Salamo 135:1-21

  • ‵Viki atu ki a Ioa me i a ia e sili

    • Fakailoga mo vavega e ‵teke atu ki Aikupito (8, 9)

    • “A tou igoa e tumau ki te se-gata-mai” (13)

    • Tupua ‵mate (15-18)

135  ‵Viki atu ki a Ioa!* ‵Viki atu ki te igoa o Ieova;Avatu a vikiga, koutou e tavini a Ieova,+   Koutou kolā e ‵tu i te fale o Ieova,I koga ateatea o te fale o te Atua.+   ‵Viki atu ki a Ioa, me i a Ieova e ‵lei.+ Usu atu a vikiga ki tena igoa, me e gali.   Me ko oti ne filifili ne Ioa a Iakopo ke fai mō ia,Ko Isalaelu ke fai mo ana tino fakapito.*+   Me e iloa ‵lei ne au i a Ieova e sili;A te ‵tou Aliki e sili atu i lō nisi atua katoa.+   E fai ne Ieova a mea katoa e fiafia a ia o fai+I te lagi mo te lalolagi, i te tai mo koga ‵poko katoa.   E fai ne ia ke olo aka a kaumana ki luga mai i koga ‵mao o te lalolagi;E fai ne ia a te uila mō te vaiua;E aumai ne ia te matagi ki tua mo ana fale ‵teu koloa.+   Ne ‵ta ne ia a toekimua o Aikupito,Ko tino mo manu.+   Ne avatu ne ia a fakailoga mo vavega ki a koutou, e Aikupito,+O ‵teke atu ki te Falao mo ana tavini katoa.+ 10  Ne ‵ta ne ia a atufenua e uke+Kae tamate a tupu ma‵losi+ 11  —Ko Sekono te tupu o tino Amoli,+Oko te tupu o Pasana,+Mo malo katoa o Kanana. 12  Ne tuku atu ne ia te lotou laukele e pelā me se tofi,Se tofi ki ana tino Isalaelu.+ 13  Ieova, a tou igoa e tumau ki te se-gata-mai. Ieova, a tou takutakua* e tumau i loto i kautama katoa.+ 14  Me ka ‵pulu ne Ieova ana tino,+Kae ka alofa atafai a ia ki ana tavini.+ 15  A tupua o atufenua ne faite ki siliva mo aulo,Ko galuega ne fai ne tino ki olotou lima.+ 16  E isi ne olotou gutu, kae e se mafai ne latou o fai‵pati;+Mo olotou mata, kae e se mafai ne latou o lavea; 17  E isi ne olotou taliga, kae e se mafai ne latou o lagona se mea. E seai se mānava i olotou gutu.+ 18  A tino ne faite ne latou a mea konā ka penā eiloa mo mea konā,+E pelā foki mo latou katoa kolā e tali‵tonu ki mea konā.+ 19  ‵Viki atu ki a Ieova, e te kāiga o Isalaelu. ‵Viki atu ki a Ieova, e te kāiga o Alona. 20  ‵Viki atu ki a Ieova, e te kāiga o Levi.+ ‵Viki atu ki a Ieova, a koutou kolā e ma‵taku ki a Ieova. 21  Ke vikia eiloa a Ieova mai i Siona,+Te Atua telā e nofo i Ielusalema.+ ‵Viki atu ki a Ioa!+

Fakamatalaga mai lalo

Io me “Aleluia!” A “Ioa” ko te fakatoetoega o te igoa o Ieova.
Io me “kope tāua.”
Io me “igoa.” Epelu, “fakamanatu.”