Kenese 49:1-33

  • Te valoaga a Iakopo i luga i tena moega kae ko pili o mate (1-28)

    • Sailo ko vau mai i Iuta (10)

  • Fakatonuga ki te tanuga o Iakopo (29-32)

  • Ko mate a Iakopo (33)

49  Ne kalaga atu a Iakopo ki ana tama tāgata kae fai atu: “Maopoopo fakatasi mai ko te mea ke fakailoa atu ne au ki a koutou a mea kolā ka ‵tupu ki a koutou i aso fakamuli.  ‵Nofo kae fakalogo‵logo mai, koutou tama a Iakopo, ao, fakalogo‵logo mai ki a Isalaelu te otou tamana.  “Leupena,+ a koe ko taku toekimua,+ ko toku malosi mo te kamataga o toku malosi e pelā me se tagata, ko toku ‵malu sili mo toku malosi sili.  A koe e pelā me se tai sou telā e se tokagamalie, a koe ka se ‵lei me i a koe ne fano ki luga i te moega o tou tamana.+ I te taimi tenā ne fakalailai* ne koe toku moega. Ne fano eiloa a ia ki luga i ei!  A Simeona mo Levi se tautaina.+ A lā pelu+ ne meatau fakasaua.  Au e se fia kau ki a lāua. Au e se fia kau ki se potukau telā e ‵kau a lāua ki ei, ona ko te mea ne tamate ne lāua a tāgata i te lā kaitāua,+ kae e pelā me se tafaoga ne fai eiloa ne lāua a pulumakau tāgata ke ‵pili.  Ke malaia te lā ita me se amioga matamua, mo te lā kaitāua me se amioga fakasaua.+ Ka fakasalalau ne au a lāua i loto i a Iakopo kae ka fai ne au latou ke mafuta valevale i loto i Isalaelu.+  “Kae ko koe e Iuta,+ ka tavae koe ne ou taina.+ Ka ‵kumi ne koe a ua o ou fili ki tou lima.+ Kae ko tama tāgata a tou tamana ka ifo atu ki a koe.+  A Iuta se tamā leona.+ Taku tama, ka kai eiloa koe ki te manu ne ta ne koe, ko fano ei koe. E takato a ia ki lalo kae fakamālō tena foitino e pelā me se leona, kae e pelā me se leona, ko oi la e mafai o ‵fagu ne ia tou tagata? 10  A te tokotoko a te tupu ka se mafai o ave kea‵tea mai i a Iuta,+ e pelā foki mo te tokotoko a te takitaki mai i te va o ana vae, ke oko eiloa ki te taimi e vau ei a te Sailo,*+ kae ka faka‵logo a tino katoa ki a ia.+ 11  Ka ‵sai tena asini ki te vine kae ko tamā asini ki te vine ‵lei, ka ‵ta ne ia ana gatu ki uaina mo sua o fuagavine. 12  Ana mata ko kula eiloa i te uaina, kae ko ana nifo ko ‵kena eiloa i te susu. 13  A Sepulona+ ka nofo pili ki te tafatai, i te koga telā e taula i ei a vakamutu,+ kae ko tena tuakoi ki mātū e fakasino tonu atu eiloa ki Saitonu.+ 14  “A Isakala+ se asini malosi, e takato i te va o te avā taga kolā e ‵sai ki te nofoga o te asini. 15  Kae ka matea ne ia me e ‵lei a te koga malōlō tenā kae e gali foki te fenua. Ka fakapiko ifo tena tuauma o amo te amoga kae ka fai ne ia a galuega ‵mafa. 16  “Ka fakamasino ne Tanu+ ana tino e pelā me se matakāiga e tasi o Isalaelu.+ 17  Ke fai a Tanu e pelā me se gata i tafa o te auala, se gata fekai i tafa o te auala, telā e ū ne ia a ‵kenuvae o te solofanua ko te mea ke tō ki lalo a te tino telā e tele i luga i ei.+ 18  Ka faka‵tali eiloa au ki te fakaolataga mai i a koe, e Ieova. 19  “Kae e pelā mo Kato,+ ka taua atu ki a ia a tino kai‵soa, kae ka afuli eiloa ne ia a latou kea‵tea.+ 20  “Ka uke a meakai a Asela,+ kae ka tuku mai ne ia a meakai e pelā mo meakai a te tupu.+ 21  “A Nafatali+ se tia kautiutiu. E faipati a ia ki pati ‵gali.+ 22  “A Iosefa+ se kaula o te lakau telā e ‵fua mai i ei a fuataga, se lakau telā e ‵fua malosi i tafa o te vai, kae ko ana kaula e ‵solo atu ki luga i te ‵pui. 23  Kae ne taua atu faeloa a tino sana matasana ki a ia kae sana ne latou a ia ki matasana kae ita fakamoemoe faeloa ki a ia.+ 24  Kae ko tena kausana e toka faeloa+ mo ana lima e tumau i te ma‵losi kae apo+. A te mea tenei ne maua mai i te Atua malosi katoatoa o Iakopo, mai te tausi mamoe, ko te fatu o Isalaelu. 25  A ia* ne vau mai te Atua o tou tamana, kae ka fesoasoani atu a ia ki a koe; kae ka ‵nofo a ia mo te Atua Malosi Katoatoa, kae ka fakamanuia ne ia a koe ki fakamanuiaga o te lagi mai luga, ki fakamanuiaga o koga ‵poko mai lalo,+ kae ka tuku atu ne ia ki a koe a tama‵liki mo manu e uke. 26  A fakamanuiaga mai tou tamana e sili atu i te ‵lei i lō mea ‵lei kolā e maua mai i atumauga ‵lasi mo tamā mauga kolā e tumau ki te se-gata-mai.+ Ka tumau latou i luga i te ulu o Iosefa, ke oko ki te kalauna i te ulu o ia telā e tu ‵kese mai i ana taina.+ 27  “A Peniamina+ ka tumau i te fekai e pelā me se kuli vao.+ Ka kai ne ia a tena manu ne ta i te tafataeao kae ka vaevae ne ia ana mea ne maua i te afiafi.”+ 28  Konei katoa a matakāiga e 12 o Isalaelu, kae konei eiloa a pati a te lotou tamana ne fai atu ki a latou i te taimi ne fakamanuia ei ne ia latou. Ne tuku atu ne ia ki a latou taki tokotasi a fakamanuiaga kolā e fetaui ‵lei mo latou.+ 29  Mai tua ifo, ne tuku atu ne ia a fakatonuga konei ki a latou: “Au ka fakatasi atu ki oku tino.*+ Ke tanu au ne koutou fakatasi mo oku tupuga i te ana telā e tu i te manafa o Efelona te tino Heti,+ 30  ko te ana telā e tu i te manafa i Makapelu i te feitu ki mua o Mamele i te fenua o Kanana, ko te manafa telā ne ‵togi ne Apelaamo mai i a Efelona te tino Heti mo fai te koga e tanu ei ana tino ‵mate. 31  Ne tanu ne latou i konā a Apelaamo mo tena avaga ko Sala.+ Ne tanu foki ne latou i konā a Isaako+ mo tena avaga ko Lepeka, kae ne tanu foki ne au i konā a Lea. 32  A te manafa tenā mo te ana telā e tu i ei ne ‵togi mai i tino Heti.”+ 33  Tela la, i te otiga ne tuku atu ne Iakopo a fakatonuga konei ki ana tama tāgata, ne tuku aka ei ana vae ki luga i tena moega, ‵pusi mai tena toe mānava kae ne fakatasi atu ki ana tino.*+

Fakamatalaga mai lalo

Io me “seki faka‵malu.”
Tena uiga “A Ia Telā i a Ia; Te Tino Telā i a Ia.”
Telā ko Iosefa.
A te mea tenei se tugapati fakauiga telā e fakasino atu ki te mate.
A te mea tenei se tugapati fakauiga telā e fakasino atu ki te mate.