Salamo 140:1-13

  • Ieova, te Fakaola malosi

    • Tāgata matagā e pelā me ne gata poisini (3)

    • Tāgata fakasaua ka takavale (11)

Ki te takitaki o te kau fai pese. Ko te pese a Tavita. 140  Fakasao mai au, e Ieova, mai i tāgata matagā;Puipui aka au mai i tāgata fakasaua,+   Ko latou kolā e faitogafiti matagā i olotou loto+Kae faka‵tupu fakalavelave i te aso kātoa.   E fakamata ne latou olotou alelo e pelā me se gata;+A te poisini o gata poisini e maua i tua o olotou laugutu.+ (Selā)   Puipui aka au, e Ieova, mai i lima o tino amio ma‵sei;+Tausi aka au mai tāgata fakasaua,Ko latou kolā e taumafai o fai au ke siga.   A tino fakamaua‵luga e ‵funa ne latou se malei mō oku;E ‵fola ne latou se tili fakatasi mo lōpu i tafa o te auala.+ E fakatoka ne latou a malei mō oku.+ (Selā)   E fai atu au ki a Ieova: “A koe ko toku Atua. Fakalogo mai, e Ieova, ki aku fakatagi mō se fesoasoani.”+   Ieova te Aliki Sili, ko toku Fakaola malosi,Ne puipui ne koe toku ulu i te aso o te taua.+   Sa talia ne koe, e Ieova, a manakoga o tino amio ma‵sei. Sa fai ne koe ke manuia olotou togafiti, ko te mea ke se fakamaluga aka latou.+ (Selā)   A ulu o latou kolā e fakatamilo i a auKe ufi ki mea matagā kolā e fai‵pati ne olotou laugutu.+ 10  Ke ‵to ifo a malala ‵ka ki luga i a latou.+ Ke ‵pei atu latou ki loto i te afi,Ki loto i lua ‵poko,+ ko te mea ke se toe ‵tu aka. 11  A te tino gutu fatufatu ke se maua eiloa sena koga i te lalolagi.*+ Ke afuli ne mea matagā a tāgata fakasaua kae ‵ta latou ke ‵siga ki lalo. 12  E iloa ne au me ka ‵pulu ne Ieova a te tino malaloKae fai te fakamasinoga tonu ki tino ma‵tiva.+ 13  E mautinoa eiloa i tino amio‵tonu ka fakafetai atu ki tou igoa;A te tino fai mea tonu ka nofo atu i ou mua.+

Fakamatalaga mai lalo

Io me “i te fenua.”