Kenese 5:1-32

  • Mai i a Atamu ki a Noa (1-32)

    • E isi foki ne tama tāgata mo tama fāfine a Atamu (4)

    • Enoka ne sa‵sale mo te Atua (21-24)

5  Tenei te tusi o te tala fakasolopito o Atamu. I te aso ne faite ei ne te Atua a Atamu, ne faite ne ia tou tagata ki foliga o te Atua.+  Ne faite ne ia lāua, te tagata mo te fafine.+ I te aso ne faite ei lāua,+ ne fakamanuia ne ia lāua kae fakaigoa ne ia ki Tino.  Ne ola Atamu i tausaga e 130, kae toe maua tena tamaliki tagata telā e soko eiloa ki a ia, ko ana foliga eiloa, kae ne fakaigoa ne ia ki a Setu.+  Mai tua o te fanauga o Setu, ne toe ola a Atamu i tausaga e 800. E isi aka foki ne ana tamaliki tāgata mo tamaliki fāfine.  E ‵tusa mo te 930 tausaga o te olaga kātoa o Atamu, mate ei a ia.+  E ‵tusa mo te 105 tausaga o Setu kae maua tena tamaliki ko Enosa.+  Mai tua o te fanauga o Enosa, ne toe ola a Setu i tausaga e 807. E isi aka foki ne ana tamaliki tāgata mo tamaliki fāfine.  E ‵tusa mo te 912 tausaga o te olaga kātoa o Setu, mate ei a ia.  E ‵tusa mo te 90 tausaga o Enosa kae maua tena tamaliki ko Kenani. 10  Mai tua o te fanauga o Kenani, ne toe ola a Enosa i tausaga e 815. E isi aka foki ne ana tamaliki tāgata mo tamaliki fāfine. 11  E ‵tusa mo te 905 tausaga o te olaga kātoa o Enosa, mate ei a ia. 12  E ‵tusa mo te 70 tausaga o Kenani kae maua tena tamaliki ko Malaelu.+ 13  Mai tua o te fanauga o Malaelu, ne toe ola a Kenani i tausaga e 840. E isi aka foki ne ana tamaliki tāgata mo tamaliki fāfine. 14  E ‵tusa mo te 910 tausaga o te olaga kātoa o Kenani, mate ei a ia. 15  E ‵tusa mo te 65 tausaga o Malaelu kae maua tena tamaliki ko Ialeto.+ 16  Mai tua o te fanauga o Ialeto, ne toe ola a Malaelu i tausaga e 830. E isi aka foki ne ana tamaliki tāgata mo tamaliki fāfine. 17  E ‵tusa mo te 895 tausaga o te olaga kātoa o Malaelu, mate ei a ia. 18  E ‵tusa mo te 162 tausaga o Ialeto kae maua tena tamaliki ko Enoka.+ 19  Mai tua o te fanauga o Enoka, ne toe ola a Ialeto i tausaga e 800. E isi aka foki ne ana tamaliki tāgata mo tamaliki fāfine. 20  E ‵tusa mo te 962 tausaga o te olaga kātoa o Ialeto, mate ei a ia. 21  E ‵tusa mo te 65 tausaga o Enoka kae maua tena tamaliki ko Metusela.+ 22  Mai tua o te fanauga o Metusela, ne tumau eiloa a Enoka i te sa‵sale fakatasi mo te Atua* tonu i tausaga e 300. E isi aka foki ne ana tamaliki tāgata mo tamaliki fāfine. 23  E ‵tusa mo te 365 tausaga o te olaga kātoa o Enoka. 24  Ne tumau eiloa a Enoka i te sa‵sale fakatasi mo te Atua tonu.+ Tenā ko te mea eiloa ko galo, me ne ave a ia ne te Atua.+ 25  E ‵tusa mo te 187 tausaga o Metusela kae maua tena tamaliki ko Lameko.+ 26  Mai tua o te fanauga o Lameko, ne toe ola a Metusela i tausaga e 782. E isi aka foki ne ana tamaliki tāgata mo tamaliki fāfine. 27  E ‵tusa mo te 969 tausaga o te olaga kātoa o Metusela, mate ei a ia. 28  E ‵tusa mo te 182 tausaga o Lameko kae maua tena tamaliki tagata. 29  Ne fakaigoa ne ia ki a Noa,*+ ana muna: “Ka aumai ne te tino tenei ki a tatou a te fakamafanafanaga* mai ‵tou galuega mo te logo‵mae e maua ne tatou i ‵tou galuega ‵mafa, me ko oti ne fakamalaia ne Ieova a te laukele.”+ 30  Mai tua o te fanauga o Noa, ne toe ola a Lameko i tausaga e 595. E isi aka foki ne ana tamaliki tāgata mo tamaliki fāfine. 31  E ‵tusa mo te 777 tausaga o te olaga kātoa o Lameko, mate ei a ia. 32  I te taimi ko 500 ei tausaga o Noa kae maua ana tama‵liki ko Semu,+ Hamo+ mo Iafeta.+

Fakamatalaga mai lalo

Epelu, “te Atua.” Onoono ki te FP.
Kāti e fakauiga ki te “Malōlō, Fakamafanafanaga.”
Io me “fakatapūga.”