Salamo 129:1-8

  • Ne taua atu ki ei kae ne seki takavale

    • Ko masiasi a tino kolā e takalia‵lia ki Siona (5)

Se Pese o te Oloakaga. 129  “Talu mai te taimi koi talavou ei au ne taua mai faeloa latou ki a au”+ —Ke fai aka a Isalaelu penei—   “Talu mai te taimi koi talavou ei au ne taua mai faeloa latou ki a au;+Kae ne seki fakatakavale eiloa ne latou au.+   Ko oti ne fai ne nisi tino toku tua ke ‵pau mo se laukele telā ne fakamalū;+Ne fai ne latou a laina o fakatugā one kolā e ‵toki ki ei a fuagā lakau ke ‵loa.”   Kae ko Ieova e amiotonu;+Ko oti ne ‵kati ne ia a lōpu a tino amio ma‵sei.+   Ka fakamasiasigina latou kae toe ‵foki ki tua mo te ‵ma,Ko latou katoa kolā e takalia‵lia ki Siona.+   Ka fai latou e pelā mo mouku i luga i tuafaleKolā e mage‵mage kae koi tuai o unu kea‵tea,   Kolā e se mafai o faka‵fonu ki ei a lima o te tino ‵kati saitoIo me ko lima o te tino e ‵luku saito.   A latou kolā e faka‵sili atu i olotou tafa e fai aka penei:“Ke i luga i a koutou te fakamanuiaga a Ieova; E fakamanuia atu matou ki a koutou i te igoa o Ieova.”

Fakamatalaga mai lalo