Salamo 107:1-43

  • Fakafetai atu ki te Atua mō ana galuega fakaofoofogia

    • Ne takitaki ne ia latou i te auala tonu (7)

    • Ne fakama‵lie ne ia a tino fiainu mo tino fia‵kai (9)

    • Ne aumai ne ia latou ki tua mo te pouliga (14)

    • Ne fai atu tena fakatonuga ke faka‵lei latou (20)

    • E puipui ne ia a tino ma‵tiva mai fakasauaga (41)

(Salamo 107-150) 107  Fakafetai atu ki a Ieova me i a ia e ‵lei;+A tena alofa fakamaoni e tumau ki te se-gata-mai.+   A latou kolā ne faka‵sao* ne Ieova ke fai aka penei,Ko latou kolā ne faka‵sao ne ia mai i lima*o te fili,+   Kolā ne fakamaopoopo mai ne ia mai nisi fenua,+Mai saegala mo togala,Mai mātū mo saute.+   Ne takasē‵se latou i loto i te koga lavaki, i te toafa;Ne seki maua ne latou se auala ki se fakai ke ‵nofo latou i ei.   Ne fia‵kai latou kae fiainu;Ne vāi‵vai latou ona ko te fi‵ta.   Ne ‵tagi faeloa latou ki a Ieova i taimi o olotou puapuaga;+Ne faka‵sao ne ia latou mai olotou fakalavelave.+   Ne fai ne ia ke sa‵sale latou i te auala tonu+Ke o‵mai ki se fakai e mafai o ‵nofo latou i ei.+   Ke fakafetai atu a tino ki a Ieova+ mō tena alofa fakamaoniMo ana galuega fakaofoofogia e fai mō tama a tāgata.+   Me ko oti ne fakama‵lie ne ia a tino kolā e fiainuKae fai a tino fiakai ke ma‵kona i mea ‵lei.+ 10  A nisi tino ne ‵nofo i te pouliga lasi,Ko pagota kolā e puapuaga kae saisai ki fiti. 11  Me ne ‵teke ne latou te muna a te Atua;Ne seki āva latou ki pati fakatonutonu a te Atua Tafasili i te Maluga.+ 12  Tenā ne fai ei ne ia ke loto mau‵lalo latou e auala i mea faiga‵ta;+Ne ‵siga latou, kae seai se tino ke fesoasoani atu ki a latou. 13  Ne ka‵laga atu latou ki a Ieova mō se fesoasoani i taimi o olotou puapuaga;Ne fakaola ne ia latou mai olotou fakalavelave. 14  Ne aumai ne ia latou ki tua mo te pouliga lasi,Kae ‵motu ne ia olotou mea pikifao.+ 15  Ke fakafetai atu a tino ki a Ieova mō tena alofa fakamaoni+Mo ana galuega fakaofoofogia e fai mō tama a tāgata. 16  Me ne ofa ne ia ki lalo a mataloa kopaKae ‵kati a fiti faka‵lava.+ 17  A latou ne va‵lea kae logo‵mae i te puapuaga+Ona ko te lotou solitulafono mo olotou mea ‵se.+ 18  Ne galo te lotou fia‵kai* ki meakai katoa;Ne fakapili‵pili atu latou ki mataloa o te mate. 19  E ka‵laga atu latou ki a Ieova mō se fesoasoani i taimi o olotou puapuaga;E fakaola ne ia latou mai olotou fakalavelave. 20  Ne fai atu tena fakatonuga ke faka‵lei aka latou+Kae faka‵sao latou mai i lua kolā ne malei i ei latou. 21  Ke fakafetai atu a tino ki a Ieova mō tena alofa fakamaoniMo ana galuega fakaofoofogia e fai mō tama a tāgata. 22  Ke ofo atu ne latou a taulaga fakafetai+Kae folafola atu ana galuega mo te kalaga fiafia. 23  A latou kolā e faima‵laga i luga i vaka i te tai,Kolā e fai olotou pisinisi i luga i te tai lasi,+ 24  Ne lavea ne latou a galuega a IeovaMo ana galuega fakaofoofogia i te koga ‵poko;+ 25  E auala i tena muna ne poko se kaumatagi,+Kae fai i ei ke faka‵tu aka a galu o te tai. 26  E olo aka latou ki luga;Kae toe olo ifo ki lalo i te koga ‵poko. Ko galo te lotou loto toa ona ko te fakalavelave ka tupu. 27  E takasē‵se latou kae olo valevale e pelā me se tagata konā,Kae ko olotou atamai katoa ko se aoga.+ 28  Tenā ne ka‵laga atu ei latou ki a Ieova i taimi o olotou puapuaga,+Kae faka‵sao ne ia latou mai olotou fakalavelave. 29  Ne fakamalū ne ia te kaumatagi;A galu o te tai ne gasolo ifo o ‵lei.+ 30  Ne fia‵fia latou me ko ‵noga a mea konei,Kae takitaki ne ia latou ki te taulaga e ma‵nako latou ki ei. 31  Ke fakafetai atu a tino ki a Ieova mō tena alofa fakamaoniMo ana galuega fakaofoofogia e fai mō tama a tāgata.+ 32  Ke fakamaluga aka ne latou a ia i loto i te fakapotopotoga o tino,+Kae ke tavae ne latou a ia i loto i te maopoopoga* o toeaina. 33  E ‵fuli ne ia a vaitafe ki toafaKae ko vaipuna ki laukele ma‵lō,+ 34  Laukele ola ‵lei ki laukele sē aoga,+Ona ko amioga ma‵sei a tino e ‵nofo i ei. 35  E ‵fuli ne ia a toafa ki koga e maua ei a vai,Kae ko laukele ma‵lō ki vaipuna.+ 36  E fai ne ia a tino fia‵kai ke ‵nofo i konā,+Ko te mea ke faka‵mautakitaki ne latou se fakai ke ‵nofo latou i ei.+ 37  E ‵toki ne latou a fatoaga mo togavine+Kolā e ‵fua mai i ei a fuataga e uke.+ 38  E fakamanuia ne ia latou kae gasolo eiloa latou o tokouke;E se fai ne ia olotou pulumakau ke gasolo o mu‵tana.+ 39  Kae ne toe gasolo ifo latou o mu‵tana kae fakamasiasiginaOna ko fakasauaga, puapuaga mo te fanoanoa. 40  E ‵ligi ne ia a fakatauemuga ki luga i tino tāuaKae fai ke olo valevale fua latou i laukele e seai ne mea i ei.+ 41  Kae e puipui* ne ia a tino ma‵tiva mai fakasauaga+ Kae fai olotou kāiga ke tokouke e pelā me se lafu mamoe. 42  A te tino fai mea tonu e lavea ne ia te mea tenei kae fiafia;+Kae ko tino sē amio‵tonu katoa e ‵pono olotou gutu.+ 43  So se tino poto ka lavea ne ia a mea konei+Kae ka mafaufau faka‵lei ki faifaiga o te alofa fakamaoni o Ieova.+

Fakamatalaga mai lalo

Io me “ne toe ‵togi.”
Io me “te malosi.”
Io me “Ne takalia‵lia latou.”
Epelu, “nofoga.”
Io me “fakamaluga aka,” ko tena uiga, ko te mea ke se oko atu ki ei.