Isaia 53:1-12

  • Ko te logo‵mae, te mate, mo te tanuga o te tavini a Ieova (1-12)

    • Ne takalialiagina kae ‵kalo kea‵tea mai i ei (3)

    • E tauave ne ia a masaki mo logo‵maega (4)

    • “E pelā me se mamoe ko ave o ta” (7)

    • Ne tauave ne ia a agasala a tino e tokouke (12)

53  Ko oi ne fakatuanaki ki te mea ne lagona ne latou mai i a matou?*+ Kae ko oi ne fakaasi atu ki ei+ a te lima o Ieova?+   Ka tupu aka tou tagata e pelā me se tamā kaula+ i mua o ia,* e pelā me se aka mai i se laukele malō. E seai ne ana foliga ‵gali io me ‵malu;+Kae kafai e lavea ne tatou a ia, e se fia fakapili‵pili atu tatou ki ei ona ko ana foliga.*   Ne takalialiagina a ia kae ko ‵kalo kea‵tea a tāgata mai i a ia,+Ko te tagata telā e ‵tau o* logo‵mae kae masani ‵lei mo masaki. E pelā eiloa me ne ‵funa aka ana mata mai i a tatou.* Ne takalialiagina a ia kae ne ‵kilo atu tatou ki a ia e pelā me e se taulia.+   E tonu, ne tauave ne ia ‵tou masaki,+Kae kufaki ne ia ‵tou logo‵maega.+ Kae ne ma‵natu aka tatou me i a ia ko malaia, ne ta kae fakapuapuaga ne te Atua.   Kae ne velo+ a ia mō ‵tou amioga solitulafono;+Ne tuki pala a ia mō ‵tou mea ‵se.+ Ne tauave ne ia ‵tou fakasalaga mō te ‵tou filemu,+Kae ona ko ana pa‵kiaga ne maua ei ne tatou se faka‵leiga.+   E pelā me ne mamoe, a tatou katoa ko olo valevale,+A tino taki tokotasi ko olo eiloa i olotou auala,Kae ko oti ne fai ne Ieova ke tuku atu ki tou tagata a mea ‵se a tatou katoa.+   Ne fakasauagina a ia+ kae ne talia ne ia ke fakapuapuaga a ia,+Kae ka se ‵tala eiloa ne ia tena gutu. Ne aumai a ia e pelā me se mamoe ko ave o ta,+E pelā me se mamoe fafine telā e nofo filemu i mua o ana tino ‵vele fulufulu,Kae e se ‵tala eiloa a tena gutu.+   Ona ko saisaiga* mo fakamasinoga ne ave kea‵tea ei a ia;Kae ko oi te tino ka manavase ki fakamatalaga likiliki e uiga ki tena kautama? Me ne tapale kea‵tea a ia mai tino ola;+Ona ko amioga solitulafono a oku tino ne maua ei ne ia a ‵kiniga.+   Ne tuku atu ki a ia se tanuga* fakatasi mo tino amio ma‵sei,+Mo tino mau‵mea* i tena matega,+Faitalia me seai sena mea ‵se* ne faiKae seai se loi i tena gutu.+ 10  Ko te loto eiloa o Ieova ke tuki pala a ia, kae fai a ia ke masaki. Kafai e ofo atu ne koe a tena ola e pelā me se taulaga mō mea ‵se,+Ka lavea ne ia tena tama,* ka fakaloa ne ia ana aso,+Kae e auala i a ia ka manuia eiloa a mea kolā e fiafia* ki ei a Ieova.+ 11  Ona ko tena mafatia, ka kilo atu a ia kae lotomalie ki ei. E auala i tena iloaga a te tino amiotonu, ko taku tavini,+Ka aumai ne ia a te tulaga amiotonu ki tino e tokouke,+Kae ka tauave ne ia olotou mea ‵se.+ 12  Ona ko te pogai tenā, ka tuku atu ne au se vaega mō ia mai i mea e uke,Kae ka vaevae ne ia ki tino ‵mafi a mea ne maua mai i te taua,Me ne ‵ligi ifo ne ia tena ola ke oko eiloa ki te mate+ Kae ne aofia a ia i tino solitulafono;+Ne tauave ne ia a te agasala a tino e tokouke,+Kae ne fai a ia mo sokoga o tino solitulafono.+

Fakamatalaga mai lalo

Io me kāti, “i mea ne ‵logo matou i ei.”
A “ia” e mafai o fakasino atu ki se tino io me ki te Atua.
Io me “e seai ne foliga fakapito ke ma‵nako malosi ei tatou ki a ia.”
Io me “telā e malamalama i.”
Io me kāti, “Ne fai a ia e pelā me se tino telā e se fia ‵kilo atu a tino ki ei.”
Io me “fakasauaga.”
Io me “Kae ka tuku atu ne se tino se tanuga ki a ia.”
Epelu, “se tagata maumea.”
Io me “e seai ne fakasauaga.”
Epelu, “fanau.”
Io me, “loto; fiafiaga ‵lei.”