Isaia 51:1-23

  • Ko toe fakafou a Siona e pelā mo te fatoaga o Etena (1-8)

  • Fakamafanafanaga mai te Atua mafi telā ne faite ne ia Siona (9-16)

  • Te ipu o te kaitaua o Ieova (17-23)

51  “Faka‵logo mai ki a au, koutou kolā e kausaki ki te amiotonu,Koutou kolā e ‵sala ki a Ieova. ‵Kilo atu ki te kaupapa ne ‵kati mai ei koutouMo te lua ne keli mai ei koutou.  ‵Kilo atu ki a Apelaamo te otou tamanaMo Sala+ telā ne fanau mai ne ia koutou. Me ko ia tokotasi fua i te taimi ne kalagagina ei ne au a ia,+Kae ne fakamanuia ne au a ia kae fai ke tokouke.+  Me i a Ieova ka fakamafanafana ne ia a Siona.+ Ka aumai ne ia a fakamafanafanaga ki ana mea katoa ne fakamaseigina,+Kae ka fai ne ia te koga lavaki o tou fafine ke pelā mo Etena+Mo ana koga laugatasi ke pelā mo te fatoaga o Ieova.+ A te fiafia mo te ‵lifu ka maua i loto i a ia,Ko te loto fakafetai mo pese ‵gali.+  ‵Saga tonu mai ki a au, e oku tino,Kae tuku mai otou taliga ki a au, e toku fenua.+ Me ka avatu ne au se tulafono,+Kae ka faka‵mautakitaki ne au taku fakamasinoga tonu e pelā me se mainaga ki tino.+  A toku amiotonu ko pili mai.+ A toku fakaolataga ka fanatu,+Kae ka fakamasino ne oku lima a tino.+ A fenua fo‵liki ka fakamoe‵moe ki a au,+Kae fakatali‵tali latou ki toku lima.*  Kilo aka ou mata ki te lagi,Kae kilo ifo ki te lalolagi i lalo. Me i te lagi ka salalau valevale e pelā me se au;A te lalolagi ka pala e pelā me se gatu,Kae ko tino e ‵nofo i ei ka ‵mate e pelā me ne namu. Kae ko toku fakaolataga ka tumau ki te se-gata-mai,+Kae ko toku amiotonu ka se mafai o gata.+  Faka‵logo mai ki a au, koutou kolā e iloa ne koutou te amiotonu,Ko tino kolā e ‵mau i olotou loto a taku tulafono.+ Sa ma‵taku i pati fakaitaita a tāgata, Kae sa ma‵taku ona ko olotou pati fakamasei.  Me ka kai latou ne se tamā manu kai laugatu e pelā me kai ne ia se gatu; Ka kai latou ne tamā manu kai laugatu e pelā me kai ne latou a vulu.+ Kae ko toku amiotonu e tumau ki te se-gata-mai,Mo toku fakaolataga e tumau i kautama katoa.”+  Ala mai! Ala mai! Fakapei ki luga i a koe te malosi,E te lima o Ieova!+ Ala mai e pelā mo aso ko ‵teka, e pelā mo kautama ko ‵teka. E a, e se ko koe ne ofa likiliki ne koe a Lahapa,*+Kae ‵suki te manu fakamataku o te tai?+ 10  E a, e se ko koe ne faka‵masa ne koe te tai, ko vai o koga ‵poko?+ Te tino ne fai ne ia a koga ‵poko o te tai mo fai te auala o latou kolā ne toe ‵togi mai ke olo atu i ei ki te suā feitu?+ 11  A tino o Ieova kolā ne faka‵sao ka ‵foki mai.+ Ka o‵mai latou ki Siona mo te kalaga fiafia,+Kae ko te fiafia se-gata-mai ka fai mo olotou kalauna.*+ A te fiafia mo te ‵lifu ka maua ne latou,Kae ko te fanoanoa mo te mānava fi‵ta ka ‵tele kea‵tea.+ 12  “Au ko te Atua telā e fakamafanafana atu ki a koe.+ Kaia e ‵tau ei o mataku koe ki se tagata telā ka mate+Mo se tama a se tagata telā ka magemage e pelā me se mouku lanu launiu? 13  Kaia e puli ei i a koe a Ieova te Atua telā ne faite ne ia koe,+Te Atua telā ne ‵fola ne ia te lagi+ kae fakatakato te fakavae o te lalolagi? Kae i te aso kātoa ne mataku faeloa koe i te kaitaua o te tino fakasaua,*E pelā loa me nofo a ia i te tulaga ke aumai te fakamaseiga ki a koe. Tefea nei la te kaitaua o te tino fakasaua tenā? 14  Ko pili o fakasaoloto te tino telā e punou ifo ona ko seni;+Ka se mate a ia kae fanatu ki te lua,Kae ka se fai foki pelā me seai ne ana meakai. 15  Kae ko au ko Ieova tou Atua,Telā e fai ne ia te tai ke sou kae ke ‵fati malosi foki ana galu+—A tena igoa ko Ieova o kautau.+ 16  Ka tuku atu ne au aku pati ki loto i tou gutu,Kae mai te malūga o toku lima ka pulou ne au koe,+Ko te mea ke ‵toki te lagi kae fakatakato te fakavae o te lalolagi+Kae fai atu ki Siona, ‘A koe ko toku fenua.’+ 17  Ala mai! Ala mai! Tu ki luga, e Ielusalema,+Ko koe telā ne inu ki te ipu o te kaitaua mai te lima o Ieova. Ne inu ne koe a te ipu uaina;Ne ‵ligi ki tua ne koe te ipu telā e māfua mai i ei te takasēsē.+ 18  E seai se tama tagata mai tama katoa ne fanau ne ia e nofo mai ke takitaki tou fafine,Kae e seai se tama tagata mai tama katoa ne puti aka ne ia ne puke atu ki tena lima. 19  Konei a mea e lua ne oko atu ki a koe. Ko oi ka alofa ki a koe? Te fakaseaiga mo te fakamaseiga, te fiakai mo te pelu!+ Ko oi ka fakamafanafana ne ia koe?+ 20  Au tama tāgata ko mata‵po.+ E ta‵kato latou ki lalo i ‵kōna katoa o aualaE pelā me ne mamoe o te vao i se tili. Ko ‵fonu eiloa latou i te kaitaua o Ieova, ko te polopolokiga a tou Atua.” 21  Fakamolemole, fakalogo mai ki te mea tenei,E te fafine puapuaga kae konā, kae e se konā i te uaina. 22  Konei a pati a tou Aliki ko Ieova ne fai mai, ko tou Atua telā e ‵pulu ne ia ana tino: “Kiloke! Ka puke ne au mai tou lima a te ipu e māfua mai i ei te takasēsē;+Te ipu uaina, ko taku ipu o te kaitaua;Ka se toe inu eiloa koe ki ei.+ 23  Ka avatu ne au te mea tenā ki lima o tino kolā ne fakasaua ne latou koe,+Ko latou kolā ne fai atu ki a koe, ‘Ifo ki lalo ko te mea ke sa‵sale matou i luga i a koe!’ Tenā ne fai ei ne koe tou tua ke pelā me se laukele,Ke pelā me se auala ke sa‵sale latou i ei.”

Fakamatalaga mai lalo

Io me “malosi.”
Onoono ki te FP.
Epelu, “tuku i luga i olotou ulu.”
Io me “te tino e taofi ne ia koe.”