Salamo 138:1-8

  • E tiga eiloa e fakamaluga aka, e atafai eiloa a te Atua

    • ‘Ne tali mai koe ki taku ‵talo’ (3)

    • ‘I tulaga fakama‵taku, ne fakasao ne koe au’ (7)

Ko te salamo a Tavita. 138  Ka ‵viki atu au ki a koe mo toku loto kātoa.+ I mua o nisi atuaKa usu atu ne au a vikiga.   Ka ifo au ki lalo i mua o tou faletapu ‵malu,*+Kae ka ‵viki atu au ki tou igoa+Ona ko tou alofa fakamaoni mo tou fakamaoni. Me ne fakamaluga aka ne koe a tau muna mo tou igoa i luga i mea katoa.   I te aso ne kalaga atu ei au, ne tali mai koe ki a au;+Ne fai ne koe au ke loto toa kae malosi.+   A tupu katoa o te lalolagi ka ‵viki atu ki a koe, e Ieova,+Me ko oti ne lagona ne latou a tautoga ne fai ne koe.   Ka usu atu latou e uiga ki auala o Ieova,Me i te ‵malu o Ieova e sili.+   E tiga eiloa te maluga o Ieova, e masaua ne ia te tino loto maulalo,+Kae ko te tino fakamaualuga e iloa fua ne ia mai i se koga ‵mao.+   Kafai foki au e sasale i loto i tulaga fakama‵taku, ka tausi ne koe au ke ola.+ E ‵fola atu tou lima o ‵teke te kaitāua o oku fili;A tou lima fakaatamai ka fakasao ne ia au.   Ka fai ne Ieova a mea katoa mō oku. Ieova, a tou alofa fakamaoni e tumau ki te se-gata-mai;+Sa fakapuli ne koe a galuega a ou lima.+

Fakamatalaga mai lalo

Io me “koga tapuaki.”