Salamo 130:1-8

  • ‘Au ne kalaga atu ki a koe mai i te koga ‵poko’

    • “Kafai koe e onoono ki mea ‵se” (3)

    • Te fakamagaloga tonu e maua i a Ieova (4)

    • “Au e nofo fakatalitali ki a Ieova” (6)

Se Pese o te Oloakaga. 130  Au ne kalaga atu ki a koe, e Ieova, mai i te koga ‵poko.+   Ieova, fakalogo mai ki toku leo. Ke tuku tonu mai ou taliga ki aku fakatagi mō se fesoasoani.   Kafai koe e onoono ki mea ‵se, e Ioa,*Ko oi la e mafai o tu, e Ieova?+   Me e maua i a koe te fakamagaloga tonu,+Ko te mea ke ofo* a tino i a koe.+   Au e fakamoemoe ki a Ieova, a toku foitino kātoa e fakamoemoe ki a ia;Au e faka‵tali ki tena muna.   Au e nofo fakatalitali ki a Ieova,+E sili atu i leoleo kolā e faka‵tali ki te tafataeao,+Ao, e sili atu i leoleo kolā e faka‵tali ki te tafataeao.   Ke na faka‵tali faeloa a Isalaelu ki a Ieova,Me i a Ieova e fakamaoni i tena alofa,+Kae maua ne ia te malosi sili ke faka‵sao a tino.   Ka faka‵sao ne ia a Isalalelu mai i olotou mea ‵se katoa.

Fakamatalaga mai lalo

A “Ioa” ko te fakatoetoega o te igoa o Ieova.
Epelu, “ke ma‵taku.”