Salamo 105:1-45

  • Faifaiga fakamaoni a Ieova ki ana tino

    • E masaua ne te Atua tena feagaiga (8-10)

    • “Sa fakapatele ki oku tino fakaekegina” (15)

    • Iosefa telā ne fai mo pologa ko fakaaoga ne te Atua (17-22)

    • Vavega a te Atua i Aikupito (23-36)

    • Te Ologa Kea‵tea o tino Isalaelu mai Aikupito (37-39)

    • Ko masaua ne te Atua tena tautoga ne fai ki a Apelaamo (42)

105  Fakafetai atu ki a Ieova,+ ka‵laga atu ki tena igoa,Fakailoa atu ana faifaiga ki tino!+   Usu atu a pese ki a ia, usu atu a pese o vikiga ki a ia,Mafaufau ‵loto* ki ana galuega fakaofoofogia katoa.+   Faipati fakamatamata atu e uiga ki tena igoa tapu.+ Fai ke fia‵fia a loto o tino kolā e ‵sala ki a Ieova.+   ‵Sala atu ki a Ieova+ mo tena malosi. ‵Sala atu ki a ia i taimi katoa.   Ke masaua ana galuega fakaofoofogia ne fai,Ko ana vavega mo fakamasinoga kolā ne folafola mai ne ia,+   Koutou e tama* a tena tavini ko Apelaamo,+Koutou e tama a Iakopo, ko ana tino filifilia.+   A ia ko Ieova te ‵tou Atua.+ E maua ana fakamasinoga i te lalolagi kātoa.+   E masaua ne ia tena feagaiga ki te se-gata-mai,+Tena tautoga ne fai ki se afe o kautama,+   Te feagaiga ne fai ne ia mo Apelaamo,+Mo te tautoga ne fai ne ia ki a Isaako,+ 10  Telā ne faka‵mautakitaki ne ia e pelā me se tulafono ki a IakopoKae pelā me se feagaiga tumau ki a Isalaelu, 11  Ana muna, “Ka tuku atu ne au te fenua o Kanana ki a koe+E pelā me se vaega o tou tofi.”+ 12  Ne fai te mea tenei i te taimi koi mu‵tana ei te lotou aofaki,+Ao, koi mu‵tana ‵ki, kae ko latou ne tino fakaa‵tea i te fenua.+ 13  Ne sa‵sale latou mai te fenua e tasi ki te suā fenua,Mai te malo e tasi ki te suā malo.+ 14  Ne seki talia ne ia se tagata ke pule fakasaua atu ki a latou,+Kae ona ko latou, ne polopoloki ‵mafa ei ne ia a tupu,+ 15  Ana muna, “Sa fakapatele ki oku tino fakaekegina,Kae sa fai se mea masei ki aku pelofeta.”+ 16  Ne fai ne ia ke poko se oge i te fenua;+Ne taofi ne ia te aumaiga o meakai a latou. 17  Ne uga atu ne ia se tagata i mua o latouTelā ne fakatau atu ke fai pelā me se pologa, ko Iosefa.+ 18  Ne ‵loka ne latou ana vae ki seni;+Ne saisai tena ua ki filifili 19  Ke oko ki te taimi ne taunu ei ana pati,+Ne faka‵magina eiloa a ia e auala i pati a Ieova. 20  Ne avatu te fakatonuga a te tupu ke fakasaoloto a ia,+A te pule o tino ne fakasaoloto ne ia tou tagata. 21  Ne fai ne ia tou tagata mo matai o tena kaufale,Ko te pule i ana mea katoa,+ 22  Ke pule atu i luga i ana pelenise i te mea telā e manako a ia ki eiKae ke akoako ana toeaina ki te poto.+ 23  Tenā ne vau ei a Isalaelu ki loto i Aikupito,+Kae ne ola a Iakopo e pelā me se tino fakaa‵tea i te fenua o Hamo. 24  Ne fai ne te Atua ana tino ke fanafanau;+Ne fai ne ia latou ke ma‵losi atu i olotou fili,+ 25  Telā ne ‵fuli ne ia olotou loto ke takalia‵lia ki ana tino,Ke lamalama o ‵teke ki ana tavini.+ 26  Ne uga atu ne ia tena tavini ko Mose,+Mo Alona,+ kolā ne filifili ne ia. 27  Ne fai ne lāua ana fakailoga i mua o latou,Ko ana vavega i te fenua o Hamo.+ 28  Ne uga atu ne ia te pouliga kae ne pouli ei te fenua;+Ne seki ‵teke latou ki ana fakatonuga. 29  Ne ‵fuli ne ia olotou vai ki totoKae tamate olotou ika.+ 30  Ne ‵fonu te lotou fenua i lane,+Ke oko eiloa ki potu o tupu. 31  Ne fakatonu atu a ia ki lagofufu ke o‵mai ki lotoMo namu ke ulu mai ki loto i olotou koga katoa.+ 32  Ne ‵fuli ne ia olotou vaiua ki vaiua fatuKae uga atu a uila* ki te lotou fenua.+ 33  Ne ‵ta ne ia olotou vine mo olotou matiKae fatifati a lakau i te lotou kogā fenua. 34  Ne fai mai a ia me e ‵tau o o‵mai a seakelise ki loto,Ko tamā seakelise kolā e se mafai o lau.+ 35  Ne fakamasei ne latou a lakau kaina katoa o te laukele,Kae fakamasei ne latou a fuataga o te laukele. 36  Tenā ne ‵ta ei ne ia a toekimua katoa i luga i te fenua,+Ko te kamataga o olotou malosi e pelā me ne tāgata. 37  Ne aumai ne ia ana tino ki tua fakatasi mo siliva mo aulo;+Kae e seai se tino mai i ana matakāiga ne vāi‵vai. 38  Ne fiafia a Aikupito i te lotou ologa kea‵tea,Me i te ma‵taku ki tino Isalaelu* ko oko atu ki a latou.+ 39  Ne ‵fola ne ia se kaumana ke ‵pono ei latou+Mo se afi ke maina atu i te po.+ 40  Ne fakamolemole atu latou, kae ne aumai ne ia a manu ko salu;+Ne fai faeloa ne ia latou ke ma‵kona i meakai mai te lagi.+ 41  Ne fakamavae ne ia se kaupapa, kae ‵tafe mai i ei a vai;+Ne ‵tafe atu a mea konei i loto i te toafa e pelā me se vaitafe.+ 42  Me ne masaua ne ia tena tautoga tapu ne fai ki a Apelaamo tena tavini.+ 43  Tenā ne aumai ei ne ia ana tino ki tua mo te fiafia,+Ko ana tino filifilia mo te ‵tagi fiafia. 44  Ne tuku atu ne ia ki a latou a laukele o nisi atufenua;+Ne puke mō latou a mea kolā ne ga‵lue malosi ki ei a nisi tino,+ 45  Ko te mea ke tausi ne latou ana fakatonuga+Kae tausi ki ana tulafono. ‵Viki atu ki a Ioa!*

Fakamatalaga mai lalo

Io me kāti, “Faipati e uiga.”
Epelu, “fanau.”
Io me “ulaga o afi.”
Epelu, “latou.”
Io me “Aleluia!” A “Ioa” ko te fakatoetoega o te igoa o Ieova.