua ki te se-gata-mai (13)

    • E fakamalie ne te lima o te Atua a mea katoa (16)

Ko te pese o vikiga a Tavita. א [Alefa] 145  Ka fakamaluga aka ne au koe, e toku Atua te Tupu,+Ka ‵viki atu au ki tou igoa ki te se-gata-mai, se-gata-mai eiloa.+ ב [Peta]   Ka ‵viki atu au ki a koe i te aso kātoa;+Ka ‵viki atu au ki tou igoa ki te se-gata-mai, se-gata-mai eiloa.+ ג [Gimela]   A Ieova e sili kae ‵tau eiloa o ‵viki atu ki ei;+A tena sili e se mafai o sukesukegina.*+ ד [Taleta]   A kautama katoa ka ‵viki atu ki au galuega;Kae fai‵pati latou e uiga ki au faifaiga ‵mana.+ ה [He]   Ka fai‵pati latou ki te gali o tou tulaga ‵malu+Kae ka mafaufau ‵loto au ki au galuega fakaofoofogia. ו [Vau]   Ka fai‵pati latou e uiga ki au faifaiga* fakaofoofogia,Kae ka folafola atu ne au tou sili. ז [Seini]   Ka takutaku atu ne latou te lasi o tou aga‵lei i te taimi e masaua ei ne latou,+Kae ka ka‵laga latou mo te fia‵fia ona ko tou amiotonu.+ ח [Heta]   A Ieova e alofa atafai kae alofa fakamagalo,+E tuai o ita kae lasi tena alofa fakamaoni.+ ט [Teta]   A Ieova e ‵lei ki tino katoa,+Kae ko tena alofa fakamagalo e lavea atu i ana galuega katoa. י [Iota] 10  Au galuega katoa ka faka‵malu atu ki a koe, e Ieova,+Kae ka ‵viki atu ou tino fakamaoni ki a koe.+ כ [Kafa] 11  Ka folafola atu ne latou te ‵malu o tau pulega fakatupu+Kae fai‵pati e uiga ki tou malosi,+ ל [Lameta] 12  Ke fakailoa atu ki tino au faifaiga ‵mana+Mo te gali o tau pulega fakatupu.+ מ [Mema] 13  A tau pulega fakatupu se pulega fakatupu ki te se-gata-mai,Kae e tumau eiloa tau pulega i loto i kautama katoa.+ ס [Sameka] 14  A Ieova e ‵lago atu ki a latou katoa kolā ko ‵siga+Kae faka‵tu ‵tonu aka a latou katoa kolā e pu‵nou ki lalo.+ ע [Seini] 15  A mata katoa e ‵kilo atu mo te fakamoe‵moe ki a koe;E tuku atu ne koe olotou meakai i te taimi tonu o te taukai.+ פ [Pe] 16  E ‵tala atu ne koe tou limaKae fakama‵lie ne koe a manakoga o mea ola katoa.+ צ [Sati] 17  A Ieova e amiotonu i ana auala katoa+ Kae fakamaoni i mea katoa e fai ne ia.+ ק [Kofa] 18  A Ieova e pili ki a latou kolā e ka‵laga atu ki a ia,+Ki a latou kolā e ka‵laga atu ki a ia i te munatonu.*+ ר [Lesa] 19  E fakama‵lie ne ia a manakoga o latou kolā e ma‵taku ki a ia;+E lagona ne ia te lotou ‵tagi mō se fesoasoani, kae e faka‵sao ne ia latou.+ ש [Sini] 20  A Ieova e leoleo ne ia a latou kolā e a‵lofa ki a ia,+Kae ko tino amio ma‵sei katoa ka ‵ta fakapalele ne ia.+ ת [Tau] 21  Ka folafola atu ne toku gutu a vikiga o Ieova;+A mea ola katoa ke ‵viki atu ki tena igoa tapu ki te se-gata-mai, se-gata-mai eiloa.+

Fakamatalaga mai lalo

Io me “e se mafai o malamalama i ei.”
Io me “tou malosi.”
Io me “i te loto fakamaoni.”