Isaia 59:1-21

  • Agasala a Isalaelu e māfua mai ei te ‵vae kea‵tea mai te Atua (1-8)

  • Te fakaasiatuga o agasala (9-15a)

  • Ko fesoasoani atu a Ieova ki tino sala‵mo (15e-21)

59  Kiloke! A te lima o Ieova e se tō toetoe ke faka‵sao ne ia a tino,+Io me ko tō ma‵sei* ana taliga ke lagona ne ia se mea.+   Ikai, ko otou mea ‵se eiloa ne ‵vae ei koutou kea‵tea mai te Atua.+ Ko otou agasala ne fai ei ke ‵funa ana mata mai i a koutou,Kae e ita a ia ma fakalogologo ki a koutou.+   Me i otou alofilima ko fakalailai ne toto+Mo otou matikao lima ki mea ‵se. Otou laugutu e fai‵pati ki mea sē tonu,+ kae ko otou gutu e musu‵musu ki mea sē amio‵tonu.   E seai se tino e kalaga atu ki te amiotonu,+Kae seai se tino e fano ki te fono mo te munatonu. E tali‵tonu latou ki mea sē ‵tonu+ kae fai‵pati ki mea sē aoga. E fakafua ne latou a fakalavelave kae fanau mai a mea fakalogo‵mae.+   E fakama‵fa ne latou a fua o se gata poisini,Kae ‵laga ne latou a leveleve o te naleau.+ So se tino e kai ki fua o gata ka mate,Kae ko te fua o te gata telā e ‵foa ke mafā e vau mai i ei se gata poisini.   A olotou leveleve ka se fai pelā me se gatu,Kae ka se ufi foki olotou foitino ki mea ne fai ne latou.+ A olotou galuega e fakalogo‵mae,Kae ko faifaiga fakasaua konā eiloa i olotou lima.+   E ‵tele olotou vae o fai a amioga ma‵sei,Kae e fakavave latou o fakama‵ligi a toto o tino e seai ne olotou ‵se.+ A olotou mafaufauga ne mafaufauga fakalogo‵mae; E fakama‵sei kae fakalogo‵mae olotou auala.+   E se iloa ne latou te auala o te filemu,Kae seai se fakamasinoga tonu i te lotou ala.+ E fai ne latou olotou auala ke piko‵piko;E seai se tino e sasale i luga i ei ka iloa ne ia te filemu.+   Tenā te pogai e ‵mao ei te fakamasinoga tonu mai i a tatou,Kae e se maua foki tatou ne te amiotonu. E fakamoe‵moe faeloa tatou ki te mainaga, kae kiloke! e isi eiloa se pouliga;Ki se aso maina, kae e sa‵sale faeloa tatou i te pouliga.+ 10  E fāfā ‵tou lima ki te ‵pui e pelā me ne tāgata ‵kivi;E fāfā faeloa ‵tou lima e pelā mo latou kolā e seai ne olotou mata.+ E ‵siga tatou i te tutonu e pelā eiloa me se afiafi pouli;E fai tatou e pelā me ne tino ‵mate i va o tino ma‵losi. 11  E ‵tagi faeloa tatou e pelā me ne peaKae ‵tagi fanoanoa e pelā me ne lupe. E fakamoe‵moe tatou ki te fakamasinoga tonu, kae e seai;Ki te fakaolataga, kae e ‵mao eiloa te mea tenā mai i a tatou. 12  Me e uke omotou ‵tekeatuga i ou mua;+E molimau eiloa omotou agasala takitasi e uiga ki a matou.+ Me i ‵tekeatuga a matou e ‵nofo eiloa mo matou;E iloa ‵lei eiloa ne matou omotou mea ‵se.+ 13  Ne solitulafono kae fakafiti ne matou a Ieova;Ne fulitua atu matou ki te Atua. Ne fai‵pati matou ki fakasauaga mo ‵tekeatuga;+Ne fakafua ne matou a loi kae musumusu a pati sē ‵tonu mai i omotou loto.+ 14  A te fakamasinoga tonu ko oti ne afuli ki tua,+Kae ko te amiotonu e tu ‵mao eiloa;+Me ne siga eiloa te munatonu* i te malae o te fakai,Kae e se mafai lele eiloa o ulu ki loto te fai mea tonu. 15  A te munatonu* ko galo,+Kae ko so se tino e ‵fuli kea‵tea mai i te mea masei e kaisoa ana mea. Ne lavea ne Ieova te mea tenei kae ne fanoanoa,Me e seai se fakamasinoga tonu.+ 16  Ne lavea ne ia me e seai se tagata,Kae ne poi a ia me e seai se sokoga mō latou,Tenā ne aumai ei ne tena lima a te fakaolataga,*Kae ne ‵lago atu eiloa a tena amiotonu ki a ia. 17  Tenā ne pei ei a ia ki te amiotonu e pelā me se gatu tau fitiFakatasi mo te puloutau o te fakaolataga i tena ulu.+ E pei a ia ki gatu o te taui ma sui e pelā me ko tena gatu+ Kae pulupulu a ia ki te loto finafinau e pelā me se gatu ‵loa. 18  Ka taui atu ne ia ki a latou e ‵tusa mo olotou mea ne fai:+ Ko te kaitaua lasi ki tino e ‵teke mai, ko te fakasalaga ki ana fili.+ Kae ka ‵togi atu ne ia ki fenua fo‵liki a mea e ‵tau o maua ne latou. 19  Mai te taimi e tō ei te mata o te la ka ma‵taku latou ki te igoa o IeovaKae mai te saega o te mata o te la ka ma‵taku latou ki tena ‵malu,Me ka vau a ia ki loto e pelā me se vaitafe e ‵tafe malosi,Telā e takitaki mai ne te agaga o Ieova. 20  “Ka vau+ ki Siona a te Atua telā ka toe ‵togi ne ia latou,+Ki te kāiga o Iakopo telā ko ‵fuli kea‵tea mai i te solitulafono,”+ ko te folafolaga a Ieova. 21  “Kae penei mo au, tenei taku feagaiga ne fai mo latou,”+ ko muna a Ieova. “A toku agaga tenā i luga i a koutou kae ko oti ne tuku atu ne au aku pati ki loto i otou gutu​—ka se ave kea‵tea mai i otou gutu, mai i gutu o otou tama‵liki io me mai i gutu o otou mokopuna,” ko muna a Ieova, “mai te taimi nei ke oko eiloa ki te se-gata-mai.”

Fakamatalaga mai lalo

Epelu, “‵mafa.”
Io me “fakamaoni.”
Io me “fakamaoni.”
Io me “manumalo mō ia.”