Isaia 6:1-13

  • Te fakaasiga e uiga ki a Ieova i loto i tena faletapu (1-4)

    • “E tapu, e tapu, e tapu a Ieova” (3)

  • Ko faka‵ma a laugutu o Isaia (5-7)

  • Te galuega ne fakatonu atu ki a Isaia (8-10)

    • “Tenei au! Uga atu au!” (8)

  • “E pefea te leva, e Ieova?” (11-13)

6  I te tausaga ne mate ei te Tupu ko Usia,+ ne lavea ne au a Ieova e sagasaga i se nofogaaliki sili kae maluga,+ kae ne ‵fonu a te faletapu i te fele o tena gatu ‵loa.  Ne ‵tu a selafi mai luga i a ia; a selafi taki tokotasi e taki ono olotou kapakau. Ne ufi ne selafi taki tokotasi olotou mata ki kapakau e lua kae ufi olotou vae ki kapakau e lua, kae ko selafi taki tokotasi e eva ki kapakau e lua.   Kae ne kalaga atu te selafi e tokotasi ki te suā selafi: “E tapu, e tapu, e tapu a Ieova o kautau.+ A te lalolagi kātoa ko ‵fonu i tena ‵malu.”  Kae ko sokoga i mataloa ne ga‵lulu i te leo o te kalaga tenā,* kae ne ‵fonu te fale i te au.+   Tenā ne fai aka ei au: “Kalofa eiloa i a au! Ko ‵pau eiloa au me se tino ko mate,Me i a au se tagata e se ‵ma oku laugutu,Kae e ola au i va o tino e se ‵ma olotou laugutu;+Me ko oti eiloa ne lavea ne oku mata a te Tupu, ko Ieova o kautau!”  I konā, ne eva mai se selafi e tokotasi ki a au, kae i ana lima se malala ‵ka+ telā ne puke mai ne ia ki sikofi mai te fatafaitaulaga.+  Ne fakapatele a ia ki toku gutu kae fai mai: “Kiloke! Ko oti ne fakapatele atu te mea tenei ki ou laugutu. Ko oti ne ave kea‵tea tau mea ‵se,Kae ko oti ne faka‵ma tau agasala.”  Tenā ne lagona ei ne au te leo o Ieova, ana muna: “Ko oi ka uga atu ne au, kae ko oi la i a tatou ka fano?”+ Kae ne fai atu au: “Tenei au! Uga atu au!”+   Kae ne tali mai a ia, “Fano, kae fai atu ki tino konei: ‘Ka lagona ne koutou kae lagona faeloa ne koutou,Kae ka se malamalama eiloa koutou;Ka lavea ne koutou kae lavea faeloa ne koutou,Kae ka se maua eiloa ne koutou te iloaga.’+ 10  Fai ke maua ne tino konei te loto makeke,+Fai ke se tuku tonu mai olotou taliga,+Kae faka‵piki fakatasi atu olotou mata,Ko te mea ke se lavea ne latou ki olotou mataKae ke se lagona ki olotou taliga,Ko te mea ke se malamalama olotou lotoKae ka se ‵fuli mai latou kae maua ei se faka‵leiga.” 11  I konā loa ne fai atu au: “E pefea te leva, e Ieova?” Tenā ne fai mai ei a ia: “Ke oko ki te taimi e maofa likiliki ei te fakai e aunoa mo se tino e nofo i eiKae ko fale ko seai ne tino i eiKae ko te fenua ko masei valevale kae seai ne tino i ei;+ 12  Ke oko ki te taimi e ave kea‵tea ei ne Ieova a tino ki se koga ‵mao+Kae ko te tulaga masei o te fenua ko gasolo aka eiloa o lasi. 13  “Kae ka isi eiloa se tasi-vae-sefulu i ei, telā ka toe ‵sunu, e pelā me se lakau lasi kae pelā foki mo te lakau ko te oka, kolā kafai ko oti ne ‵kati ki lalo kae ‵toe mai eiloa te tafito; ka fai se fanau tapu* mo fai tena tafito.”

Fakamatalaga mai lalo

Epelu, “te leo o ia telā e kalaga.”
Io me “tama.”