Salamo 103:1-22
Ko te salamo a Tavita.
103 Ke ‵viki atu au ki a Ieova;Ke ‵viki atu a mea katoa i loto i a au ki tena igoa tapu.
2 Ke ‵viki atu au ki a IeovaKe mo a eiloa ma puli i a au a mea katoa ne fai ne ia.+
3 E fakamagalo ne ia au mea ‵se katoa+Kae faka‵lei ou masaki katoa;+
4 E fakafoki mai ne ia tou ola mai te lua*+Kae fakafou ne ia koe ki tena alofa fakamaoni mo te alofa fakamagalo.+
5 E fakamalie ne ia koe ki mea ‵lei+ i tou olaga kātoa,Ko te mea ke toe fakafou tou tulaga talavou e pelā me se aeto.+
6 E gasuesue a Ieova mo te amiotonu+ mo te fakamasinoga tonuMō latou katoa kolā e fakasauagina.+
7 Ne fakailoa ne ia ana auala ki a Mose,+Mo ana faifaiga ki tama a Isalaelu.+
8 A Ieova e alofa fakamagalo kae alofa atafai,+E tuai o ita kae ‵fonu i te alofa fakamaoni.*+
9 Ka se ‵sala faeloa a ia ki mea ‵se,+Io me nofo mo te ita fakamoemoe ki te se-gata-mai.+
10 E seai sena mea ne fai ki a tatou ona ko ‵tou agasala,+Io me taui mai a te mea e ‵tau o maua ne tatou ona ko ‵tou mea ‵se.+
11 Me e pelā mo te lagi e maluga atu i te lalolagiE penā foki te lasi o tena alofa fakamaoni ki a latou kolā e ma‵taku ki a ia.+
12 E pelā mo te ‵mao o te saegala mai te togala,E penā loa te faka‵mao ne ia o tatou mai i ‵tou amioga solitulafono.+
13 E pelā mo te tamana e fakaasi atu te alofa fakamagalo ki ana tama,E fakaasi atu ne Ieova a te alofa fakamagalo ki a latou kolā e ma‵taku ki a ia.+
14 Me iloa ‵lei ne ia a te auala ne faite ei tatou,+E masaua ne ia i a tatou ne ‵pefu.+
15 E pelā mo te tagata, ana aso e ‵pau mo aso o mouku;+E lauolaola a ia e pelā mo pulalakau i te fatoaga.+
16 Kae kafai ko agi mai te matagi, ko galo atu ei,E pelā eiloa me seai se mea ne tu i konā.*
17 Kae ko te alofa fakamaoni o Ieova e oko ki te se-gata-maiKi a latou kolā e ma‵taku ki a ia,+Kae ko tena amiotonu ki tama a olotou tama‵liki,+
18 Ki a latou kolā e tausi ki tena feagaiga+Mo latou kolā e tausi ki ana fakatonuga mo te fakaeteete.
19 Ko oti ne faka‵mautakitaki ne Ieova a tena nofogaaliki i te lagi;+Kae ko tena pulega fakatupu e pule atu ki mea katoa.+
20 ‵Viki atu ki a Ieova, koutou katoa ana agelu+ ‵mafi kae ma‵losi,Kolā e tauave ne latou tena muna,+ kae faka‵logo ki tena leo.*
21 ‵Viki atu ki a Ieova, ana kautau katoa,+
Ana tavini kolā e fai tena loto.+
22 ‵Viki atu ki a Ieova, ana galuega katoa,
I koga katoa kolā e pule a ia ki ei.
Ke ‵viki atu a toku foitino kātoa ki a Ieova.
Fakamatalaga mai lalo
^ Io me “tanuga.”
^ Io me “alofa tumau.”
^ Epelu, “Kae ko se iloa ne te koga tenā a ia.”
^ Epelu, “e lagona atu te leo (‵tagi) o ana pati.”
