Salamo 119:1-176

  • Te loto fakafetai mō te muna tāua a te Atua

    • ‘E mafai pefea o tausi ne talavou olotou auala ke ‵ma?’ (9)

    • “Au e fiafia malosi ki au fakamasauaga” (24)

    • “Tau muna ko toku fakamoemoega” (74, 81, 114)

    • “Ko oko eiloa au i te fiafia ki tau tulafono!” (97)

    • “E sili atu te ‵loto o toku malamalama i lō oku faiakoga katoa” (99)

    • “A tau muna se moli ki oku vae” (105)

    • “A te ‵kano tonu o tau muna ko te munatonu” (160)

    • Te filemu mō latou kolā e fia‵fia ki te tulafono a te Atua (165)

א [Alefa] 119  E fia‵fia a latou kolā e se ‵se i olotou auala,Kolā e sa‵sale i te tulafono a Ieova.+   E fia‵fia a latou kolā e tausi ki ana fakamasauaga,+Kolā e ‵sala ki a ia mo olotou loto kātoa.+   E se fai ne latou a faifaiga sē amio‵tonu;E sa‵sale latou i ana auala.+   Ne fakatonu atu koeKe tausi faka‵lei ki au fakatonuga.+   Moi ne mafai o tu ‵mautakitaki au+Ko te mea ke tausi ki au tulafono fo‵liki!   Tenā ko se masiasi ei au+Māfai ko mafaufau au ki au tulafono katoa.   Ka ‵viki atu au ki a koe mo te loto fai mea tonuI te taimi e tauloto ei au ki au fakamasinoga amio‵tonu.   Ka tausi au ki au tulafono fo‵liki. Ke mo a eiloa ma tiaki katoatoa ne koe au. ב [Peta]   E mafai pefea o tausi ne se tamataene tena auala ke ‵ma? Mai te puipui ne ia a ia eiloa e ‵tusa mo tau muna.+ 10  E ‵sala atu au ki a koe mo toku loto kātoa. Sa faigina au ke takasēsē kea‵tea mai i au fakatonuga.+ 11  Ne tausi faka‵lei ne au au pati i toku loto+Ko te mea ke se agasala au ki a koe.+ 12  Ke vikia eiloa koe, e Ieova;Akoako mai au ki au tulafono fo‵liki. 13  E folafola atu ne au i oku laugutuA fakamasinoga katoa kolā ko oti ne faipati mai ne koe. 14  E sili atu toku fiafia ki au fakamasauaga+I lō nisi mea tāua katoa.+ 15  Ka mafaufau ‵loto* au ki au fakatonuga+Kae kilo atu faeloa oku mata ki ou auala.+ 16  Au e fiafia malosi ki au tulafono fakavae. Ka se puli i a au tau muna.+ ג [Gimela] 17  Fai faka‵lei ki tau tavini,Ko te mea ke ola au kae tausi ki tau muna.+ 18  Faka‵pula aka oku mata ko te mea ke lavea faka‵lei ne auA mea fakaofoofogia mai tau tulafono. 19  Au se tino fakaa‵tea i te fenua.+ Sa ‵funa au fakatonuga mai i a au. 20  Ko oko eiloa toku manako malosiKi fakamasinoga a koe i taimi katoa. 21  Ne ‵liko ne koe a tino fakamata‵mata,Ko tino ne fakamalaiagina kolā ne ‵sipa kea‵tea mai i au fakatonuga.+ 22  Ave kea‵tea mai i a au* a fakatauemuga mo fakamaseiga,Me i a au ne tausi ki au fakamasauaga. 23  Kafai foki a pelenise e saga‵saga fakatasi o fai‵pati ‵teke mai ki a au,E mafaufau ‵loto* tau tavini e uiga ki au tulafono fo‵liki. 24  Au e fiafia malosi ki au fakamasauaga;+A latou ko oku tino fakatonutonu.+ ד [Taleta] 25  Au e takato i lalo i te ‵pefu.+ Tausi mai au ke ola e ‵tusa mo tau muna.+ 26  Ne fai atu ne au ki a koe oku auala, kae ne tali mai koe ki a au;Akoako mai au ki au tulafono fo‵liki.+ 27  Fai ke malamalama au i te uiga* o au fakatonuga,Ko te mea ke mafai ne au o mafaufau ‵loto* ki au galuega fakaofoofogia.+ 28  Au ne seki moe eiloa ona ko te fanoanoa. Fakamalosi mai au e ‵tusa mo tau muna. 29  Ave kea‵tea mai i a au a te auala ‵se,+Alofa mai kae tuku mai ki a au tau tulafono. 30  Ne filifili ne au te auala o te fakamaoni.+ E iloa ne au me i au fakamasinoga e ‵tonu. 31  Au e ‵piki ‵mau ki au fakamasauaga.+ Ieova, sa faigina au ke fanoanoa.*+ 32  Ka kausaki malosi* au ki te auala o au fakatonugaMe ne tuku mai ne koe se avanoaga i toku loto* mō te mea tenā. ה [He] 33  Akoako mai ki a au, e Ieova,+ a te auala o au tulafono fo‵liki,Kae ka tautali au i ei ke oko ki te gataga.+ 34  Tuku mai ki a au te malamalamaKo te mea ke tausi au ki au tulafonoKae tausi ki ei mo toku loto kātoa. 35  Takitaki mai au* i te auala o au fakatonuga,+Me i a au e fiafia ki ei. 36  ‵Fuli atu toku loto ki au fakamasauaga,Kae e se ki mea e kaimanako au ki ei.*+ 37  ‵Fuli kea‵tea oku mata mai te kilokilo atu ki mea sē aoga;+Tausi mai au ke ola i tou auala. 38  Fakataunu tau tautoga* ki tau tavini,Ko te mea ke mataku ki a koe.* 39  Tapale kea‵tea te masiasi telā e mataku au i ei,Me i au fakamasinoga e ‵lei.+ 40  Kilo mai ki te lasi o toku manako ki au fakatonuga. Tausi mai au ke ola i tou amiotonu. ו [Vau] 41  Ke oko mai ki a au a tou alofa fakamaoni, e Ieova,+Ko tau fakaolataga e ‵tusa mo tau tautoga;*+ 42  Tenā ka tali ei au ki te tino telā e fakaitaita mai ki a au,Me i a au ne talitonu ki tau muna. 43  Sa ave kea‵tea ne koe a te munatonu mai toku gutu,Me i a au ne fakamoemoe* ki tau fakamasinoga. 44  Ka tausi faeloa ne au a tau tulafono,Ki te se-gata-mai, se-gata-mai eiloa.+ 45  Kae ka sasale au i se koga telā e saogalemu,*+Me i a au e salasala ki au fakatonuga. 46  Ka faipati au e uiga ki au fakamasauaga i mua o tupu,Kae ka se mā eiloa au.+ 47  Au e fiafia malosi ki au fakatonuga,Ao, au e fiafia ki ei.+ 48  Ka sisi aka oku lima ki au fakatonuga, kolā e fiafia au ki ei,+Kae ka mafaufau ‵loto* au ki au tulafono fo‵liki.+ ז [Seini] 49  Ke masaua tau pati* ki tau tavini,Telā ne tuku mai i ei ne koe se fakamoemoega ki a au.* 50  Tenei toku fakamafanafanaga i te taimi o toku puapuaga,+Me i tau pati ne tausi ei au ke ola. 51  A tino fakamata‵mata e fakatauemu malosi ne latou au,Kae e se ‵fuli kea‵tea eiloa au mai tau tulafono.+ 52  E masaua ne au a fakamasinoga a koe mai aso mua,+ e Ieova,Kae e maua ne au te fakamafanafanaga mai i ei.+ 53  Au ko ‵vela eiloa i te kaitaua ona ko tino amio ma‵sei,Kolā e tiaki ne latou tau tulafono.+ 54  Au tulafono fo‵liki ne pese ki a auI so se koga e nofo au i ei.* 55  I te po e masaua ne au tou igoa, e Ieova,+Ko te mea ke tausi ne au tau tulafono. 56  Tenei te mea e masani o fai ne auMe i a au ne tausi ki au fakatonuga. ח [Heta] 57  A Ieova ko toku tusaga;+Au ne tauto ke tausi ki au muna.+ 58  Au e fakatagi atu ki a koe mo toku loto kātoa;+Ke na talia mai au+ e ‵tusa mo tau tautoga.* 59  Ko oti ne iloilo ne au oku auala,Ko te mea ke toe ‵fuli atu oku vae ki au fakamasauaga.+ 60  Au ne fakavavave kae seki fakatalaveO tausi ki au fakatonuga.+ 61  A lōpu a tino amio ma‵sei ne fakatamilo i a au,Kae ne seki puli i a au tau tulafono.+ 62  I te valuapo e tu aka au o fakafetai atu ki a koe+Mō au fakamasinoga amio‵tonu. 63  Au se taugasoa o latou katoa kolā e ma‵taku ki a koeMo latou kolā e tausi ki au fakatonuga.+ 64  A tou alofa fakamaoni, e Ieova, ko ‵fonu i ei te lalolagi;+Akoako mai au ki au tulafono fo‵liki. ט [Teta] 65  A koe ne fai faka‵lei ki tau tavini,E Ieova, e ‵tusa mo tau muna. 66  Akoako mai ki a au te mafaufau ‵lei mo te iloa,+Me i a au ne talitonu ki au fakatonuga. 67  Koi tuai au o puapuaga, ne masani o tapeapea atu au kea‵tea,*Kae nei ko tausi ne au tau pati.+ 68  A koe e ‵lei+ kae e ‵lei foki au galuega. Akoako mai au ki au tulafono fo‵liki.+ 69  A tino fakamata‵mata ne fakasalalau atu a tala ‵loi e uiga ki a au,Kae ko au e tausi ki au fakatonuga mo toku loto kātoa. 70  E seai se loto alofa i a latou,+Kae ko au e fiafia malosi ki tau tulafono.+ 71  Se mea ‵lei ke puapuaga au,+Ko te mea ke tauloto au ki au tulafono fo‵liki. 72  A te tulafono telā ne folafola ne koe e ‵lei mō au,+E sili atu i te fia afe o tupe aulo mo tupe siliva.+ י [Iota] 73  Ne faite kae fakafoliga au ne ou lima. Tuku mai ki a au te malamalama,Ko te mea ke tauloto au ki au fakatonuga.+ 74  A latou kolā e ma‵taku ki a koe e lavea ne latou au kae fia‵fia,Me i tau muna ko toku fakamoemoega.*+ 75  E iloa ne au, e Ieova, me i au fakamasinoga e amio‵tonu+Kae ne fakapuapuaga ne koe au i tou fakamaoni.+ 76  A tou alofa fakamaoni,+ fakamolemole, ke fakamafanafana i ei au,E ‵tusa mo te tautoga* ne fai ne koe ki tau tavini. 77  Fakaasi mai ki a au te alofa fakamagalo, ko te mea ke tumau au i te ola,+Me i a au e fiafia malosi ki tau tulafono.+ 78  A tino fakamata‵mata ke fakamasiasigina,Me ne fai fakamasei ne latou au e aunoa mo se pogai.* Kae ko au ka mafaufau ‵loto* ki au fakatonuga.+ 79  A latou kolā e ma‵taku ki a koe ke toe ‵foki mai ki a au,Ko latou kolā e iloa ne latou au fakamasauaga. 80  Ke mo a eiloa e fai ne toku loto se mea ‵se i te tautali atu ki au tulafono fo‵liki,+Ko te mea ke se fakamasiasigina au.+ כ [Kafa] 81  E manako malosi au ki tau fakaolataga,+ Me i tau muna ko toku fakamoemoega.* 82  Oku mata e ma‵nako malosi ki tau pati+ Kae e fai atu au: “Ko te taimi fea ka fakamafanafana ei ne koe au?”+ 83  Me ko fai au pelā me se fagu pa‵kili manu ko malō pakupaku i te ausaga, Kae ko au tulafono fo‵liki e se puli i a au.+ 84  E fia aso e ‵tau o faka‵tali i ei tau tavini? Ko te taimi fea ka aumai ei ne koe te fakamasinoga ki a latou kolā e fakasaua mai ki a au?+ 85  A tino fakamata‵mata e keli a lua mō oku, Ko latou kolā e se fia faka‵logo ki tau tulafono. 86  Au fakatonuga katoa e fakatuagagina. E fakasaua ne tāgata au e aunoa mo se pogai; fesoasoani mai ki a au!+ 87  Toeitiiti kae fakaseai ne latou au mai te lalolagi, Kae ne seki tiaki eiloa ne au au fakatonuga. 88  Tausi mai au ke ola ona ko tou alofa fakamaoni, Ko te mea ke tausi ne au a fakamasauaga ne faipati mai ne koe. ל [Lameta] 89  Ki te se-gata-mai, e Ieova,Ka tumau ei tau muna i te lagi.+ 90  A tou fakamaoni e oko atu eiloa ki kautama katoa.+ Ko oti ne faka‵mautakitaki ne koe te lalolagi, ko te mea ke tumau eiloa.+ 91  E auala i au fakamasinoga e tumau eiloa a mea konā* ke oko mai ki te aso nei,Me i mea katoa konā ko au tavini. 92  Moi ne seki fiafia malosi au ki tau tulafono,Penei ko oti ne mate atu au i toku puapuaga.+ 93  Ka se puli eiloa i a au au fakatonuga,Me e auala i ei ne tausi ne koe au ke ola.+ 94  Au e o koe; fakaola mai au,+Me i a au ne salasala ki au fakatonuga.+ 95  A tino amio ma‵sei e faka‵tali o fakaseai au,Kae ko au e saga tonu atu eiloa ki au fakamasauaga. 96  Ko oti ne lavea ne au te tapula ki mea ‵lei katoa,Kae ko au fakatonuga e seai se lotou tapula.* מ [Mema] 97  Ko oko eiloa au i te fiafia ki tau tulafono!+ E mafaufau ‵loto* au ki ei i te aso kātoa.+ 98  Au fakatonuga e fai ei au ke poto atu i lō oku fili,+Me e nofo eiloa mo au ke oko ki te se-gata-mai. 99  E sili atu te ‵loto o toku malamalama i lō oku faiakoga katoa,+Me i a au e mafaufau ‵loto* ki au fakamasauaga. 100  E gasuesue au mo te lasi o te malamalama i lō tāgata ma‵tua,Me i a au e tausi ki au fakatonuga. 101  E ita au ma sasale i so se auala matagā,+Ko te mea ke tausi ne au tau muna. 102  E se ‵fuli kea‵tea au mai i au fakamasinoga,Me ne akoako ne koe au. 103  Ko oko eiloa i te suamalie o au pati ki toku gutu,E sili atu i lō hani i toku gutu!+ 104  E auala i au fakatonuga ne gasuesue ei au mo te malamalama.+ Tenā te pogai e takalialia ei au ki so se auala ‵se.+ נ [Nuna] 105  A tau muna se moli ki oku vae,Kae se mainaga ki toku auala.+ 106  Ko oti ne fai ne au se tautoga, kae ka fakataunu eiloa ne au,Ke tausi ki au fakamasinoga amio‵tonu. 107  Ko oti au ne puapuaga malosi.+ Ieova, tausi mai au ke ola e ‵tusa mo tau muna.+ 108  Fakamolemole, ke fiafia koe ki taku taulaga o te lotomalie e avatu i ei a vikiga,*+ e Ieova,Kae akoako mai au ki au fakamasinoga.+ 109  A toku ola e tu faeloa i se tulaga fakamataku,Kae e seki puli eiloa i a au tau tulafono.+ 110  Ne fai ne tino amio ma‵sei se malei mō oku,Kae ne seki ‵sipa eiloa au kea‵tea mai i au fakatonuga.+ 111  E puke ne au a fakamasauaga a koe ke fai mo kope tumau o oku,*Me i mea konā ko fiafiaga o toku loto.+ 112  Ko oti ne fakaiku aka ne au* ke fakalogo ki au tulafono fo‵likiI taimi katoa, ke oko eiloa ki te fakaotiga. ס [Sameka] 113  E takalialia au ki tino fakalotolotolua,*+Kae ko au e fiafia ki au tulafono.+ 114  A koe ko toku fale fakamalumalu mo toku talita,+Me i tau muna ko toku fakamoemoega.*+ 115  Olo kea‵tea mai i a au, koutou e tāgata matagā,+Ko te mea ke tausi ne au a fakatonuga a toku Atua. 116  ‵Lago mai ki a au e pelā mo tau tautoga,*+Ko te mea ke tumau au i te ola; Sa ‵fuligina toku fakamoemoega ki se tulaga fakafanoanoa.*+ 117  ‵Lago mai ki a au ko te mea ke sao au;+Tenā ko saga tonu faeloa ei au ki au tulafono fo‵liki.+ 118  Ne ‵teke ne koe a latou katoa kolā ne ‵sipa kea‵tea mai i au tulafono fo‵liki,+Me i a latou e ‵loi kae faitogafiti. 119  E fakaseaoga ne koe a tino amio ma‵sei katoa o te lalolagi e pelā eiloa me ne kaiga sē aoga.+ Tenā te pogai e fiafia ei au ki au fakamasauaga. 120  A te mataku ki a koe e fai ei toku foitino ke polepole;Au e mataku ki au fakamasinoga. ע [Aina] 121  Ko oti ne fai ne au a te mea tonu kae amiotonu. Sa tiaki mai au ki tino kolā e fakasaua mai ki a au! 122  Fakamautinoa aka te nofo ‵lei o tau tavini;A tino fakamata‵mata ke mo a ma fakasaua mai ki a au. 123  Oku mata ko fi‵ta i te faka‵tali ki tau fakaolataga+ Mo tau tautoga amiotonu.+ 124  Fakaasi mai tou alofa fakamaoni ki tau tavini,+Kae akoako mai au ki au tulafono fo‵liki.+ 125  Au ko tau tavini; tuku mai ki a au te malamalama,+Ko te mea ke iloa ne au a fakamasauaga a koe. 126  Ko oko ki te taimi ke gasuesue ei a Ieova,+Me ko oti ne ofa ne latou tau tulafono. 127  Tenā te pogai e sili atu ei toku fiafia ki au fakatonuga I lō aulo, ke oko ki aulo ‵lei.*+ 128  Tela la, e fai ne au so se fakatonuga mai i a koe me e tonu;+E takalialia au ki so se auala ‵se.+ פ [Pe] 129  Au fakamasauaga e fakaofoofogia. Tenā te pogai e tausi ei ne au. 130  A te fakaasimaiga o au muna e aumai ei te mainaga,+E tuku atu i ei te malamalama ki te tino e se lasi tena iloa.+ 131  Au e fakamaga toku gutu mo te mānava fi‵ta,Me i a au e manako malosi ki au fakatonuga.+ 132  ‵Fuli mai ki a au kae ke na talia mai au,+E ‵tusa mo tau fakamasinoga ki a latou kolā e a‵lofa ki tou igoa.+ 133  Takitaki oku kalafaga mo te saogalemu* e auala i tau pati;Ke seai eiloa se mea masei e pule mai ki a au.+ 134  Fakasao mai au mai tāgata fakasaua,Kae ka tausi au ki au fakatonuga. 135  Fai ke maina atu ou mata* ki tau tavini,+Kae akoako mai au ki au tulafono fo‵liki. 136  Ne ‵sali ifo a loimata mai oku mataMe e se tausi ne tino tau tulafono.+ צ [Sati] 137  A koe e amiotonu, e Ieova,+Kae ko au fakamasinoga e ‵lei.+ 138  A fakamasauaga e tuku mai ne koe e amio‵tonuKae fakatuagagina katoatoa. 139  A toku loto finafinau ko fai masei i loto i a au,+Me i oku fili ko puli i a latou au muna. 140  A tau pati ko oti ne faka‵ma katoatoa,+Kae ko tau tavini e fiafia ki ei.+ 141  Au e se taulia kae fakatakalialiagina;+Kae e seki puli eiloa i a au au fakatonuga. 142  A tou amiotonu ko te amiotonu ki te se-gata-mai,+Kae ko tau tulafono ko te munatonu.+ 143  E tiga eiloa ne oko mai te mafatia mo mea faiga‵ta ki a au,Ne tumau eiloa toku fiafia malosi ki au fakatonuga. 144  A te amiotonu o au fakamasauaga e tumau ki te se-gata-mai. Tuku mai ki a au te malamalama,+ ke tumau au i te ola. ק [Kofa] 145  Au e kalaga atu mo toku loto kātoa. Tali mai ki a au, e Ieova. Ka tausi eiloa au ki au tulafono fo‵liki. 146  Au e kalaga atu ki a koe; fakaola mai au! Ka tausi au ki au fakamasauaga. 147  Ne ala aka au kae koi tuai o vaveao o tagi atu mō se fesoasoani,+Me i au muna ko toku fakamoemoega.* 148  Oku mata ne ‵pula kae koi tuai o oko atu ki te ‵tuga i te po,Ko te mea ke mafaufau ‵loto* au ki tau pati.+ 149  Fakalogo mai ki toku leo ona ko tou alofa fakamaoni.+ Ieova, tausi mai au ke ola e ‵tusa mo au fakamasinoga ‵tonu. 150  A latou kolā e fai amioga fakamasiasi* ko fakapili‵pili mai;E ‵mao ‵ki latou mai tau tulafono. 151  A koe e pili mai, e Ieova,+Kae ko au fakatonuga katoa e ‵tonu.+ 152  I aso mua ne tauloto au e uiga ki au fakamasauaga,Kolā ne faka‵mautakitaki ne koe ke tumau ki te se-gata-mai.+ ר [Lesa] 153  Kilo mai ki oku puapuaga kae fakasao mai au,+Me ne seki puli eiloa i a au tau tulafono. 154  ‵Pulu aka au* kae fakasao mai au;+Tausi mai au ke ola e ‵tusa mo tau tautoga.* 155  A te fakaolataga e ‵mao ‵ki mai tino amio ma‵sei,Me e seki ‵sala latou ki au tulafono fo‵liki.+ 156  A tou alofa fakamagalo e lasi, e Ieova.+ Tausi mai au ke ola e ‵tusa mo au fakamasinoga ‵tonu. 157  A tino e fakasaua mai ki a au mo oku fili e tokouke;+Kae e seki ‵fuli kea‵tea eiloa au mai au fakamasauaga. 158  E kilo atu au ki tino faitogafiti mo te takalialia,Me e se tausi latou ki tau pati.+ 159  Kilo mai ki te lasi o toku fiafia ki au fakatonuga! Ieova, tausi mai au ke ola ona ko tou alofa fakamaoni.+ 160  A te ‵kano tonu o tau muna ko te munatonu,+Kae ko au fakamasinoga amio‵tonu katoa e tumau ki te se-gata-mai. ש [Sina] io me [Sini] 161  A pelenise e fakasaua ne latou au+ e aunoa mo se pogai,Kae ko toku loto e ofo i au muna.+ 162  Au e fiafia ona ko tau pati+E pelā eiloa mo se tino e maua ne ia a mea e uke mai te taua. 163  Au e takalialia ki te loi​—au e takalialia ki ei+Au e fiafia ki tau tulafono.+ 164  E fitu taimi i te aso e ‵viki atu ei au ki a koeOna ko au fakamasinoga amio‵tonu. 165  A te lasi o te filemu e maua ne latou kolā e fia‵fia ki tau tulafono;+E seai se mea e fai ei latou ke ‵siga. 166  E fakamoemoe au ki au faifaiga faka‵sao tino, e Ieova,Kae e tausi au ki au fakatonuga. 167  E tausi ne au au fakamasauaga,Kae e fiafia malosi au ki ei.+ 168  Ne tausi ne au au fakatonuga mo au fakamasauaga,Me e iloa ne koe a mea katoa e fai ne au.+ ת [Tau] 169  Ke na oko atu ki a koe, e Ieova, a taku tagi mō se fesoasoani.+ E ‵tusa mo tau muna, fai ke malamalama au.+ 170  Ke na oko atu ki ou mua a taku fakatagi mō tau taliaga. Fakaola mai au, e pelā eiloa mo tau tautoga.* 171  Ke na ‵fonu eiloa oku laugutu i vikiga,+Me e akoako mai ne koe au ki au tulafono fo‵liki. 172  Ke na usu atu ne toku gutu a mea e uiga ki tau pati,+Me i au fakatonuga katoa e amio‵tonu. 173  Ke na toka eiloa tou lima o fesoasoani mai ki a au,+Me i a au ne filifili ke fakalogo ki au fakatonuga.+ 174  Au e manako malosi ki tau fakaolataga, e Ieova,Kae ko au e fiafia malosi ki tau tulafono.+ 175  Tuku mai au ke ola ko te mea ke ‵viki atu au ki a koe;+Au fakamasinoga ke fai mo fai toku fesoasoani. 176  Au ne takasēsē e pelā me se mamoe ko galo.+ ‵Sala mai ki tau tavini,Me ne seki puli eiloa i a au au fakatonuga.+

Fakamatalaga mai lalo

Io me “sukesuke.”
Epelu, “Fakateka kea‵tea mai i a au.”
Io me “sukesuke.”
Epelu, “auala.”
Io me “sukesuke.”
Io me “fai ke masiasi.”
Epelu, “Ka tele.”
Io me kāti, “ne fai ne koe ke loto malosi au.”
Io me “Fai ke sasale au.”
Io me “ki tupe silia.”
Io me “pati.”
Io me kāti, “Telā ne fai ki a latou kolā e ma‵taku ki a koe.”
Io me “pati.”
Io me “Au ne faka‵tali.”
Io me “se koga saosao.”
Io me “sukesuke.”
Io me “tautoga.”
Io me “Telā ne fai ne koe au ke faka‵tali ki ei.”
Io me “I te fale e nofo au i ei e pelā me se tino fakaa‵tea.”
Io me “pati.”
Io me “au ne agasala e aunoa mo te mafaufau ki ei.”
Io me “Au e faka‵tali ki tau muna.”
Io me “pati.”
Io me kāti, “ki loi.”
Io me “sukesuke.”
Io me “Au e faka‵tali ki tau muna.”
Telā, ko ana galuega katoa ne fai.
Epelu, “e lauefa ‵ki.”
Io me “sukesuke.”
Io me “sukesuke.”
Epelu, “te taulaga o te lotomalie o toku gutu.”
Io me “toku tofi ki te se-gata-mai.”
Epelu, “ne tuku atu toku loto.”
Io me “tāgata kolā e mavae‵vae olotou loto.”
Io me “Au e faka‵tali ki tau muna.”
Io me “e ‵tusa mo tau pati.”
Io me “fai ke masiasi.”
Io me “ne faka‵ma.”
Io me “Fai ke ‵mautakitaki oku kalafaga.”
Io me “fakamisikata.”
Io me “Au e faka‵tali ki au muna.”
Io me “sukesuke.”
Io me “amioga matagā.”
Io me “Fai aka taku tagi.”
Io me “pati.”
Io me “e ‵tusa mo tau pati.”