Isaia 48:1-22
48 Faka‵logo mai ki te mea tenei, e te kāiga o Iakopo,Ko koutou kolā e fakaigoa ki te igoa o Isalaelu+Kae kolā ne o‵mai i vai o* Iuta,Ko koutou kolā ne tauto i te igoa o Ieova+Kae ne ka‵laga atu ki te Atua o Isalaelu,Kae e se i te munatonu mo te amiotonu.+
2 Me e fakaigoa ne latou a latou eiloa ki te fakai tapu+Kae ‵sala ki te fesoasoani o te Atua o Isalaelu,+A tena igoa ko Ieova o kautau.
3 “Ko leva ne fai atu ne au ki a koutou a mea mua.
Ne ‵to atu a pati konā ki tua mai toku gutu eiloa,Kae ne fakailoa atu ne au.+
Ne gasuesue fakavave au ki ei, kae ne taunu eiloa.+
4 Ona ko te mea e iloa ne au tou loto makeke—Me i tou ua se fiti kae ko tou lae e fai ki kopa+—
5 Ko leva ne fai atu ne au ki a koe.
Koi tuai o ‵tupu a mea konā, ne fai ne au ke lagona ne koe,Ko te mea ke se fai mai koe, ‘Ko taku tupua ne fai ne ia te mea tenei;Ko taku tupua faite mo taku tupua fiti ne fakatonu mai ke fai te mea tenei.’
6 Ko oti ne lagona kae lavea ne koe a mea katoa konei.
E a, ka se folafola atu ne koe?+
Mai te taimi nei o fano ki mua ka fakailoa atu ne au a mea ‵fou ki a koe,+Ko mea ‵funa ne tausi faka‵lei kolā e seki iloa ne koe.
7 Ne faite fua i te taimi nei, kae e se i aso ko ‵teka,Ko mea kolā e seki lagona aka eiloa muamua ne koe,Ko te mea ke se fai mai koe, ‘Kiloke! Ko leva ne iloa ne au.’
8 Ikai, e seki lagona ne koe,+ e seki iloa ne koe,Kae i aso ko ‵teka ne seki ‵tala mai ou taliga.
Me e iloa ne au i a koe ko oko eiloa i te faitogafiti,+Kae ne taku koe se tino solitulafono mai tau fanaumaiga.+
9 Kae ona ko toku igoa ka taofi ei ne au toku kaitaua;+Ka kufaki au ona ko oku tavaega eiloa,Kae ka se fakaseai ne au koe.+
10 Kiloke! Ko oti ne faka‵ma ne au koe, kae e se i te auala e faka‵ma ei a siliva.+
Ko oti ne tofotofo* ne au koe i loto i te ogaumu o puapuaga.+
11 Ka gasuesue au mō toku ‵lei eiloa, mō toku ‵lei eiloa,+Me e mafai pefea o talia ne au ke taku fakamaseigina au?+
E seai se tino e tuku atu ne au ki ei toku ‵malu.
12 Fakalogo mai ki a au, e Iakopo, mo Isalaelu telā ne kalagagina ne au.
Au ko te Atua eiloa e tokotasi.+ Ko au te tino muamua; ko au foki te tino fakaoti.+
13 Ko toku lima eiloa ne fakatakato ne ia te fakavae o te lalolagi,+Kae ko toku lima fakaatamai ne ‵fola ne ia te lagi.+
I te taimi ne kalaga atu ei au ki a latou, ne ‵tu fakatasi aka latou.
14 Maopoopo fakatasi koutou katoa kae faka‵logo.
Ko oi te tino mai i a latou ne fakailoa atu ne ia a mea konei?
A Ieova ne alofa ki a ia.+
Ka fai eiloa ne ia ki Papelonia a te mea telā e manako a ia ki ei,+Kae ka fakaoko atu tena lima ki tino Kaletaia.+
15 Ko oti au ne faipati, kae ko oti au ne kalaga atu ki ei.+
Ne aumai ne au a ia, kae ka manuia tena auala.+
16 Fakapili‵pili mai ki a au, kae faka‵logo ki te mea tenei.
Ne seki faipati au i se auala ‵funa mai te kamataga.+
Ne nofo atu au i konā i te taimi ne tupu ei te mea tenā.”
Kae nei la, ko oti ne uga au ne te Aliki Sili ko Ieova mo* tena agaga.
17 Konei a pati a Ieova ne fai mai, te Atua telā e toe ‵togi mai ne ia koe, te Atua Tapu o Isalaelu:+
“Au, Ieova, ko tou Atua,Ko te Atua telā e akoako ne ia koe ke ‵lei koe,+Ko te Atua telā e takitaki ne ia koe ki te auala e ‵tau o sasale ei koe.+
18 Moi ne fakalogo mai eiloa koe ki aku fakatonuga!+
A tou filemu ka fai eiloa e pelā me se vaitafe+Kae ko tou amiotonu e pelā mo galu o te tai.+
19 Au tama* ka tokouke e pelā me ne oneE pelā foki mo tino e ‵tupu mai i tou gafa.+
A te lotou igoa ka se ‵solo kea‵tea eiloa io me ave kea‵tea mai i oku mua.”
20 Olo kea‵tea mai Papelonia!+
‵Tele kea‵tea mai tino Kaletaia!+
Fakailoa atu te mea tenā mo te kalaga fiafia! Folafola atu!+
Fai ke iloa ne koga ‵mao o te lalolagi.
Fai atu: “A Ieova ko oti ne toe ‵togi mai ne ia tena tavini ko Iakopo.+
21 Ne seki fiainu latou i te taimi ne takitaki ei ne ia latou i koga ne fakamaseigina.+
Ne fai ne ia a vai ke ‵tafe mai i loto i kaupapa mō latou;Ne vaelua ne ia se kaupapa kae fai ne ia ke ‵sali mai i ei a vai.”+
22 “E seai se filemu,” ko muna a Ieova, “mō tino amio ma‵sei.”+
Fakamatalaga mai lalo
^ Io me kāti, “kolā ne ‵tupu mai i a.”
^ Io me “iloilo.” Io me kāti, “filifili.”
^ Io me “fakatasi mo.”
^ Epelu, “fanau.”
