Te Tusi a Mataio 28:1-20

  • Ko toetu a Iesu (1-10)

  • ‵Togi fakakolekole a sotia ke pati ‵loi (11-15)

  • Te fakatonuga ke fai a soko (16-20)

28  Mai tua o te Sapati, i te taimi ko maina mai ei i te aso muamua o te vaiaso, ne olo atu a Malia te Makatala mo te suā Malia o onoono ki te tanuga.+  Kae kiloke! ne poko se mafuie lasi, me ne fanaifo se agelu a Ieova* mai te lagi, fakatakafili kea‵tea te fatu, kae sagasaga i luga i ei.+  Ana foliga e pelā eiloa me se uila, kae ko ana gatu ko ‵kena eiloa pelā mo te kiona.+  Ao, ona ko te lotou ma‵taku i a ia, ne pole‵pole a leoleo e pelā eiloa me ne tino ko ‵mate.  Kae ne fai atu te agelu ki fāfine konā: “Sa ma‵taku, e iloa ne au i a koulua e salasala ki a Iesu telā ne tamate i luga i te pou.+  E galo a ia i konei, me ko oti ne toe fakatu aka, e pelā eiloa mo ana muna.+ O‵mai o onoono ki te koga ne takato ei a ia.  Ka oti, olo fakavave o fakailoa ki ana soko me ko oti ne fakatu aka a ia mai te mate, kae kiloke! ko mua atu a ia i a koutou ki Kalilaia.+ Ka lavea ne koutou a ia i konā. Kiloke! Tenā taku fekau ki a koulua.”+  Ne tiakina fakavave ne lāua te tanuga, kae ‵tele atu mo te ma‵taku mo te fia‵fia lasi o fakailoa ki ana soko.+  Kae kiloke! ne fetaui a Iesu mo lāua kae fai atu: “Talofa!” Ne olo atu lāua, puke ki ana vae kae ifo atu ki a ia. 10  Tenā ne fai atu ei a Iesu ki a lāua: “Sa ma‵taku! Olo o fakailoa atu ki oku taina ke olo ki Kalilaia, kae ka lavea ne latou au i konā.” 11  Kae koi olo atu lāua i te lā auala, kae ne olo atu a nisi leoleo+ ki loto i te fakai o fakailoa atu ki faitaulaga pule a mea katoa kolā ko oti ne ‵tupu. 12  I te otiga ne maopoopo kae fai‵pati fakatasi latou mo toeaina, tuku atu ei ne latou se aofaki o tupe siliva e uke ki leoleo konā 13  kae fakatonu atu ke fai ki tino penei: “Ne olo atu ana soko i te po o kaisoa tena foitino i te taimi ne ‵moe ei matou.+ 14  Kafai e logo te kovana i te mea tenei, kae ka fakamatala ne matou te mea tenā ki a ia, ko se ‵tau ei o manava‵se koutou.” 15  Ne puke ne latou a tupe siliva kae ne fai ne latou te fakatonuga telā ne fai atu, kae ne salalau atu te tala tenei ki tino Iutaia katoa i nisi fenua ke oko mai eiloa ki te aso nei. 16  Kae ne olo atu a soko e toko 11 ki Kalilaia+ ki te mauga telā ne fakatoka ne Iesu ke fetaui latou i ei.+ 17  I te laveaga ne latou a ia, ifo atu ei latou ki a ia, kae ko nisi tino ne fakalotolotolua. 18  Ne fanatu a Iesu kae faipati atu ki a latou, ana muna: “Ko oti ne tuku mai ki a au a te pule i mea katoa i te lagi mo te lalolagi.+ 19  Tela la, olo atu koutou ki fenua katoa o fai a tino i ei mo fai a soko,+ kae papatiso atu latou+ i te igoa o te Tamana mo te Tama mo te agaga tapu, 20  akoako atu latou ke faka‵logo ki mea katoa ne fakatonu atu ne au ki a koutou.+ Kae kiloke! Au e fakatasi faeloa mo koutou i aso katoa ke oko eiloa ki te gataga o te olaga tenei.”+

Fakamatalaga mai lalo

Onoono ki te MF A5.