Isaia 62:1-12
-
Te igoa fou o Siona (1-12)
62 Ona ko Siona ka se nofo filemu eiloa au,+Kae ona ko Ielusalema ka se nofo malie eiloa auKe oko ki te taimi ko maina mai ei a tena amiotonu e pelā me se mainaga o te moli+Kae ko tena fakaolataga e ka e pelā me se molisulu.+
2 “Ka lavea ne atufenua tou amiotonu, e te fafine,+Kae ka lavea ne tupu katoa tou ‵malu.+
Kae ka fakaigoa koe ki se igoa fou,+Telā ka taku mai ne Ieova i tena gutu.
3 Ka fai koe mo fai se kalauna gali i te lima o Ieova,Se pulou laugatu fakatupu i te alofilima o tou Atua.
4 A koe ka se toe taku se fafine ne tuku tiaki,+Kae ko tou laukele ka se toe taku me ne tuku tiaki.+
Kae ka taku koe ki Toku Fiafia e Maua i Tou Fafine,+Kae ko tou laukele ka taku ko te Tino ne Fakaipoipo.
Me i a Ieova ka fiafia ki a koe,Kae ko tou laukele ka fai pelā me se tino telā ne fakaipoipo.
5 Me e pelā eiloa me se tamataene ne fakaipoipo ki se tamafine ‵ma,Au tama tāgata ka fakaipoipo mo koe.
E pelā mo te fiafia o te tagata ka fakaipoipo i te fafine ka fakaipoipo a ia ki ei,Ka fiafia eiloa a tou Atua ona ko koe.+
6 Ne fai taku fakatonuga ki tāgata leoleo i luga i ou ‵pui, e Ielusalema.
E se ‵tau o ‵nofo filemu latou i te ao kātoa mo te po kātoa i taimi katoa.
A koe telā e takutaku te igoa o Ieova,Sa malōlō,
7 Kae sa fai ke malōlō a ia ke oko ki te taimi ko oti ei ne faka‵mautakitaki ne ia a Ielusalema,
Ao, ke oko ki te taimi ko fai ei ne ia a tou fafine ke tavae ne te lalolagi.”+
8 Ne fai ne Ieova se tautoga ki tena lima fakaatamai, ki tena lima malosi:
“Ka se toe tuku atu ne au a saito a koe e pelā me ne meakai ki ou fili,Kae ka se inu a tino fakaa‵tea ki au uaina ‵fou kolā ne galue malosi koe ki ei.+
9 Kae ko latou kolā e fakamaopoopo mai ne latou a meakai ka ‵kai ki ei kae ka ‵viki atu latou ki a Ieova;Kae ko latou kolā e fakaputu mai ne latou a meainu ka inu ki ei i oku koga ateatea ‵malu.”+
10 Olo ki loto, olo ki loto i mataloa o ‵pui o te fakai.
Fakaavanoa te auala mō tino.+
Faite aka, ke na faite aka te auala lasi.
Ave kea‵tea a fatu mai i ei.+
Fakatu aka se fakailoga mō te fenua.+
11 Kiloke! Ko oti ne folafola atu a Ieova ki koga ‵mao o te lalolagi:
“Fai atu ki te tama fafine o Siona,‘Kiloke! A tou fakaolataga ko vau.+
Kiloke! A tena taui tenā e nofo mo ia,Kae ko te ‵togi e ‵togi atu ne ia e tuku i ana mua.’”+
12 Ka taku latou ko te fenua tapu, ko latou kolā ne toe ‵togi mai ne Ieova,+Kae ka taku a koe ko te Fakai ne ‵Sala ki ei, ko te Fakai ne Seki Tuku Tiaki.+
