Isaia 55:1-13

  • Te ‵kamiga ke ‵kai kae inu e aunoa mo se ‵togi (1-5)

  • ‵Sala ki a Ieova mo tena muna telā e fakatuagagina (6-13)

    • E ma‵luga atu a auala o te Atua i lō te tagata (8, 9)

    • Ka manuia eiloa a te muna a te Atua (10, 11)

55  O‵mai, a koutou katoa kolā e fiainu,+ o‵mai ki te vai!+ Koutou kolā e seai ne tupe, o‵mai o ‵togi kae ‵kai! Ao, o‵mai o ‵togi a uaina mo susu+ e aunoa mo ne tupe kae e aunoa mo se ‵togi.+   Kaia e ‵togi faeloa ne koe au tupe ki mea kolā e se ne meakai,Kae kaia e fakaaoga ei au tupe ne maua ki mea kolā e seai se lotomalie e maua mai i ei? Fakalogo faka‵lei mai ki a au, kae kai ki mea ‵lei,+Kae ka maua ne koe te fiafia lasi i tinā koloa ‵tonu.+   Tuku ‵tonu mai ou taliga kae vau ki a au.+ Fakalogo mai, kae ka ola koe,Kae ka toka au o fai se feagaiga ki te se-gata-mai mo koe+E ‵tusa mo fakaasiga o te alofa fakamaoni ne fakaasi atu ki a Tavita, kolā ne mea ‵tonu eiloa.*+   Kiloke! Ne fai ne au a ia mo molimau+ ki atufenua,Se takitaki+ mo se takitaki kautau+ o atufenua.  Kiloke! Ka kalaga atu koe ki se fenua telā e se iloa ne koe,Kae ko tino o te fenua kolā e se iloa ne latou koe ka ‵tele mai ki a koeOna ko Ieova tou Atua,+ te Atua Tapu o Isalaelu,Me ka faka‵malu ne ia koe.+   ‵Sala atu ki a Ieova me koi mafai o maua a ia.+ Kalaga atu ki a ia me koi pili mai a ia.+   Ke na tiaki ne te tagata masei ana auala+Kae ko te tagata matagā ko ana mafaufauga;Fai ke foki a ia ki a Ieova, telā ka fakaasi atu ne ia te alofa fakamagalo ki a ia,+ Ki te ‵tou Atua, me ka fakamagalo ne ia i se auala lasi.*+   “Me i oku mafaufauga e se ko otou mafaufauga,+Kae ko otou auala e se ko oku auala,” ko te folafolaga a Ieova.   “Me e pelā mo te lagi e maluga atu i te lalolagi,E penā foki te ma‵luga o oku auala i lō otou aualaMo oku mafaufauga i lō otou mafaufauga.+ 10  E pelā eiloa mo te vaiua mo te kiona kolā e ‵to ifo mai te lagiKae e se ‵foki atu ki ei ke oko ki te taimi ko ‵siu katoatoa i ei te lalolagi, kae fai i ei ke ‵fua kae ‵somo aka a mea mai i ei,E tuku atu i ei a te fuaga ki te tino ‵toki mo falaoa ki te tino e kai ki ei, 11  Ka penā foki a te pati telā e tō mai i loto i toku gutu.*+ Ka se foki mai ki a au e aunoa mo ne ikuga,+Kae ka fakataunu eiloa ne ia so se mea e fiafia au ki ei,*+Kae ka manuia eiloa i so se mea e fai ne au ki ei ke fai ne ia. 12  Me ka fanatu koe mo te fiafia,+Kae ka toe fakafoki mai koe i te filemu.+ A mauga mo tamā mauga ka mata fia‵fia i ou mua fakatasi mo te tagi fia‵fia,+Kae ko lakau o te vao ka patipati katoa olotou lima.+ 13  Ka ola aka te lakau ko te iunipa+ i lō vao lakau talatala,Kae ka ola aka te lakau ko te metolo i lō mouku talatala,Kae ka takutakua malosi i ei a Ieova,+Me se fakailoga ki te se-gata-mai telā ka se mafai eiloa o galo.”

Fakamatalaga mai lalo

Io me “fakatalitonugina; fakatuagagina.”
Io me “ka toka o fakamagalo.”
Io me “ka fai eiloa penā.”
Io me “toku loto.”