Te Tusi a Mataio 3:1-17

  • Ko fanatu a Ioane te Papatiso o talai (1-12)

  • Papatisoga o Iesu (13-17)

3  I aso konā, ne fanatu a Ioane+ te Papatiso o talai+ i te koga lavaki o Iuta,  ana muna: “Sala‵mo, me ko pili mai te Malo o te lagi.”+  A ia tenei ko te tino telā ne faipati ki ei a Isaia te pelofeta+ i ana pati konei: “E isi se leo o se tino e kalaga i te koga lavaki: ‘Fakatoka te auala o Ieova!* Fai ke ‵tonu ana auala.’”+  Ne pei a Ioane ki gatu ne faite ki fulufulu o kamela kae e isi sena fusi e faite ki pa‵kili o manu e ‵sai i tena taugasulu.+ Ana meakai ne seakelise mo hani.+  Tenā ne olo atu ei ki a ia a tino katoa mai i Ielusalema mo Iuta mo fenua katoa i tafatafa o te Iolitana.+  Ne papatiso* ne ia a latou i te Vaitafe ko te Iolitana,+ kae ne fakaasi ‵tonu atu ne latou olotou agasala.  I te mateaga ne ia a Falesaio mo Satukaio+ e tokouke ko o‵mai ke papatiso latou, fai atu ei tou tagata: “A koutou ko tama a gata ‵poisini,+ ko oi ne fai atu ke ‵tele koutou kea‵tea mai te fakasalaga fakamataku telā ka oko mai?+  Tela la, fakaasi mai ne faiga ke iloa ei i a koutou ko sala‵mo.  Kae ke mo a ma fai ifo koutou, ‘A te motou tamana ko Apelaamo.’+ Me e fai atu au ki a koutou me e mafai ne te Atua o faka‵tu aka ne tama‵liki ma Apelaamo mai i fatu konei. 10  Ko leva ne takato te takū i tafito o lakau. Tela la, a lakau katoa kolā e se ‵fua mai i ei a fuaga ‵lei e ‵kati ki lalo kae ‵pei ki te afi.+ 11  E papatiso ne au koutou ki te vai ona ko te otou sala‵mo,+ kae ko te tino telā e vau mai i oku tua e malosi atu i a au, e se ‵tau o tapale ne au ana taka.+ Ko ia tenā ka papatiso ne ia koutou ki te agaga tapu+ mo te afi.+ 12  Ko puke nei tena sevolo i tena lima kae ka faka‵ma pakipaki ne ia tena fola e faka‵ma ei a saito kae ka fakaputu ne ia ana saito ki loto i te fale saito, kae ‵sunu ne ia a kaiga ki te afi+ telā e se mafai o mate.” 13  Tenā ne vau ei a Iesu mai Kalilaia ki te Iolitana ko te mea ke papatiso a ia ne Ioane.+ 14  Kae ne taumafai a Ioane o taofi a ia, ana muna: “Ko au te tino e ‵tau o papatiso ne koe, kae nei ko vau koe ki a au?” 15  Ne tali atu a Iesu ki a ia: “Ke fai aka mua penei i te taimi nei, me tenā eiloa te auala ka fai ei ne tatou ke ‵tonu a mea katoa.” Tenā ne seki toe taofi ei a ia ne Ioane. 16  I tena otiga ne papatiso ne fanaka eiloa a Iesu mai te vai, kae kiloke! ne matala te lagi,+ kae ne matea ne Ioane a te agaga o te Atua e fanaifo e pelā me se lupe i luga i a Iesu.+ 17  Kae kiloke! E isi foki se leo mai te lagi+ e fai mai penei: “Tenei eiloa taku Tama,+ ko taku fagasele telā ko oti ne talia ne au.”+

Fakamatalaga mai lalo

Onoono ki te MF A5.
Io me “ufi ki lalo.”