Salamo 106:1-48

  • Ko se lava te loto fakafetai i tino Isalaelu

    • Ne puli vave i a latou a faifaiga a te Atua (13)

    • Ne sui a te ‵malu o te Atua ki te fakatusa o se pulumakau (19, 20)

    • E seki fakatuanaki latou ki te tautoga a te Atua (24)

    • Ne ‵kau atu latou ki te tapuakiga ki a Paala (28)

    • Ne ofo atu a tama‵liki ki temoni (37)

106  ‵Viki atu ki a Ioa!* Fakafetai atu ki a Ieova, me i a ia e ‵lei;+A tena alofa fakamaoni e tumau ki te se-gata-mai.+   Ko oi e mafai o folafola katoatoa atu ne ia a faifaiga ‵mafi a IeovaIo me fakailoa atu ana faifaiga ‵gali katoa?+   E fia‵fia a latou kolā e fai ne latou te fakamasinoga tonu,Kolā e fai faeloa ne latou a te mea tonu.+   Masaua mai au, e Ieova, māfai ko talia ne koe ou tino.+ Tausi mai au ki au faifaiga faka‵sao tino,   Ko te mea ke maua ne au a te aga‵lei telā e fakaasi ne koe ki ou tino filifilia,+Ko te mea ke fia‵fia au fakatasi mo tou fenua,Ko te mea ke tavae ne au koe mo te fakamatamata fakatasi mo tou tofi.   Ko oti ne agasala matou e pelā eiloa mo omotou tupuga;+Ko oti ne fai ne matou a mea ‵se; ko oti ne fai ne matou a amioga ma‵sei.+   A omotou tupuga i Aikupito ne seki loto fakafetai ki* au galuega fakaofoofogia. Ne seki masaua ne latou te lasi o tou alofa fakamaoni,Kae ne ‵teke atu latou i te tai, i tafa o te Tai Kula.+   Kae ne fakaola ne ia latou ona ko tena igoa,+Ke fai ei ke lauiloa a tena malosi.+   Ne ‵liko ne ia te Tai Kula, kae ne ‵masa pakupaku;Ne ‵taki ne ia latou i loto i koga ‵poko i ei e pelā me olo atu i loto i te toafa;*+ 10  Ne fakaola ne ia latou mai i te lima o te lotou fili+Kae toe puke mai latou mai i te lima o te fili.+ 11  Ne ufi ne te tai olotou fili;E seai se tino e tokotasi i a latou ne sao.*+ 12  Tenā ne fakatuanaki ei latou ki tena tautoga;+Ne kamata o usu atu ne latou ana vikiga.+ 13  Kae ne puli vave i a latou ana mea ne fai;+Ne seki faka‵tali latou ki ana pati fakatonutonu. 14  Kae ne ‵fonu eiloa latou i manakoga kaima‵nako i te koga lavaki;+Ne tofotofo ne latou te Atua i te toafa.+ 15  Ne tuku atu ne ia ki a latou a mea ne ma‵nako latou ki ei,Kae fai ne ia ke ‵poko latou i se masaki telā ne fai ei ke vāivāi malosi latou.+ 16  Ne kamata o loto ma‵sei latou e uiga ki a MoseMo Alona,+ te tino tapu a Ieova.+ 17  Tenā ne matala ei te laukele kae folo ne ia a TatanoKae tanu i ei a latou kolā ne maopoopo fakatasi mo Apilamo.+ 18  Ne ula aka se afi mai loto i te lotou potukau;Ne ‵ka i ei a tino amio ma‵sei.+ 19  Ne faite ne latou se pulumakau i HolepaKae ifo ki te tupua fiti;+ 20  Ne sui ne latou a toku ‵maluKi te fakatusa o se pulumakau kai mouku.+ 21  Ne puli i a latou te Atua+ te lotou Fakaola,Telā ne fai ne ia a mea fakaofoofogia i Aikupito,+ 22  Ko galuega fakaofoofogia i te fenua o Hamo,+Ko faifaiga fakaofoofogia i te Tai Kula.+ 23  Ko pili fua o fai tena fakatonuga ke ‵ta fakapalele latou,Kae fakamolemole atu a Mose tena tino filifilia ki a iaKe taofi tena kaitaua lasi.+ 24  Tenā ne takalia‵lia ei latou ki te fenua gali;+E seki fakatuanaki latou ki tena tautoga.+ 25  Ne mui‵mui faeloa latou i loto i olotou faleie;+Ne seki faka‵logo latou ki te leo o Ieova.+ 26  Tenā ne sisi aka ei tena lima o fai se tautoga e uiga ki a latouMe ka tamate ne ia latou i te koga lavaki;+ 27  Ka tamate ne ia a tino kolā e ‵tupu mai i a latou i loto i nisi atufenua,Kae ka fakasalalau atu ne ia latou i loto i te fenua.+ 28  Tenā ne ‵kau atu ei latou ki te tapuakiga* ki a Paala o Peolo,+Kae ne ‵kai latou ki taulaga ne ofo atu ki tino ‵mate.* 29  Ne fakaitaita ne latou a Ia ki olotou mea e fai,+Kae ne poko se mala ki a latou.+ 30  I te taimi ne tu aka ei a Fineaso o fai se faiga ki ei,Oti atu ei te mala.+ 31  Kae ne fai a te mea tenā ki a ia e pelā me se faifaiga amiotonuI loto i kautama katoa ki te se-gata-mai.+ 32  Ne fakaitaita ne latou a Ia i vai o Melipa,*Kae ne tupu se mea masei ki a Mose ona ko latou.+ 33  Ne fai ne latou ke kaitaua a ia,Kae ne fai ne ia a pati sē ‵lei mai i ana laugutu.+ 34  Ne seki ‵ta fakapalele ne latou a tino,+E ‵tusa mo te fakatonuga a Ieova ki a latou.+ 35  Kae ne ‵mio fakatasi latou mo nisi atufenua+Kae ne fakaakoako* ki olotou auala.+ 36  Ne tavini atu faeloa latou ki olotou tupua,+Kae ne fai a mea konei e pelā me ne malei ki a latou.+ 37  E ofo atu ne latou olotou tama tāgataMo olotou tama fāfine ki temoni.+ 38  E fakama‵ligi faeloa ne latou a toto o tino e seai ne olotou ‵se,+Ko toto o olotou tama tāgata mo tama fāfineKolā ne ofo atu ne latou ki tupua o Kanana;+Kae ne lailai eiloa a te fenua i toto kolā ne ma‵ligi. 39  Ne lai‵lai latou i olotou galuega;Ne fai ne latou a faifaiga talitāgata i te feitu faka-te-agaga e auala i olotou faifaiga.+ 40  Ne kaitaua malosi a Ieova ki ana tino,Kae ne kamata o takalialia a ia ki tena tofi. 41  Ne tuku atu faeloa ne ia a latou ki nisi atufenua,+Ko te mea ke pule i luga i a latou a tino kolā e takalia‵lia ki a latou.+ 42  Ne pule fakasaua atu olotou fili ki a latou,Kae ne ‵nofo latou mai lalo i te lotou pulega. 43  E uke taimi ne faka‵sao ne ia latou,+Kae ko latou ne ‵teke kae e se faka‵logo,+Kae ne tuku ifo latou ke ma‵lalo ona ko olotou mea ‵se.+ 44  Kae e lavea ne ia te lotou mafatia+Kae lagona ne ia te lotou ‵tagi mō se fesoasoani.+ 45  Ona ko latou, masaua ei ne ia tena feagaiga,Kae ne oko ifo ki a ia te alofa* telā e fakamalosi aka ne te lasi o tena alofa fakamaoni.+ 46  Ne fai eiloa ne ia latou ke alofaginaNe tino katoa kolā ne puke fakapagota ne latou a latou.+ 47  Fakaola mai matou, e Ieova te motou Atua,+Kae fakamaopoopo aka matou mai nisi atufenua+Ko te mea ke fakafetai atu matou ki tou igoa tapuKae fia‵fia i te avatuga o tavaega ki a koe.*+ 48  Ke vikia a Ieova, te Atua o IsalaeluKi te se-gata-mai.*+ Kae ke fai aka tino katoa penei, “Amene!”* ‵Viki atu ki a Ioa!*

Fakamatalaga mai lalo

Io me “Aleluia!” A “Ioa” ko te fakatoetoega o te igoa o Ieova.
Io me “malamalama i te uiga o.”
Io me “koga lavaki.”
Io me “ne ‵toe mai.”
Io me “‵piki ‵mau latou.”
Kolā ko taulaga ne ofo atu ki tino ‵mate io me ko atua ‵mate.
Tena uiga “Kinauga.”
Io me “tauloto.”
Io me “salamō.”
Io me “fia‵fia i ou vikiga.”
Io me “Mai te se-gata-mai ki te se-gata-mai.”
Io me “Ke fai eiloa penā!”
Io me “Aleluia!” A “Ioa” ko te fakatoetoega o te igoa o Ieova.