Isaia 61:1-11
61 A te agaga o te Aliki Sili ko Ieova ko i luga i a au,+Me i a Ieova ne fakaeke ne ia au ke folafola atu te tala ‵lei ki tino agamalu.+
Ne uga mai ne ia au ke fusi a loto o tino mafatia,Ke folafola atu te fakasaolotoga ki tino kolā ne ave fakapagotaKae ke faka‵pula malosi a mata o pagota,+
2 Ke folafola atu te tausaga o te loto ‵lei o IeovaMo te aso o te taui ma sui o te ‵tou Atua,+Ke fakamafanafana atu ki a latou katoa kolā e fanoa‵noa,+
3 Ke tuku atu a mea ki a latou kolā e fanoa‵noa i Siona,Ke tuku atu ki a latou a te pulou laugatu i lō lefu,Te sinu o te fiafia i lō te fanoanoa,Te gatu o tavaega i lō te agaga o te loto vāivāi.
Kae ka taku latou ko lakau ‵lasi o te amiotonu,Ko mea ne ‵toki ne Ieova, ko te mea ke faka‵malu ei a ia.+
4 Ka toe faite ne latou a mea kolā ne fakamasei i aso mua;Ka faka‵tu aka ne latou a koga kolā ne fakamasei i aso ko ‵teka,+Kae ka toe faka‵fou ne latou a fakai ne ofa ki lalo,+Ko koga kolā ne tuku tiaki i kautama takitasi.+
5 “A tino ‵fou ka ‵tu aka kae fai mo otou tausi mamoe,Kae ko tino fakaa‵tea+ ka fai mo otou tino fai fatoaga mo otou tino ga‵lue i togavine.+
6 E pelā mo koutou, ka taku koutou ko faitaulaga a Ieova;+Ka taku ne latou a koutou ko tavini a te ‵tou Atua.
Ka ‵kai koutou ki koloa o atufenua,+
Kae ka fai‵pati fakamata‵mata koutou e uiga ki te lotou ‵malu.
7 I lō te mavale ka maua fakalua ne koutou te otou tusaga,Kae i lō te masiasi ka ka‵laga atu latou mo te fia‵fia ona ko te lotou vaega.
Ao, ka maua fakalua ne latou te lotou tusaga i te lotou laukele.+
Ka maua ne latou te fiafia ki te se-gata-mai.+
8 Me i a au, Ieova, e fiafia ki te fakamasinoga tonu;+E takalialia au ki te kaisoa mo te sē amiotonu.+
Ka tuku atu ne au mo te fakamaoni ki a latou te lotou ‵togi,Kae ka fai ne au se feagaiga ki te se-gata-mai mō latou.+
9 Ka takutakua olotou tama* i atufenua katoa+
Mo tino ne ‵tupu mai i a latou i te fenua kātoa.
A tino katoa kolā e ‵kilo atu ki a latou ka iloa ne latou a tino konā,Me i a latou ko tama* kolā ne fakamanuia ne Ieova.”+
10 Ka fiafia malosi au i a Ieova.
A toku foitino kātoa ka fiafia ki toku Atua.+
Me ne fakapei ne ia au ki gatu o te fakaolataga;+Ne pulupulu ne ia au ki te gatu ‵loa o te amiotonu,E pelā eiloa mo te tagata ka fakaipoipo telā e pei ki te pulou laugatu e pelā me se faitaulaga,+Mo te fafine ka fakaipoipo e fakagaligali ne ia a ia eiloa ki ana mea fakagali‵gali.
11 Me e pelā eiloa mo te laukele e ‵somo aka i ei a lakauKae pelā mo te fatoaga e fai ne ia ke ‵somo aka a mea ne ‵toki i ei,Ka penā foki a te Aliki Sili ko IeovaE fai ne ia ke tupu aka te amiotonu+ mo vikiga+ i mua o atufenua katoa.
