Isaia 52:1-15

  • Ala mai, e Siona! (1-12)

    • E ‵gali a vae o tino kolā e aumai ne latou te tala ‵lei (7)

    • A tāgata leoleo o Siona e ka‵laga fakatasi (8)

    • E ‵tau o ‵ma a tino kolā e sau a meāfale a Ieova (11)

  • A te tavini a Ieova ka fakamaluga aka (13-15)

    • Ko foliga fai fakaa‵tea (14)

52  Ala mai! Ala mai! Fakapei ki luga i a koe a te malosi,+ e Siona!+ Pei ou gatu ‵gali,+ e Ielusalema, te fakai tapu! Me ka se toe ulu atu eiloa ki loto i a koe a te tino e seki pilitome kae e se ‵ma.+   Lūlū kea‵tea a ‵pefu, tu ki luga o sagasaga i se nofoga, e Ielusalema. Tapale kea‵tea a ‵saiga i tou ua, e te tama fafine o Siona.+   Me konei a pati ne fai mai ne Ieova: “A koe ne fakatau atu mō te seai,+Kae ka toe ‵togi mai eiloa koe e aunoa mo ne tupe.”+   Me konei a pati ne fai mai ne te Aliki Sili ko Ieova: “Muamua la, ne olo oku tino ki Aikupito o ‵nofo i ei e pelā me ne tino fakaa‵tea;+Kae ne fakasaua latou ne Asulia e aunoa mo se pogai.”   “Se a la te mea e ‵tau o fai ne au i konei?” ko te folafolaga a Ieova. “Me i oku tino ne puke mō te seai. A pule o latou ne ka‵laga faeloa mo te manumalo,”+ ko te folafolaga a Ieova,“Kae i taimi katoa, i te aso kātoa, ne seki āva eiloa ki toku igoa.+   Ona ko te pogai tenā ka iloa ei ne tino a toku igoa;+ Ona ko te pogai tenā ka iloa ei ne latou i te aso tenā me ko au te Atua telā e faipati. Kiloke, ko au eiloa!”   Ko oko eiloa i te ‵gali a vae o te tino telā e aumai ne ia te tala ‵lei mai i luga i mauga,+Ko ia telā e folafola atu ne ia te filemu,+Ko ia telā e aumai ne ia te tala ‵lei o se mea tai ‵lei atu,Ko ia telā e folafola ne ia te fakaolataga,Ko ia telā e fai atu ki Siona: “A tou Atua ko fai nei mo Tupu!”+   Faka‵logo aka! Au tāgata leoleo ko fakama‵luga aka olotou leo. E ka‵laga fakatasi latou mo te fia‵fia,Me ka lavea faka‵lei ne latou māfai ko toe fakamaopoopo ne Ieova a Siona.   Ke ‵lifu, ka‵laga fakatasi mo te fia‵fia, koutou e koga ne fakamaseigina o Ielusalema,+ Me i a Ieova ko oti ne fakamafanafana ne ia ana tino;+ ko oti ne toe ‵togi mai ne ia a Ielusalema.+ 10  A Ieova ko oti ne fakaasi mai ne ia tena lima ‵malu i mua o mata o atufenua katoa;+A tino katoa o te lalolagi ka lavea ne latou a faifaiga faka‵sao tino* a te ‵tou Atua.+ 11  ‵Fuli kea‵tea, ‵fuli kea‵tea, olo kea‵tea mai konā,+ sa fakapa‵tele ki se mea sē ‵ma!+ Olo kea‵tea mai loto i a ia,+ tausi ke ‵ma koutou,Koutou kolā e sau aka ne koutou a meāfale a Ieova.+ 12  Me i a koutou ka se olo atu mo te pole‵pole,Kae e se ‵tau foki o ‵tele koutou,Me i a Ieova ka fano i mua o koutou,+Kae ko te Atua o Isalaelu ka fai mo otou leoleo tafa ki tua.+ 13  Kiloke! A taku tavini+ ka gasuesue mo te malamalama. Ka fakamaluga aka a ia,Ka avaka ke maluga kae fai ke maluga atu.+ 14  E pelā loa mo tino e tokouke e ‵kilo atu ki a ia mo te ‵poi—Me i ana foliga ko sili atu i te fai fakaa‵tea i lō so se isi tagataKae ko masei atu i lō so se isi tino— 15  Ka fai ne ia ke ‵poi a atufenua e uke.+ A tupu ka ‵pono olotou gutu i ana mua,+Me ka lavea ne latou a mea kolā e seki fakailoa atu ki a latou Kae mafau‵fau faka‵lei ki mea kolā e seki lagona ne latou.+

Fakamatalaga mai lalo

Io me “te manumalo.”