Te Tusi a Mataio 17:1-27

  • ‵Fuliga o foliga o Iesu (1-13)

  • Fakatuanaki telā e fai pelā me se fuaga o te sinapi (14-21)

  • Toe ‵valo mai te mate o Iesu (22, 23)

  • Lafoga ne ‵togi ki te tupe mai i te gutu o se ika (24-27)

17  I te ono o aso mai tua ifo i ei, ne puke ne Iesu a Petelu mo Iakopo mo tena taina ko Ioane, kae olo aka ki luga i se mauga maluga, ko latou aka eiloa.+  Kae ne ‵fuli ana foliga i olotou mua. Ne maina mai ana mata e pelā mo te la, kae ko ana gatu ne ‵kena pakipaki eiloa e pelā mo te mainaga.+  Kae kiloke! ne lavea ne latou a Mose mo Elia e sau‵tala fakatasi mo ia.  Tenā ne fai atu ei a Petelu ki a Iesu: “Te Aliki, ko ‵lei aka eiloa ke ‵nofo matou i konei. Kafai e ‵lei ki a koe, ka faka‵tu ne au i konei a faleie e tolu, e tasi mō koe, e tasi mō Mose, kae e tasi mō Elia.”  Kae koi faipati a ia, kiloke! ne ufi latou ne se mainaga mai se kaumana, kae kiloke! ne faipati mai se leo i loto i ei penei: “Tenei eiloa taku Tama, ko taku fagasele telā ko oti ne talia ne au.+ Faka‵logo ki a ia.”+  I te lagonaga ne soko a te mea tenei, to‵tuli ifo ei latou mo olotou mata e ‵fuli ki lalo me ko oko eiloa i te lotou ma‵taku.  Tenā ne fanatu ei a Iesu kae fakapatele atu ki a latou, ana muna: “‵Tu ki luga. Sa ma‵taku.”  I te lotou ‵kiloakaga, e seai se tino e lavea atu ne latou kae na ko Iesu fua.  I te lotou oloifoga mai te mauga, ne fakatonu atu a Iesu ki a latou: “Ke mo a ma fakailoa atu te fakaasiga tenei ki se tino ke oko eiloa ki te taimi e toe fakatu aka ei te Tama a te tagata mai te mate.”+ 10  Ne fesili atu ana soko ki a ia: “Kaia e fai mai ei a failautusi me e ‵tau o vau muamua a Elia?”+ 11  Ne tali atu a ia: “A Elia e vau eiloa, kae ka toe faka‵foki ne ia a mea katoa.+ 12  Kae e fai atu au ki a koutou i a Elia ko leva ne vau kae ne seki lavea ne latou a ia kae ne fai fua ne latou ki a ia a mea kolā ne ma‵nako latou ki ei.+ Tenei foki te auala ka logo‵mae ei te Tama a te tagata i olotou lima.”+ 13  Tenā ne fatoa iloa ei ne ana soko me ne faipati atu a ia ki a latou e uiga ki a Ioane te Papatiso. 14  I te lotou okoatuga ki te vaitino,+ ne vau se tagata, totuli ifo ki lalo, kae fai atu: 15  “Te Aliki, a koe ke alofa ki taku tama, a ia e masaki kae pole sāle. A ia e siga sāle ki luga i te afi e pelā foki mo te vai.+ 16  Ne aumai ne au a ia ki ou soko, kae seki mafai ne latou o faka‵lei tena masaki.” 17  Ne tali atu a Iesu: “Te kautama sē fakatuanaki kae fai mea piko‵piko+ tenei, ka pefea te leva e fesoasoani atu ei au ki a koutou? Ka pefea te leva e fa‵ki ei au i a koutou? Aumai ki a au te tamaliki tenā.” 18  Tenā ne ‵liko ei ne Iesu a te temoni, kae ne fano kea‵tea mai i a ia, ‵lei ei te tamaliki i te itula eiloa tenā.+ 19  Ne olo atu a soko ki a Iesu, ko latou aka eiloa kae fai atu: “Kaia ne seki mafai ei ne matou o afuli kea‵tea te temoni tenā?” 20  Ana muna ki a latou: “Ona ko te foliki o te otou fakatuanaki. Au e fai ‵tonu atu ki a koutou, kafai e fai te otou fakatuanaki e pelā mo te lasi o te fuaga o te sinapi, ka fai atu koutou ki te mauga tenei, ‘Masiki mai i konei ki te koga telā,’ ko te mea eiloa ko masiki, kae ka seai eiloa se mea e se mafai ne koutou o fai.”+ 21 * —— 22  I te lotou maopoopoga i Kalilaia, ne fai atu a Iesu ki a latou: “A te Tama a te tagata ka tuku atu ki lima o tāgata faitogafiti,+ 23  kae ka tamate ne latou a ia, kae i te tolu o aso ka toe fakatu aka ei a ia.”+ Ne fanoa‵noa malosi latou ona ko te mea tenā. 24  I te lotou okoatuga ki Kapanaumi, ne olo atu a tāgata o ‵tae a te lafoga o te faletapu* kae fesili atu ki a Petelu: “E a, e ‵togi ne te otou faiakoga a te lafoga o te faletapu?”+ 25  Ne tali atu a Petelu: “Ao.” Kae i tena uluatuga ki loto i te fale, ne faipati muamua atu a Iesu ki a ia, ana muna: “Simona, se a tau faka‵tau, ko oi a tino e ‵togi ne latou a tiute io me ko lafoga foitino ki tupu o te lalolagi? Ko olotou tama io me ko tino fakaa‵tea?” 26  I te taimi ne fai atu ei a Petelu: “Ko tino fakaa‵tea,” fai atu ei a Iesu ki a ia: “Tela la, a tama a te tupu e se ‵togi lafoga. 27  Kae ko te mea ke se fakaitaita atu tatou ki a latou,+ fano o ‵pei atu se kafilo ki te tai, kae puke te ika muamua telā e maua, kae kafai e fakamaga ne koe tena gutu, ka maua ne koe i ei se tupe siliva. Puke te tupe tenā kae tuku atu ki a latou mō tāua tokolua.”

Fakamatalaga mai lalo

Onoono ki te MF A3.
Eleni, “e lua talakama.” Onoono ki te MF E14.