Salamo 126:1-6

  • Te ‵toe fakafokimaiga o Siona mo te fiafia

    • “A Ieova ne fai ne ia a mea fakaofoofogia” (3)

    • Mai te tagi ki te fiafia (5, 6)

Se Pese o te Oloakaga. 126  I te taimi ne toe fakamaopoopo mai ei ne Ieova a tino o Siona kolā ne ave fakapagota,+Ne mafau‵fau matou i a matou e moe‵miti.   I te taimi tenā a omotou gutu ne fia‵fia malosiMo omotou alelo ne ka‵laga fia‵fia.+ I te taimi tenā, ne fai aka ei a latou mai nisi atufenua: “A Ieova ne fai ne ia a mea fakaofoofogia mō latou.”+   A Ieova ne fai ne ia a mea fakaofoofogia mō matou,+Kae ko oko eiloa te motou fia‵fia.   Fakamaopoopo mai* omotou tino ne ave fakapagota, e Ieova,E pelā mo tamā vaitafe i te Nekepi.*   A latou kolā e ‵toki fuaga mo loimataKa tau a fuataga mo te kalaga fiafia.   A ia telā e fano ki tua, faitalia me tagi,Kae sau tena taga i fuaga,E mautinoa me ka foki mai mo te kalaga fiafia,+Kae sau mai ana fusiga saito.+

Fakamatalaga mai lalo

Io me “Faka‵foki.”
Io me “vanu i te feitu ki saute.”