Ki te kau Loma 3:1-31

  • “Te Atua e tonu faeloa” (1-8)

  • Tino Iutaia mo tino Eleni e agasala katoa (9-20)

  • Amiotonu e auala i te fakatuanaki (21-31)

    • Tino katoa ko ‵mao mai te ‵malu o te Atua (23)

3  Se a la te aoga o te tino Iutaia, io me se a foki te aoga o te pilitome?  E aoga i auala e uke. A te mea muamua, me ne tuku atu ki a latou a folafolaga tapu a te Atua.+  E pefea la? Kafai ne se lava te fakatuanaki o nisi tino, e mata, ka fakaseaoga ne te sē lava o te lotou fakatuanaki a te fakamaoni o te Atua?  Ikai! Kae ko te Atua e tonu faeloa,+ faitalia me i tino katoa ne tino ‵loi,+ e pelā eiloa mo muna i te tusi: “Ko te mea ke fakatalitonu aka i au pati i a koe e amiotonu kae e mafai o manumalo koe māfai e fakamasinogina koe.”+  Kae ne a la ‵tou pati ka fai atu māfai e fakaasi faka‵lei atu a te amiotonu o te Atua e auala i ‵tou sē amiotonu? E mata, e se fai mea tonu te Atua māfai e fakaasi mai tena kaitaua? (Au e faipati atu e pelā me se tagata.)  E se mafai eiloa o fai penā! Ka fakamasino la pefea ne te Atua te lalolagi māfai e se fai penā?+  Kae kafai ko lauiloa a te munatonu a te Atua e auala i toku loi kae maua i ei ne ia a vikiga, kaia foki la ne fakamasino ei au e pelā me se tino agasala?  Kae kaia e se fai atu ei, e pelā mo pati sē ‵tonu a nisi tino me e fai atu tatou: “Ke na fai ne tatou a mea ma‵sei ko te mea ke maua mai i ei a mea ‵lei”? A te fakamasinoga e fai ki tāgata konei e fetaui eiloa mo te fakamasinoga tonu.+  E a, la? E mata, ko ‵lei atu ‵tou tulaga? Ikai! Me ko oti ne fakaasi atu ne tatou me i tino Iutaia mo tino Eleni e pokotia katoa i te agasala;+ 10  e pelā eiloa mo pati i te tusi: “E seai se tagata e tokotasi e amiotonu, e seai eiloa se tino;+ 11  e seai se tino e ‵loto tena malamalama; e seai se tino e ‵sala atu ki te Atua. 12  Ko oti ne ‵fuli kea‵tea a tino katoa, ko se aoga a latou katoa; ko seai se tino e fakaasi atu ne ia te atafai, e seai eiloa se tokotasi i a latou.”+ 13  “A olotou kato se tanuga e fakamaga ki luga; ne fai‵pati faeloa olotou alelo ki mea ‵loi.”+ “A te poisini o gata poisini e maua i tua o olotou laugutu.”+ 14  “Kae ko olotou gutu e ‵fonu i pati fakamalaia mo pati ‵kona.”+ 15  “E vave olotou vae o fakama‵ligi a toto.”+ 16  “E fakama‵sei kae e fakalogo‵mae olotou auala, 17  kae e se iloa ne latou te auala o te filemu.”+ 18  “E seai eiloa se mataku ki te Atua i olotou mata.”+ 19  Ko iloa nei ne tatou me i mea katoa e fai mai i te Tulafono e fakasino atu eiloa ki a latou kolā e ‵nofo mai lalo o te Tulafono, ko te mea ke mafai o fakafilemu i ei a gutu katoa kae ke mafai foki o fakamasino kae fakasala a te lalolagi kātoa ne te Atua.+ 20  Tela la, e seai se tino ka taku amiotonugina i ana mua e auala i galuega o te tulafono,+ me e auala i te tulafono e maua i ei te iloaga tonu o te agasala.+ 21  Kae e aunoa mo te tulafono ko oti ne fakaasi mai a te amiotonu o te Atua,+ e pelā mo te mea e molimau ki ei a te Tulafono mo tusi a te kau Pelofeta.+ 22  Kae ko latou katoa kolā e fakatuanaki ne maua ne latou te amiotonu o te Atua e auala i te fakatuanaki ki a Iesu Keliso. Me e seai se fakailoga tino i ei.+ 23  Ko oti ne agasala a tino katoa kae ko ‵mao mai te ‵malu o te Atua,+ 24  kae ko te lotou taku amiotonugina se meaalofa+ ona ko tena alofa tauanoa+ e auala i te fakasaolotoga telā ne ‵togi ki te togiola a Keliso Iesu.+ 25  Ne tuku mai a ia ne te Atua mo fai te taulaga ke toe faka‵lei aka ei te ‵tou va mo te Atua+ e auala i te fakatuanaki ki tena toto.+ Ne fai te mea tenei ke fakaasi mai ei tena amiotonu, me ne fa‵ki te Atua kae fakamagalo foki ne ia a agasala kolā ne fai i aso ko ‵teka. 26  Ne fai a te mea tenei ke fakaasi mai ei tena amiotonu+ i te vaitaimi tenei, ko te mea ke amiotonu a ia māfai e taku ne ia me e amiotonu a te tino telā e fakatuanaki ki a Iesu.+ 27  Kaia la e fakamata‵mata ei tatou? E seai se pogai ke fai ei penā. E auala i te tulafono fea? E mata, e auala i galuega?+ Ikai, kae e auala i te tulafono o te fakatuanaki. 28  Me e iloa ne tatou i te tagata e taku amiotonugina e auala i te fakatuanaki kae e se ko galuega o te tulafono.+ 29  Io me e mata, a ia ko te Atua fua o tino Iutaia?+ E se ko te Atua foki o tino o fenua fakaa‵tea?+ Ao, ko te Atua foki o tino o fenua fakaa‵tea.+ 30  Ona ko te mea e tokotasi fua te Atua,+ ka taku amiotonu ne ia a tino ko oti ne pilitome+ ona ko te fakatuanaki kae ko tino e seki pilitome ka taku amiotonugina+ e auala i te lotou fakatuanaki. 31  Tela la, e mata, ka fakaseai ne tatou a te tulafono e auala i te ‵tou fakatuanaki? Ikai! I lō te fai penā, a tatou e ‵lago ki te tulafono.+

Fakamatalaga mai lalo