Isaia 5:1-30
5 Fakamolemole, ke usu atu ne au se pese ki taku peleSe pese e uiga ki taku fagasele mo tena togavine.+
A taku pele e isi sena togavine i te feitu mauga telā e fua malosi.
2 Ne keli ne ia kae ave kea‵tea a fatu i ei.
Ne ‵toki ne ia ki vine kula ‵lei,Ne faite se taoa i te kogaloto,Kae fai se mea ‵tau uaina i ei.+
Tenā ne fakamoemoe faeloa a ia ke fua mai i ei a fuagavine,Kae ne fua mai fua i ei a fuagavine vao.+
3 “Kae nei la, koutou e tino o Ielusalema mo tāgata o Iuta,Fakamolemole, fakamasino aka au mo taku togavine.+
4 Ne a nisi mea e mafai o fai ne au ki taku togavineKolā e seki fai ne au?+
Kafai e fakamoemoe au ke fua mai ei a fuagavine,Kaia e fua mai fua i ei a fuagavine vao?
5 Nei la, fakamolemole, ke fakailoa atu ne au ki a koutouA te mea ka fai ne au ki taku togavine:
Ka tapale ne au ana ‵pui lakau,Kae ka ‵sunu ki lalo.+
Ka ofa ne au ana ‵pui fatu,Kae ka lakalaka ki lalo.
6 Ka fai ne au ke fai mo laukele sē aoga;+Ka se velevele io me fakamalū te laukele.
Ka ola aka i ei a lakau tala‵tala mo mouku ma‵sei,+Kae ka fakatonu atu au ki kaumana ke se faka‵to ifo ne vaiua ki luga i ei.+
7 Me i te togavine a Ieova o kautau ko te fale o Isalaelu;+A tāgata o Iuta ko te fatoaga telā ne fiafia a ia ki ei.
Ne fakamoemoe faeloa a ia ke fai te mea tonu,+Kae kiloke! ko te fai mea sē tonu;Ke fai te amiotonuKae kiloke! ko te ‵tagi o te puapuaga.”+
8 Kalofa eiloa i a latou kolā e soko te fale e tasi ki te suā fale+Kae fakaopoopo te laukele e tasi ki te suā laukele+Ke oko ki te taimi ko seai ei se avanoagaKae ka ‵nofo koutou i a koutou eiloa i te laukele!
9 A Ieova o kautau ko oti ne tauto ki oku taligaMe i fale e uke, faitalia me ‵lasi kae ‵gali,Ka fai pelā me ne mea fakama‵taku,E aunoa mo se tino e nofo i ei.+
10 Me i te sefulu eka o te togavine ka maua mai fua i ei se paita e tasi,*Mo se homa* o fuaga ka maua mai fua i ei se efa.*+
11 Kalofa eiloa i a latou kolā e ala i te tafataeao o inu ki meainu ma‵losi,+Kolā e inu ke oko ki te pouliga o te po ki te taimi ko pule atu ei te uaina ki a latou!
12 E isi ne olotou kitala mo mea fakatagi‵tagi e isi ne uka i ei,Samupelini, faili mo uaina i olotou ‵kaiga;Kae e se mafau‵fau eiloa latou ki mea e fai ne Ieova,Kae e se lavea ne latou a galuega o ana lima.
13 Tela la, ka ave fakapagota oku tinoOna ko te sē lasi o te iloaga;+A olotou tāgata ‵malu ka fia‵kai,+Kae ko olotou tino katoa ka mā‵lo olotou kato i te fiainu.
14 Tela la, ko oti ne fakalasi aka ne te Tanuga* a ia eiloaKae ‵tala tena gutu ke lasi e aunoa mo se tapula;+Kae ko ana tino tāua, mo ana tino logoa, mo ana tino ko‵nāKa olo ifo eiloa ki lalo i ei.
15 Kae ko te tagata ka ifo ki lalo,Ka tuku ifo te tagata ke malalo,Kae ko mata o tino fakamaua‵luga ka fakamalalo ifo.
16 A Ieova o kautau ka fakamaluga aka e auala i tena fakamasinoga;A te Atua tonu, te Atua Tapu,+ ka fakatapu ne ia a ia e auala i te amiotonu.+
17 Kae ko mamoe ka kai‵kai e pelā me kai‵kai i olotou laukele moukuā;A tino fakaa‵tea ka ‵kai i koga fagai manu kolā ko oti ne fakamaseigina.
18 Kalofa eiloa i a latou kolā e toso olotou mea ‵se ki lōpu o te loiKae ko olotou agasala ki uka o kā;
19 A latou kolā e fai aka: “Fai ke fakavavave ne Ia tena galuega;Fai ke oko fakavave mai ko te mea ke lavea ne tatou.
Fai ke taunu te fuafuaga* a te Atua Tapu o IsalaeluKo te mea ke iloa ne tatou!”+
20 Kalofa eiloa i a latou kolā e fai mai i te mea ‵lei e masei kae ko te mea masei e ‵lei,+Ko latou kolā e sui a te pouliga ki te mainaga mo te mainaga ki te pouliga,Ko latou kolā e sui a te mea ‵kona ki te mea magalo kae ko te mea magalo ki te mea ‵kona!
21 Kalofa eiloa i a latou kolā e ‵poto i te lotou kilokiloga eiloaKae atamai i olotou mafaufau eiloa!+
22 Kalofa eiloa i a latou kolā e ‵mafi i te inu uainaMo tāgata kolā e pule i te paluga o meainu ma‵losi,+
23 Ko latou kolā e faka‵sao ne latou a tino amio ma‵sei ki se ‵togi fakakolekole+Kae kolā e taofi aka ne latou te fai mea tonu mai tino amio‵tonu!+
24 Tela la, e pelā eiloa mo te alelo o te afi e ‵ka i ei a kausaitoMo mouku ma‵lō e paku‵paku i loto i te ulaga o te afi,A olotou aka ka ‵pala,Ka ko olotou pula ka ta‵tela e pelā me ne pauta,Ona ko latou ne ‵teke ki te tulafono* a Ieova o kautauKae e se āva ki te muna a te Atua Tapu o Isalaelu.+
25 Tenā te pogai e ‵ka ei pelā me se afi a te kaitaua o Ieova ki ana tino,Kae ka ‵kapa atu tena lima o ‵teke latou kae ‵ta latou.+
A mauga ka ga‵lulu,Kae ko olotou foitino ‵mate ka fai pelā me ne kaiga i auala.+
I te ‵kilo atu ki mea katoa konei, a tena kaitaua ne seki mafuli eiloa,Kae koi ‵kapa atu eiloa tena lima o ‵ta latou.
26 Ne fakatu aka ne ia se fakailoga ki se fenua ‵mao;+Ne ‵fio atu a ia ki a latou ke o‵mai mai koga ‵mao o te lalolagi;+Kae kiloke! ko ‵mai fakavave latou.+
27 E seai se tino i a latou e fi‵ta io me siga.
E seai se tino e tulemoe io me tō tena moe.
A fusi i olotou taugasulu e se sao‵sao,Io me ‵motu a uka e ‵sai ei olotou taka.
28 A olotou matasana katoa e ‵kai,Kae ko olotou kausana katoa ko oti ne ofe.*
A alofivae o olotou solofanua e pelā me ne fatu ma‵keke,Kae ko olotou teka e fai pelā me se matagi malosi.+
29 A te lotou ‵tagi e pelā mo te ‵tagi a se leona;E ‵tagi latou e pelā mo tamā leona.+
Ka ‵gulu latou kae puke ne latou te manuKae ave kea‵tea ne latou e aunoa mo se tino ke fakasao ne ia.
30 I te aso tenā ka ‵gulu latou i luga i eiE pelā mo te ‵gulu o te tai.+
So se tino e kilo atu ki te fenua ka lavea ne ia te pouliga o te puapuaga;Ke oko ki te mainaga ko gasolo o pouli ona ko kaumana.+
Fakamatalaga mai lalo
^ Io me “fakaikuga; pati fakatonutonu.”
^ Io me “fakatonuga.”
^ Io me “ko toka ke sana atu.”
