Neemia 12:1-47
12 Konei a faitaulaga mo tino Levi kolā ne olo fakatasi aka mo Selupapelu+ te tama tagata a Salatielu,+ mo Iesua:+ ko Selaia, Ielemia, Esela,
2 Amalia, Maluka, Hatusa,
3 Sekania, Lehuma, Melemota,
4 Ito, Kinetoi, Avia,
5 Mitiamina, Maatia, Pilika,
6 Semaia, Ioialipa, Ietaia,
7 Saulu, Amoka, Hilikia mo Ietaia. Konei a takitaki o faitaulaga mo olotou taina i aso o Iesua.
8 A tino Levi ko Iesua, Pinui, Katamiela,+ Selepaia, Iuta mo Matania+ telā ne takitaki ne ia te usuga o pese fakafetai fakatasi mo ana taina.
9 Kae ko olotou taina ko Pakapukia mo Uni e ‵tu fakafesagai ki a latou o leoleo.*
10 A Iesua ko te tamana o Ioiakima, kae ko Ioiakima ko te tamana o Eliasipa,+ kae ko Eliasipa ko te tamana o Ioiata.+
11 A Ioiata ko te tamana o Ionatana, kae ko Ionatana ko te tamana o Iatua.
12 I aso o Ioiakima, konei a te kau faitaulaga, ko ulu o kāiga i olotou tamana: mai i a Selaia+ ko Melaia; mai i a Ielemia ko Hanania;
13 mai i a Esela+ ko Mesulama; mai i a Amalia ko Ieoananu;
14 mai i a Maluki ko Ionatana; mai i a Seipania ko Iosefa;
15 mai i a Halima+ ko Atana; mai i a Melaiota ko Helekai;
16 mai i a Ito ko Sakalia; mai i a Kinetonu ko Mesulama;
17 mai i a Avia+ ko Sikeli; mai i a Miniamina . . . ;* mai i a Moatia ko Pilitai;
18 mai i a Pilika+ ko Samua; mai i a Semaia ko Ieonatana;
19 mai i a Ioialipa ko Matenai; mai i a Ietaia+ ko Usi;
20 mai i a Salai ko Kalai; mai i a Amoka ko Epela;
21 mai i a Hilikia ko Hasapaia; mai i a Ietaia ko Netanelu.
22 A ulu o kāiga o tino Levi i olotou tamana i aso o Eliasipa kolā ne fakamau olotou igoa ko Ioiata, Ioananu mo Iatua,+ e pelā eiloa mo faitaulaga, ke oko ki te pulega fakatupu a Taliu te tino Pelesia.
23 A tino Levi kolā ko ulu o kāiga i olotou tamana ne fakamau olotou igoa i te tusi o tala fakasolopito o taimi konā, ke oko mai eiloa ki aso o Ioananu te tama tagata a Eliasipa.
24 A matai o tino Levi ko Hasapaia, Selepaia, mo Iesua+ te tama tagata a Katamiela,+ kae ko olotou taina e ‵tu fakafesagai mai ki a latou o avatu a vikiga mo fakafetai e ‵tusa eiloa mo fakatonuga a Tavita+ te tagata o te Atua tonu, ko te potukau leoleo e tasi i tafa o te suā potukau leoleo.
25 A Matania,+ Pakapukia, Opetaia, Mesulama, Talamoni mo Akupa+ e ‵tu o leoleo e pelā me ne tino tausi mataloa,+ e leoleo ne latou a potu ‵teu koloa i tafa o mataloa.
26 Ne tavini atu a latou konei i aso o Ioiakima te tama tagata a Iesua+ te tama tagata a Iosataki mo aso o Neemia te kovana mo Esela+ te faitaulaga telā ko te tino laga tusi.*
27 I te taimi ne fakatapu ei a te ‵pui o Ielusalema, ne ‵sala latou ki tino Levi kae aumai latou ki Ielusalema mai koga katoa ne ‵nofo latou i ei ke fakamanatu a te fakatapuga mo te fia‵fia, mo pese fakafetai,+ fakatasi mo sumepalo, mea fakatagi‵tagi e isi ne uka i ei mo kitala.
28 Kae ko tama tāgata a tino usuusu ne maopoopo fakatasi mai kogā fenua,* mai koga katoa o Ielusalema, mai koga ‵nofo o tino Netopa,+
29 mai Peta-kilikala,+ mo kogā koga o Kepa+ mo Asimaveta,+ me ne faite ne tino usuusu a koga mo olotou ‵nofo i Ielusalema kātoa.
30 Kae ko faitaulaga mo tino Levi ne fai te lotou faka‵māga, kae ne faka‵ma ne latou a tino,+ mo mataloa+ mo te ‵pui.+
31 Tenā ne aumai ei ne au a pelenise o Iuta ki luga i te ‵pui. E se gata i ei, ne filifili ne au a potukau fai pese ‵lasi e lua kolā e usu ne latou a pese fakafetai mo tino e solo atu mai tua, kae ko te potukau e tasi e sa‵sale i te feitu fakaatamai o te ‵pui ki te Mataloa o Kaiga.+
32 A Hosaia mo te āfa o pelenise o Iuta ne sa‵sale atu i olotou tua,
33 fakatasi mo Asalia, Esela, Mesulama,
34 Iuta, Peniamina, Semaia mo Ielemia.
35 E olo fakatasi mo latou ko nisi tama tāgata a faitaulaga mo pu:+ ko Sakalia te tama tagata a Ionatana te tama tagata a Semaia te tama tagata a Matania te tama tagata a Mikaio te tama tagata a Sakula te tama tagata a Asafo,+
36 mo ana taina ko Semaia, Asalelu, Milalai, Kilalai, Maai, Netanelu, Iuta mo Hanani mo mea fakatagi‵tagi a Tavita+ te tagata o te Atua tonu; kae ko Esela+ te tino laga tusi* ne mua i a latou.
37 I te Mataloa o Vaipuna+ ne olo ‵tonu atu latou ki luga i te Kakega+ o te Fakai o Tavita+ i tafa o te fanakaga o te ‵pui mai luga i te Fale o Tavita kae olo atu ki te Mataloa o Vai+ i te feitu ki saegala.
38 A te suā potukau fai pese kolā e usu a pese fakafetai e sa‵sale i te suā feitu,* kae ne tautali atu au i a latou fakatasi mo te āfa o te vaitino, i luga i te ‵pui o fano mai luga o te Taoa o Ogaumu+ ki luga i te ‵Pui Lauefa+
39 kae mai luga i te Mataloa o Efalaima+ mo te Mataloa o te Fakai Mua+ ke oko ki te Mataloa o Ika,+ te Taoa o Hananelu,+ te Taoa o Meaa ki luga i te Mataloa o Mamoe;+ kae ne ‵tu latou i te Mataloa o te Leoleo.
40 Ne ‵tu a potukau fai pese e lua kolā e usu a pese fakafetai i mua o te fale o te Atua tonu; e penā foki au mo te āfa o sui pule kolā ne olo fakatasi mo au,
41 mo faitaulaga ko Eliakimo, Maseia, Miniamina, Mikaio, Elioenai, Sakalia mo Hanania fakatasi mo olotou pu,
42 mo Maseia, Semaia, Eleasalo, Usi, Ieoananu, Malakita, Elama mo Eseli. Kae ko tino usuusu ne usu olotou pese i se leo maluga mai lalo i te takitakiga a Iselaia.
43 I te aso tenā ne ofo atu ei ne latou a taulaga mo te fia‵fia,+ me ne fai ne te Atua tonu ke fia‵fia malosi latou. Ne fia‵fia foki a fāfine mo tama‵liki,+ telā ne lagona mai i koga ‵mao a te fiafia i Ielusalema.+
44 I te aso tenā, ne ‵tofi aka ei a tāgata ke onoono ki potu e ‵teu ei a koloa+ mō meaalofa,+ fuataga muamua,+ mo te tasi-vae-sefulu.+ E ‵tau o ‵tae ne latou mai i laukele o fakai a vaega kolā e manakogina i te Tulafono+ mō te kau faitaulaga mo tino Levi,+ me ko lasi te fiafia i Iuta ona ko te kau faitaulaga mo tino Levi kolā e fai te taviniga.
45 Kae ne kamata latou o tausi atu ki tiute o te taviniga ki te lotou Atua mo te tiute ki te faka‵māga, e pelā eiloa mo mea ne fai ne tino usuusu mo tino tausi mataloa, e ‵tusa mo fakatonuga a Tavita mo tena tama tagata ko Solomona.
46 Me i aso mua eiloa i aso o Tavita mo Asafo, e isi ne tino fakatonutonu o tino usuusu mo pese o vikiga mo fakafetai ki te Atua.+
47 Kae i aso o Selupapelu+ mo aso o Neemia, ne avatu ne tino Isalaelu katoa a meakai ki tino usuusu+ mo tino tausi mataloa,+ e ‵tusa mo mea e manakogina i aso takitasi. Ne ‵vae kea‵tea foki ne latou se vaega ma tino Levi,+ kae ‵vae kea‵tea ne tino Levi se vaega ma tino kolā ne ‵tupu mai i a Alona.
Fakamatalaga mai lalo
^ Io me kāti, “i te taimi o te tapuakiga.”
^ Ne ‵solo kea‵tea a te igoa i konei i tusitusiga Epelu.
^ Io me “failautusi.”
^ Telā ko te kogā fenua i tafa o te Iolitana.
^ Io me “failautusi.”
^ Io me “mai i mua.”
