Salamo 116:1-19
116 Au e alofa ki a IeovaMe e lagona ne ia toku leo, taku fakatagi mō se fesoasoani.+
2 Me tuku mai ana taliga* ki a au,+Kae ka kalaga atu au ki a ia i toku olaga kātoa.*
3 A lōpu o te mate e fakatamilo i a au;A te Tanuga ko taofi ne ia au.*+
Ko oko eiloa au i te puapuaga kae fanoanoa.+
4 Kae ne kalaga atu au ki te igoa o Ieova:+
“Ieova, fakasao mai au!”
5 A Ieova e alofa atafai* kae amiotonu;+A te motou Atua e alofa fakamagalo.+
6 A Ieova e leoleo ne ia a tino kolā e se lasi te lotou mea e iloa.+
Au ne tuku ifo ke malalo, kae ne fakaola ne ia au.
7 Tuku mai au ke toe malōlō,Me i a Ieova ne fai faka‵lei ki a au.
8 Ne fakasao ne koe au mai te mate,Ko oku mata mai i loimata, ko oku vae ke mo a ma ‵siga.+
9 Ka sasale au i mua o Ieova i te laukele o tino ola.
10 Au ne fakatuanaki, me i a au ne faipati;+Au ne puapuaga malosi.
11 E pelā mo au, au ne polepole kae fai aka:
“A tāgata katoa ne tino ‵loi.”+
12 Se a taku mea ka toe ‵togi atu ki a IeovaMō mea ‵lei katoa ne fai ne ia ki a au?
13 Ka puke aka ne au te ipu o te fakaolataga,*Kae ka kalaga atu au ki te igoa o Ieova.
14 Ka fakataunu ne au aku tautoga ki a IeovaI mua o ana tino katoa.+
15 Ko tō tāua i te kilokiloga a IeovaA te ‵mate o ana tino fakamaoni.+
16 Au e fakamolemole atu ki a koe, e Ieova,Me i a au ko tau tavini.
Au ko tau tavini, te tama tagata a tau pologa fafine.
Ko oti ne fakasaoloto ne koe au mai oku saisaiga.+
17 Ka ofo atu ne au ki a koe a te taulaga fakafetai;+Au ka kalaga atu ki te igoa o Ieova.
18 Ka fakataunu ne au aku tautoga ki a Ieova+I mua o ana tino katoa,+
19 I koga ateatea o te fale o Ieova,+I ou mua, e Ielusalema.
‵Viki atu ki a Ioa!*+
Fakamatalaga mai lalo
^ Io me “punou ifo o fakalogo mai.”
^ Epelu, “i oku aso.”
^ Epelu, “A puapuaga o Seoli ko maua ne latou au.”
^ Io me “mataalofa.”
^ Io me “fakaolataga sili.”
^ Io me “Aleluia!” A “Ioa” ko te fakatoetoega o te igoa o Ieova.
