Kenese 36:1-43

  • Tino ne ‵tupu mai i a Esau (1-30)

  • Tupu o Etoma mo ulualiki (31-43)

36  Tenei te tala fakasolopito o Esau, telā ko Etoma+ foki.  Ne puke mai ne Esau ana avaga mai tama fāfine o Kanana: ko Ata+ te tama fafine a Eloni te tagata Heti;+ mo Olipama+ te tama fafine a Anā, te mokopuna fafine o Sipeona te tagata Hivi,  mo Pasemeta,+ te tama fafine a Isamaeli, te tuagane o Nepaiota.+  Ne fanau te tama a Ata i a Esau, ko Elifasa, kae ko Pasemeta ne fanau ne ia a Leuelu,  kae ko Olipama ne fanau ne ia a Ieusa, Ialama mo Kola.+ Konei a tama tāgata a Esau kolā ne fa‵nau i te fenua ko Kanana.  Fakamuli ifo, ne puke ne Esau ana avaga, ana tama tāgata, ana tama fāfine mo tino katoa i tena kaukāiga, tena lafu manu mo nisi manu katoa, mo ana koloa katoa kolā ne maua+ i te fenua ko Kanana kae ne olo atu ki te suā fenua telā e tai ‵mao mai tena taina ko Iakopo.+  Me ko tō uke katoa a lā mea kae ko se lava a koga ke ‵nofo fakatasi lāua i ei, kae ko te laukele telā ne ‵nofo* lāua i ei ko se lava me ko tō uke a lā lafu manu.  Tenā ne fano ei a Esau o nofo i te koga maugā o Seila.+ A Esau ko Etoma+ foki.  Kae tenei te tala fakasolopito o Esau te tamana o tino Etoma telā ne nofo i luga i te koga maugā o Seila.+ 10  Konei a igoa o tama tāgata a Esau: ko Elifasa te tama tagata a Ata, te avaga a Esau; ko Leuelu te tama tagata a Pasemeta, te suā avaga a Esau.+ 11  A tama tāgata a Elifasa ko Timanu,+ Omala, Sefo, Katamo mo Kenasa.+ 12  Kae ko Timena ko te avaga fakasalasala a Elifasa, te tama tagata a Esau. Fakamuli ifo, fanau ei ne ia te tama tagata a Elifasa ko Amaleka.+ Konei a tama tāgata a Ata, te avaga a Esau. 13  Konei a tama tāgata a Leuelu: ko Nahata, Tila, Sama mo Misa. Konei a tama tāgata a Pasemeta,+ te avaga a Esau. 14  Konei a tama tāgata a Olipama te tama fafine a Anā, te mokopuna fafine o Sipeona, te avaga a Esau telā ne fanau ne ia a tama a Esau: ko Ieusa, Ialama, mo Kola. 15  Konei a ulualiki o tama tāgata a Esau:+ Ko tama tāgata a Elifasa, te toekimua a Esau: te Ulualiki ko Timanu, te Ulualiki ko Omala, te Ulualiki ko Sefo, te Ulualiki ko Kenasa,+ 16  te Ulualiki ko Kola, te Ulualiki ko Katamo, mo te Ulualiki ko Amaleka. Konei a ulualiki mai i a Elifasa+ i te fenua o Etoma. A latou konei ko tama tāgata a Ata. 17  Konei a tama tāgata a Leuelu, te tama tagata a Esau: te Ulualiki ko Nahata, te Ulualiki ko Tila, te Ulualiki ko Sama, te Ulualiki ko Misa. Konei a ulualiki mai i a Leuelu i te fenua o Etoma.+ A latou konei ko tama tāgata a Pasemeta, te avaga a Esau. 18  Kae konei a tama tāgata a Olipama, te avaga a Esau: te Ulualiki ko Ieusa, te Ulualiki ko Ialama, mo te Ulualiki ko Kola. Konei a ulualiki mai i a Olipama te tama fafine a Anā, te avaga a Esau. 19  Konei a tama tāgata a Esau, telā ko Etoma,+ kae konei olotou ulualiki. 20  Konei a tama tāgata a Seila te tino Holite, ko tino kolā e ‵nofo i te fenua tenā:+ ko Lotana, Sopala, Sipeona, Anā,+ 21  Tisono, Eseli mo Tisano.+ Konei a ulualiki o tino Holite, ko tama tāgata a Seila, i te fenua o Etoma. 22  A tama tāgata a Lotana ko Holi mo Hemamu, kae ko te tuagane o Lotana ko Timena.+ 23  Konei a tama tāgata a Sopala: ko Alavana, Manahata, Epalu, Siefo mo Onamu. 24  Konei a tama tāgata a Sipeona:+ ko Aia mo Anā. Ko Anā tenei ne maua ne ia te vai ‵vela e ‵puna i te koga lavaki i te taimi ne tausi ei ne ia a asini a tena tamana ko Sipeona. 25  Konei a tama‵liki a Anā: ko Tisono mo Olipama te tama fafine a Anā. 26  Konei a tama tāgata a Tisono: ko Hematanu, Esapana, Italana mo Telani.+ 27  Konei a tama tāgata a Eseli: ko Pilana, Savana mo Akane. 28  Konei a tama tāgata a Tisano: ko Iusa mo Alana.+ 29  Konei a ulualiki o te kau Holite: te Ulualiki ko Lotana, te Ulualiki ko Sopala, te Ulualiki ko Sipeona, te Ulualiki ko Anā, 30  te Ulualiki ko Tisono, te Ulualiki ko Eseli, mo te Ulualiki ko Tisano.+ Konei a ulualiki o te kau Holite e ‵tusa mo olotou ulualiki i te fenua o Seila. 31  Kae konei a tupu kolā ne pule i te fenua o Etoma+ kae koi tuai o pule atu se tupu ki tino Isalaelu.+ 32  Ne pule atu a Pela te tama tagata a Piolo i Etoma, kae ko te igoa o tena fakai ko Tinapa. 33  I te taimi ne mate ei a Pela, ne kamata o pule a Iopapu te tama tagata a Tila mai Posala e sui ei a ia. 34  I te taimi ne mate ei a Iopapu, ne kamata o pule a Usama mai te fenua o tino Timanu e sui ei a ia. 35  I te taimi ne mate ei a Usama, ne kamata o pule a Hatata te tama tagata a Petata, telā ne fakatakavale ne ia a tino Mitiana+ i te kogā fenua o Moapi, e sui ei a ia, kae ko te igoa o tena fakai ko Avita. 36  I te taimi ne mate ei a Hatata, ne kamata o pule a Samala mai Masaleka e sui ei a ia. 37  I te taimi ne mate ei a Samala, ne kamata o pule a Saula mai Leopota i tafa o te Vaitafe, e sui ei a ia. 38  I te taimi ne mate ei a Saula, ne kamata o pule a Paala-hananu te tama tagata a Akopa, e sui ei a ia. 39  I te taimi ne mate ei a Paala-hananu, te tama tagata a Akopa, ne kamata o pule a Hata, e sui ei a ia. A te igoa o tena fakai ko Pau, kae ko te igoa o tena avaga ko Metapelu te tama fafine a Mateleta te tama fafine a Mesapo. 40  Konei a igoa o ulualiki mai i a Esau e ‵tusa mo olotou matakāiga, olotou fakai, mo olotou igoa: te Ulualiki ko Timena, te Ulualiki ko Alava, te Ulualiki ko Ietete,+ 41  te Ulualiki ko Olipama, te Ulualiki ko Ela, te Ulualiki ko Pinoni, 42  te Ulualiki ko Kenasa, te Ulualiki ko Timanu, te Ulualiki ko Mipisā, 43  te Ulualiki ko Makatielu, te Ulualiki ko Ilamu. Konei a ulualiki mai i a Etoma e ‵tusa mo koga e ‵nofo ei latou i luga i olotou laukele.+ Ne ‵tupu mai latou i a Esau te tamana o tino Etoma.+

Fakamatalaga mai lalo

Io me “ola e pelā me ne tino fakaa‵tea.”