Salamo 11:1-7
Ki te takitaki o te kau fai pese. Ko te salamo a Tavita.
11 Au ne faka‵lafi+ ki a Ieova.
Tela la, e mafai pefea o fai mai koe ki a au:
“Tele pelā me se manu eva ki tou mauga!
2 Kilo atu ki te auala e ofe ei ne tino amio ma‵sei a te kausana;E fakatoka ne latou olotou matasana i luga i te uka o te kausana,Ke sana mai i te pouliga a latou kolā e fai mea tonu i te loto.
3 Kafai ko malepe ki lalo a te fakavae,Ne a mea e mafai o fai ne tino amio‵tonu?”
4 A Ieova e nofo i loto i tena faletapu ‵malu.+
A te nofogaaliki o Ieova e tu i te lagi.+
E lavea ne ana mata, e iloilo ne ana mata* a tama a tāgata.+
5 E iloilo ne Ieova a te tino amiotonu e pelā foki mo te tino amio masei;+E takalialia a ia ki so se tino telā e fiafia ki amioga fakasaua.+
6 Ka faka‵to ifo ne ia a malei* ki luga i tino amio ma‵sei;A te afi mo te pauta ‵ka+ mo te matagi ‵vela ka fai mo fai te vaega o te lotou ipu.
7 Me i a Ieova e amiotonu;+ e fiafia a ia ki faifaiga amio‵tonu.+
A tino fai mea ‵tonu ka lavea ne latou ana mata.*+
Fakamatalaga mai lalo
^ Io me “‵pula.”
^ Io me kāti, “malala ‵ka.”
^ Io me “maua ne latou tena taliaga.”
