Isaia 43:1-28
43 Konei a pati a Ieova ne fai mai,Ko tou Mafuaga, e Iakopo, ko te Atua telā ne faite ne ia koe, e Isalaelu:+
“Sa mataku, me ko oti ne toe ‵togi mai ne au koe.+
Ko oti ne fakaigoa ne au koe ki tou igoa.
A koe ko fai mō oku.
2 Kafai e fanatu koe i loto i vai, ka fakatasi atu au ki a koe,+Kae i loto i vaitafe, ka se lofia eiloa koe.+
Kafai e sasale atu koe i loto i te afi, a koe ka se ‵paku,Io me ‵ka koe i ulaga o te afi.
3 Me i a au ko Ieova tou Atua,Te Atua Tapu o Isalaelu, tou Fakaola.
Ko oti ne tuku atu ne au a Aikupito e pelā me se togiola mō koe,Mo Aitiope mo Sepā ke fesuiaki mo koe.
4 Me i a koe ne fai pelā me se mea tāua i taku kilokiloga,+A koe ne fakaaloalogina, kae ne alofa au ki a koe.+
Tela la, ka tuku atu ne au ne tino ke sui ei koeMo atufenua ke sui ei tou ola.
5 Sa mataku, me i a au e fakatasi atu ki a koe.+
Ka aumai ne au tau tama* mai saegalaKae fakamaopoopo fakatasi koutou mai togala.+
6 Ka fai atu au ki te feitu ki mātū, ‘Tuku mai latou!’+
Kae ki te feitu ki saute, ‘Sa taofigina latou.
Aumai aku tama tāgata mai koga ‵mao, mo aku tama fāfine mai koga ‵mao o te lalolagi,+
7 Ko tino katoa kolā e fakaigoa ki toku igoa+Kae kolā ne faite ne au mō toku ‵malu eiloa,Kolā ne fakafoliga kae faite foki ne au.’+
8 Aumai ne tino kolā e ‵kivi, faitalia me e isi ne olotou mata,Mo latou kolā e ‵tuli, faitalia me e isi ne olotou taliga.+
9 Fai ke maopoopo a fenua katoa ki se koga e tasi,Kae fai ke maopoopo fakatasi a tino.+
Ko oi te tino mai i a latou e mafai o fai atu ne ia te mea tenei?
Io me e mata, e mafai ne latou o fai ke lagona ne tatou a mea muamua?*+
Fai ke tuku mai olotou molimau ke fakamaoni mai te ‵tonu o latou,Io me fai ke lagona ne latou kae fai aka, ‘Tenei eiloa te mea tonu!’”+
10 “A koutou ko aku molimau,”+ ko te folafolaga a Ieova,“Ao, ko taku tavini telā ne filifili ne au,+Ko te mea ke iloa ne koutou kae fakatuanaki mai ki a au*Kae malamalama me i a au ko te Atua eiloa e tokotasi.+
E seai se Atua ne faite mai mua atu i a au,Kae seai foki mai i oku tua.+
11 Au—Au ko Ieova,+ kae seai eiloa se fakaola i oku tafa.”+
12 “Au ko te Atua telā ne folafola atu, ne faka‵sao ne au, kae ne fakailoa atu foki ne auI te taimi ne seai ei se atua fakaa‵tea i a koutou.+
Tela la, a koutou ko aku molimau,” ko te folafolaga a Ieova, “kae ko au ko te Atua.+
13 Au foki ko te Atua eiloa e tokotasi;+Kae e seai se tino e mafai o ‵fao ne ia se mea mai i toku lima.+
Kafai au e gasue, ko oi e mafai o taofi ne ia au?”+
14 Konei a pati a Ieova ne fai mai, te Atua telā ne toe ‵togi ne ia koutou,+ te Atua Tapu o Isalaelu:+
“Ona ko koutou, ka uga atu ne au a Papelonia ke tuku ifo a lakau faka‵lava katoa o mataloa o ‵pui o te fakai,+Kae ko tino Kaletaia ka ‵tagi i luga i olotou vakamutu ona ko te puapuaga.+
15 Au ko Ieova, te otou Atua Tapu,+ te Mafuaga o Isalaelu,+ te otou Tupu.”+
16 Konei a pati a Ieova ne fai mai,Te Atua telā e fai ne ia te auala i loto i te taiMo se ala i loto i vai kolā e ‵tafe malosi,+
17 Te Atua telā e aumai ne ia te kaliota tau mo te solofanua,+Te kautau fakatasi mo toa ‵mafi:
“Ka ta‵kato latou i lalo kae e se ‵tu aka.+
Ka tamate latou kae ‵pusi ke ‵mate e pelā me se ‵vae e ka.”
18 “Ke mo a ma masaua ne koe a mea i aso mua,Kae sa mafaufau ki mea ko ‵teka.
19 Kiloke! Ko fai ne au se mea fou;+Ka sae aka i te taimi eiloa tenei.
E a, e se lavea ne koe?
Ka fai ne au se auala i loto i te koga lavaki+Mo vaitafe i loto i te toafa.+
20 A manu fe‵kai o te vao ka fakaaloalo mai ki a au,Ko tiakolo mo osetelite,Me ne fai ne au ke isi ne vai i te koga lavaki,Mo vaitafe i te toafa,+Mō oku tino, ko oku tino filifilia,+ ke inu i ei,
21 Ko tino kolā ne faite ne au mō okuKo te mea ke folafola atu ne latou oku vikiga.+
22 Kae ne seki kalaga mai koe ki a au, e Iakopo,+Me i a koe ne gasolo o fi‵ta i a au, e Isalaelu.+
23 Ne seki aumai ne koe ne mamoe ki a au mo fai au taulaga ‵sunu kātoaIo me faka‵malu ne koe au ki au taulaga.
Ne seki faimālō ne au koe ke aumai se meaalofa ki a au,Io me ne fakafi‵ta ne au koe mai te manako malosi ki pulu lipano.+
24 Ne seki ‵togi mai ne koe ne tolo ma‵galo* ma aku ki au tupe,Kae ne seki lotomalie au ki gako o au taulaga.+
I lō te fai penā, ne faka‵mafa ne koe taku amoga ki au agasalaKae fakafi‵ta au ki au mea ‵se.+
25 Au, au ko te Atua telā e ‵solo kea‵tea ne ia au amioga solitulafono*+ mō toku ‵lei eiloa,+Kae ka se masaua eiloa ne au au agasala.+
26 Fakamasaua mai ki a au; ke na avatu a ‵tou tagi ki te fono;Fai mai tau fakamatalaga ke fakamaoni ei i a koe e tonu.
27 Ne agasala eiloa a te otou tupuga muamua,Kae ne ‵teke mai ki a au otou tukumuna.*+
28 Tela la, ka fai fakamasei ne au a pelenise o te koga tapu,Kae ka tuku atu ne au a Iakopo ke fakaseaiKae fai ke maua ne Isalaelu a pati faka‵mae loto.+
Fakamatalaga mai lalo
^ Epelu, “fanau.”
^ Kāti e fakasino atu ki mea muamua kolā ka ‵tupu i aso mai mua.
^ Io me “kae tali‵tonu ki a au.”
^ Se lakau manogi gali. E se iloa tonu tena igoa.
^ Io me “faifaiga ‵teke.”
^ Kāti e fakasino atu ki faiakoga o te Tulafono.
