Isaia 63:1-19
63 Ko oi tenei e vau mai i Etoma,+Mai i Posala+ mo gatu lanu mainaina,*A te tino tenei mo tena gatu gali,E sasale i tena malosi sili?
“Ko au eiloa, te Atua telā e faipati i te amiotonu,Ko te Atua telā e sili tena malosi o fakaola.”
2 Kaia e kula ei ou gatu,Kae kaia e fai ei ou gatu e pelā mo gatu o latou kolā e lakalaka fuagavine i te mea ‵tau uaina?+
3 “Ne lakalaka tokotasi ne au a mea e ‵tau ei a uaina.
E seai ne tino mai i te fenua ne fakatasi mai ki a au.
Ne lakalaka faeloa ne au a mea konā mo te kaitaua,Kae ne lakalaka faeloa ne au i toku ita.+
A olotou toto ne ‵pisi mai ki oku gatu,Kae ne pisia i ei oku gatu katoa.
4 Me i te aso o te taui ma sui e nofo i toku loto,+Kae ko te tausaga e toe ‵togi mai ei oku tino ko oko mai.
5 Ne kilo aka au, kae e seai se tino e fesoasoani mai;Ne ofo malosi au me seai se tino e toka o ‵lago mai.
Tela la, ne aumai ne toku lima te fakaolataga* ki a au,+Kae ko toku kaitaua eiloa ne ‵lago mai ki a au.
6 Ne lakalaka ne au a tino i toku kaitaua,Ne fai ne au latou ke ko‵nā i toku ita+Kae ‵ligi atu olotou toto ki te laukele.”
7 Ka takutaku atu ne au a faifaiga o te alofa fakamaoni o Ieova,Ko vikiga o Ieova e ‵tusa mo mea e fai ne ia,Ona ko mea katoa ne fai ne Ieova mō tatou,+Ko mea ‵lei katoa ne fai ne ia mō te kāiga o Isalaelu,E ‵tusa mo tena alofa fakamagalo mo te lasi o tena alofa fakamaoni.
8 Me ne fai mai a ia: “E mautinoa me ko oku tino eiloa latou, ko tama tāgata kolā e se mafai o se fakamaoni.”*+
Tenā ne fai ei a ia mo fai te lotou Fakaola.+
9 I olotou puapuaga katoa ne puapuaga eiloa a ia.+
Kae ko tena avefekau totino ne faka‵sao ne ia latou.+
I tena alofa mo tena alofa atafai ne toe ‵togi mai ei ne ia latou,+Kae sau aka ne ia latou ki luga kae tauave latou i aso katoa ko ‵teka atu.+
10 Kae ne ‵teke+ atu latou kae fakafanoanoa ne latou tena agaga tapu.+
Tenā ne ‵fuli ei a ia mo fai te lotou fili,+Kae ne taua atu a ia ki a latou.+
11 Kae ne masaua ne latou a aso ko ‵teka,Ko aso o tena tavini ko Mose:
“Tefea te Atua telā ne aumai ne ia latou mai i te tai+ fakatasi mo tausi mamoe o tena lafu?+
Tefea te Atua telā ne tuku ne ia ki loto i a ia a Tena agaga tapu,+
12 Ko te Atua telā ne tuku ne ia Tena lima ‵malu ke olo tasi mo te lima fakaatamai o Mose,+Ko te Atua telā ne ‵vae ne ia a vai i olotou mua+Ko te mea ke fai i ei se igoa tumau mō ia ki te se-gata-mai,+
13 Ko te Atua telā ne fai ne ia latou ke sa‵sale i loto i te tai sou,*Ko te mea ke sa‵sale latou kae e se ‵siga,
E pelā me se solofanua i se fenua laugatasi?*
14 E pelā eiloa mo lafu manu māfai ko olo ifo ki lalo i te vanu laugatasi,Ne fai ne te agaga o Ieova a latou ke malō‵lo.”+
Tenei te auala e takitaki ei ne koe ou tino,Ke fai ei se igoa gali mō koe.+
15 Kilo ifo mai te lagi kae onoono atuMai tou koga maluga telā e tapu kae ‵malu.
Tefea tou loto finafinau mo tou malosi,Telā e fakamalosi aka i ei a tou alofa atafai+ mo tou alofa fakamagalo?+
Ne taofi aka a mea konā mai i a au
16 Me i a koe ko te motou Tamana;+
E tiga eiloa e se iloa ne Apelaamo a matou
Kae e se iloa ne Isalaelu a matou,
A koe, e Ieova, ko te motou Tamana.
A tou igoa ko te Atua telā e toe ‵togi mai ne ia matou i aso mua.+
17 Kaia e fai ei ne koe, e Ieova, ke olo kea‵tea matou mai i ou auala?
Kaia e fai ei ne koe omotou loto ke ma‵keke, ko te mea ke se ma‵taku matou ki a koe?+
Foki mai, ona ko au tavini,Ko matakāiga o tou tofi.+
18 E mu‵tana aso ne ‵nofo ei mō ou tino tapu a te mea tenā.
Ne lakalaka eiloa ne omotou fili a tou koga tapuaki.+
19 Ko tō leva te taimi ne fai ei matou e pelā me ne tino e se pule koe ki ei,E pelā me ne tino ne seki fakaigoa eiloa ki tou igoa.
Fakamatalaga mai lalo
^ Io me kāti, “kula mainaina.”
^ Io me “manumalo.”
^ Io me “fakamaoni aka me e ‵se.”
^ Io me “vai ‵poko.”
^ Io me “koga lavaki.”
