Isaia 58:1-14
58 “Pakalaga i se leo maluga; sa tuku ifo tou leo!
Fakamaluga aka tou leo e pelā me se pu.
Folafola atu ki oku tino a te lotou ‵tekeatuga,+Ki te kāiga o Iakopo a olotou agasala.
2 E ‵sala mai latou ki a au i aso takitasi,Kae e fakaasi mai te lotou fia‵fia ke iloa ne latou oku auala,E fakaloiloi mai eiloa latou e pelā me se fenua telā e amiotonuKae seki tuku tiaki ne latou a fakamasinoga ‵tonu a te lotou Atua.+
Ne fakamolemole mai latou ki a au mō se fakamasinoga amiotonu,Kae fia‵fia o fakapili‵pili atu ki te Atua:+
3 ‘Kaia e se lavea ei ne koe māfai e fakaliki‵liki matou?+
Kae kaia e se iloa ei ne koe māfai e fakapuapuaga ne matou a matou eiloa?’+
Me i te aso e fakaliki‵liki ei koutou, e ‵sala eiloa koutou ki mea e ma‵nako koutou ki ei,Kae fakapuapuaga ne koutou otou tino ga‵lue.+
4 A otou fakaliki‵likiga e iku atu eiloa ki kinauga mo fusuga,Kae ne ‵fusu koutou ki te lima o te amio masei.
E se mafai koutou o fakaliki‵liki e pelā mo te mea ne fai ne koutou i te aso nei kae fai ke lagona otou leo i te lagi.
5 E a, e ‵tau o fai penei te fakalikilikiga telā ne filifili ne au,E pelā me se aso ke fakalogo‵mae ei ne se tino a ia eiloa,Ke punou ifo tena ulu e pelā me se mouku loa,Ke fai tena moega i luga i gatu lautaga mo lefu?
E a, tenei te mea e taku ne koutou ki te fakalikiliki mo se aso e fakafiafia ki a Ieova?
6 Ikai, tenei te fakalikiliki ne filifili ne au:
Ke ave kea‵tea a saisaiga o te amio masei,Ke ‵tala a fusi o te amo,+Ke fakasaoloto a tino puapuaga,+Kae ‵fatilua a amo katoa;
7 E ‵tau o vaevae ne koe au meakai ki tino fia‵kai,+Ke aumai a tino ma‵tiva mo tino e seai ne olotou fale ki loto i tou fale,Ke fakapei se tino e nofo fuafua ki ne gatu māfai e lavea ne koe,+Kae ke mo a ma ‵fuli atu tou tua ki sou kāiga.
8 Tenā ko maina atu ei tou mainaga e pelā mo te vaveao,+Kae ko te faka‵leiga o koe ka sae fakavave aka.
A tou amiotonu ka fano i ou mua,Kae ko te ‵malu o Ieova ka fai mo fai tou leoleo tafa ki tua.+
9 Tenā ko kalaga atu ei koe, kae ka tali mai a Ieova;Ka tagi atu koe mō se fesoasoani, kae ka fai mai a ia ‘Tenei au!’
Kafai e ave kea‵tea ne koe mai i a koutou a te amoKae e se toe tusi valevale tou matikao kae faipati ki mea faka‵mae loto,+
10 Kafai e tuku atu ne koe ki tino fia‵kai a te mea e manako koe ki ei+Kae fakamalie aka ne koe a tino puapuaga,Tenā ko maina atu ei tou mainaga ki te pouliga,Kae ko tou pouliga ka pelā eiloa me se tutonu.+
11 A Ieova ka takitaki atu faeloa ne ia koeKae fakamalie aka ne ia koe i se fenua e seai ne vai i ei;+Ka fakamalosi ne ia ou ivi,Kae ka fai koe e pelā me se fatoaga ne fakasiusiu faka‵lei,+E pelā me se vaipuna telā e se mafai o seai ne vai i ei.
12 Ka toe faite aka ne latou a mea ne fakamasei i aso mua ona ko koe,+Kae ka toe fakafou aka ne koe a fakavae o kautama i aso ko ‵teka.+
Ka taku koe ko te tino e toe faite faka‵lei ne ia a ‵pui ne ofa ki lalo,+Te tino e toe fakafou aka ne ia a auala ke mafai o ‵nofo i ei.
13 Kafai e taofi aka ne koe te ‵sala atu ki mea e manako koe ki ei ona ko te Sapati, toku aso tapu+Kae e taku ne koe te Sapati se aso o te fiafiaga sili, se aso tapu ki a Ieova, se aso e ‵tau o faka‵malu,+Kae e faka‵malu ne koe i lō te ‵sala atu ki mea e manako koe ki ei kae faipati ki pati sē aoga,
14 Tenā ko maua ei ne koe tou fiafiaga sili i a Ieova,Kae ka fai ne au koe ke tele i koga ma‵luga o te lalolagi.+
Ka fai ne au koe ke kai mai i te tofi o Iakopo tou tupuga,+Me i te gutu o Ieova ko oti ne faipati mai.”
