Isaia 54:1-17

  • Ka tokouke a tama tāgata a Siona telā ne sē afu (1-17)

    • Ieova, te avaga tagata a Siona (5)

    • Ka akoako ne Ieova a tama tāgata a Siona (13)

    • Ka se aoga a meatau e fakaaoga ki Siona (17)

54  “Kalaga mo te fiafia, a koe e te fafine sē afu telā e se fanau!+ Ke mata fiafia kae tagi mo te lifu,+ a koe telā e seki logo‵mae aka eiloa e pelā me se fafine ka fai o fanau,+Me i tama* a te tino mafatia e tokouke atuI lō tama a se fafine e isi sena avaga,”*+ ko pati a Ieova.   “Fai ke lasi te avanoaga i tou faleie.+ ‵Fola ke ma‵tala a laugatu o faleie o tou faleie tapu sili. Ke mo a ma fakatuai, faka‵loa a uka o tou faleie,Kae fai ke ma‵losi a pine o tou faleie.+   Me i a koe ka salalau atu ki te feitu fakaatamai mo te feitu fakamaui. Au tama ka puke mō latou te fenua, Kae ka ‵nofo latou i fakai kolā ne fakamaseigina.+   Sa mataku,+ me i a koe ka se fakamasiasigina;+Kae ke mo a koe e ma, me i a koe ka se fanoanoa. Me ka puli i a koe a te masiasi i te taimi koi talavou ei koe,Kae ko te tulaga fakama o te mate atu o tau avaga ka se toe masaua ne koe.”   “Me i te Atua Sili telā ne faite ne ia koe+ e fai pelā me se avaga* ki a koe,+A tena igoa ko Ieova o kautau,Kae ko te Atua Tapu o Isalaelu ko te Atua telā ne toe ‵togi mai ne ia koe.+ Ka taku a ia ko te Atua o te lalolagi kātoa.+   Me i a Ieova ne kalaga atu ki a koe e pelā eiloa koe me se avaga ne tuku tiaki mo te loto mafatia,+E pelā me se fafine ne avaga kae koi talavou kae ko oti ne tiaki,” ko pati a te Atua.   “Ne tiaki ne au koe mō se taimi toetoe,Kae ona ko te lasi o te alofa fakamagalo ka toe fakamaopoopo mai ne au koe.+   Ne ‵funa ne au oku mata mai i a koe mō se taimi i se lofiaga o te kaitaua,+Kae ona ko te alofa fakamaoni telā e tumau ki te se-gata-mai ka fakaasi atu ne au te alofa fakamagalo ki a koe,”+ ko pati a te Atua telā e toe ‵togi mai ne ia koe,+ ko Ieova.   “E fai a te mea tenei ki a au e pelā mo aso o Noa.+ E pelā eiloa mo taku tautoga ne fai me ka se toe ‵fonu te lalolagi i vai e pelā mo aso o Noa,+E tauto au me ka se toe kaitaua au ki a koe io me pati ‵toko a koe.+ 10  Me i mauga e mafai o ave kea‵teaKae ko tamā mauga e mafai o gasue‵sue,Kae ko toku alofa fakamaoni ka se ave kea‵tea mai i a koutou,+Io me gasuesue a taku feagaiga o te filemu,”+ ko pati a Ieova, te Atua telā e alofa fakamagalo ki a koutou.+ 11  “E te fafine puapuaga,+ e peipei valevale ne te matagi, e seai se fakamafanafanaga e maua ne ia,+Ko faka‵piki ne au a fatu a koe ki te mouta makekeKae ko tou fakavae ki safaila.+ 12  Ka fai ne au ou ‵pui ki fatu ko lupi,Ou mataloa ki fatu matilotilo,Mo tou tuakoi kātoa ki fatu tāua. 13  Kae ko au tama katoa ka akoako ne Ieova,+Kae ka lasi ‵ki te filemu o au tama.+ 14  A koe ka faka‵mautakitaki i te amiotonu.+ A koe ka faka‵mao kea‵tea mai fakasauaga,+A koe ka se mataku ki se mea kae ka seai se pogai e mataku ei koe,Me ka se fakapilipili mai eiloa ki a koe.+ 15  Kafai e taua atu se tino ki a koe,Ka se fai penā ona ko taku fakatonuga. So se tino e taua atu ki a koe ka takavale eiloa a ia ona ko koe.”+ 16  “Kiloke! Ko au ne faite ne au te tufuga faite mea,Telā e ‵pusi ne ia a te malala ke ‵ka,Kae ko tena galuega e maua mai i ei se meatau. Ko au foki ne faite ne au te tagata fakamasei mea ke aumai ne ia te fakamaseiga.+ 17  E seai se meatau ne faite ke ‵teke atu ki a koe ka manuia,+Kae ka taku fakamasei ne koe so se gutu telā e ‵teke atu ki a koe i te fakamasinoga. Tenei te ‵tofi o tavini a Ieova,Kae ko te lotou amiotonu e maua mai i a au,” ko te folafolaga a Ieova.+

Fakamatalaga mai lalo

Io me “tama‵liki.”
Io me “matai.”
Io me “matai.”