Salamo 102:1-28

  • Se ‵talo a te tino mafatia i te taimi fanoanoa

    • “E fai au e pelā me se manu eva e nofo tokotasi” (7)

    • ‘Oku aso se ata telā ko fano o galo’ (11)

    • “A Ieova ka toe faite ne ia a Siona” (16)

    • A Ieova e tumau ki te se-gata-mai (26, 27)

Ko te ‵talo a te tino mafatia i te taimi ko fanoanoa ei a ia* kae ‵ligi atu ki mua o Ieova ana manavasega katoa.+ 102  Ieova, fakalogo mai ki taku ‵talo;+Ke oko atu eiloa ki a koe taku tagi mō se fesoasoani.+   Sa ‵funa ou mata mai i a au i te taimi o toku puapuaga.+ Tuku mai ou taliga* ki a au;Tali fakavave mai ki a au māfai e kalaga atu au.+   Me i oku aso ko ‵galo vave e pelā me se ausaga,Kae ko oku ivi ko uli eiloa e pelā me se koga tafu afi.+   A toku loto ko oti ne tuki palapala e pelā me se mouku kae ko magemage,+Me ne puli i a au o kai aku meakai.   Ona ko te maluga o toku tagi fi‵ta,+A oku ivi ko ‵piki ki oku ‵kano.+   Ko ‵pau au mo te manu eva ko te pelikane o te koga lavaki;Ko fai au e pelā me se tamā lulu i koga kolā ne fakamaseigina.   Au e moe alaala;E fai au e pelā me se manu eva e nofo tokotasi faeloa i luga i se tuafale.+   I te aso kātoa e fakaitaita mai oku fili ki a au.+ A latou kolā e fakatauemu mai ki a au* e fakaaoga toku igoa e pelā me se fakamalaiaga.   Me i a au e kai ki ‵pefu e pelā me ko taku falaoa,+Kae ko taku meainu ko palu tasi mo loimata,+ 10  Ona ko tou ita mo tou kaitaua,Me ne sau aka ne koe au ki luga o ‵pei atu fua kea‵tea. 11  Oku aso e ‵pau mo se ata telā ko fano o galo,+Kae ko au ko magemage e pelā me se mouku.+ 12  Kae ko koe e tumau ki te se-gata-mai, e Ieova,+Kae ko tou takutakua* ka tumau i loto i kautama katoa.+ 13  E mautinoa me i a koe ka tu aka kae fakaasi atu te alofa fakamagalo ki luga i Siona,+Me ko oko ki te taimi ke fakaasi atu ki ei tou fiafia;+Ko oko mai te taimi ko oti ne filifili aka.+ 14  Me ne maua ne au tavini a te fiafia i ana ‵pui fatu+Kae alofa ki ei ke oko eiloa ki ana ‵pefu.+ 15  A atufenua ka ma‵taku ki te igoa o Ieova,Kae ko tupu katoa o te lalolagi ki tou ‵malu.+ 16  Me i a Ieova ka toe faite ne ia a Siona;+Ka sae mai a ia i tena ‵malu.+ 17  Ka saga atu a ia ki te ‵talo a te tino mativa;+Ka se takalialia a ia ki olotou ‵talo.+ 18  A te mea tenei ne tusi mō kautama i aso mai mua,+Ko te mea ke ‵viki atu ki a Ioa a tino kolā ka ‵nofo i ei i aso mai mua. 19  Me kilo ifo a ia mai tena koga maluga ‵malu,+E lavea ne Ieova a te lalolagi mai te lagi, 20  Ke lagona ne ia te mānava fi‵ta o te pagota,+Ke fakasaoloto a latou kolā ne fakasala ki te mate,+ 21  Ko te mea ke folafola atu te igoa o Ieova i Siona+Mo ana vikiga i Ielusalema, 22  Māfai a tino mo maloKo maopoopo fakatasi o tavini atu ki a Ieova.+ 23  Ne ave kea‵tea fakavave ne ia toku malosi;Ne ‵kati ne ia oku aso ke toe‵toe. 24  Ne fai atu au: “Toku Atua,Sa ave kea‵tea ne koe au i te kogaloto o toku olaga,A koe telā e tumau a tausaga o tou olaga ki kautama katoa.+ 25  Ne fakatakato ne koe te fakavae o te lalolagi i aso taumua eiloa,Kae ko te lagi ko galuega ne fai ki ou lima.+ 26  Ka ‵galo atu a mea konā, kae ko koe ka tumau faeloa;E pelā me se gatu, ka se aoga katoa a mea konā. E pelā me se gatu ka sui ne koe a mea konā, kae ka ‵galo atu. 27  Kae ko koe e ‵pau eiloa, kae ko ou tausaga ka se mafai o gata.+ 28  A tama‵liki a au tavini ka ola mo te tokagamalie,Kae ko olotou tama ka faka‵mautakitaki i mua o koe.”+

Fakamatalaga mai lalo

Io me “gasolo a ia o vāivāi.”
Io me “Punou ifo kae fakalogo mai.”
Io me “e fakavalea ne latou au.”
Io me “igoa.” Epelu, “fakamanatu.”