Isaia 64:1-12

  • Te faka‵sokoga o te ‵talo o te salamō (1-12)

    • Ieova “te motou Tino faite mea ki kele” (8)

64  Moi ne ‵sae fua ne koe te lagi kae fanaifo ki lalo,Ko te mea ke ga‵lulu a mauga ona ko koe,   E pelā me se afi e ‵ka mai i kaula o lakau,Kae fai ne te afi a te vai ke ‵puna,Tenā ko lauiloa i ei tou igoa i ou fili,Kae ka pole‵pole a atufenua i ou mua!   I te taimi ne fai ei ne koe a mea fakaofoofogia kolā ne seki fakamoe‵moe matou ki ei,+Ne fanaifo koe, kae ko mauga ne ga‵lulu i mua o koe.+   Mai i aso mua loa, e seai se tino ne lagona ne ia io me tuku mai ana taliga,Io me ne lavea ne mata a te Atua kae na ko koe,Telā e gasuesue mō latou kolā e ‵nofo fakatalitali ki a ia.+   Ne fetaui koe mo latou kolā e fai te mea tonu mo te fia‵fia,+Ko latou kolā ne masaua ne latou koe kae tau‵tali i ou auala. Kiloke! A koe ne kaitaua, kae ne fai faeloa ne matou a agasala,+Ne fai matou penā mō se taimi leva. E a, ko ‵tau nei o faka‵sao matou?   Kae ko matou katoa ko fai pelā me se tino sē ‵ma,Kae ko omotou faifaiga sē amiotonu ko pelā me se laugatu i te taimi e masaki fakafafine i ei.+ Ka mage‵mage katoa tatou e pelā me se lau,Kae ko omotou mea ‵se ka ave kea‵tea i ei matou e pelā me se matagi.   E seai se tino e kalaga atu ki tou igoa,E seai se tino e fakamalosi o ‵piki ‵mau ki a koe,Me i a koe ne ‵funa aka ou mata mai i a matou,+Kae ne fai ne koe ke gasolo ifo matou o vāi‵vai* ona ko omotou mea ‵se ne fai.   Kae nei la, e Ieova, a koe ko te motou Tamana.+ A matou ko te kele, kae ko koe ko te motou Tino faite mea ki kele;*+A matou ko galuega katoa a ou lima.   Ieova, ke mo a koe ma tō kaitaua,+Kae ke mo a ma masaua ne koe omotou mea ‵se ki te se-gata-mai. Kilo mai ki a matou, fakamolemole, me i a matou katoa ko ou tino. 10  Ou fakai tapu ko fai pelā me se koga lavaki. A Siona ko fai pelā me se koga lavaki,A Ielusalema se laukele sē aoga.+ 11  A te motou fale telā e tapu kae ‵malu,Telā ne ‵viki atu i ei omotou tupuga ki a koe,Ko oti ne ‵sunu ki te afi,+Kae ko mea katoa e fakatāua ne matou ko oti ne fakama‵sei. 12  Ona ko te mea tenei, e a, ka tumau eiloa koe i te kufaki, e Ieova? E a, ka nofo filemu koe kae tuku ei matou ke puapuaga malosi?+

Fakamatalaga mai lalo

Epelu, “ke liuvai.”
Io me “te Atua ne faite ne ia matou.”