Isaia 42:1-25

  • Te tavini a te Atua mo tena galuega (1-9)

    • ‘Ieova ko toku igoa’ (8)

  • Se pese fou o vikiga ki a Ieova (10-17)

  • A Isalaelu e ‵kivi kae ‵tuli (18-25)

42  Kiloke! Tenei taku tavini+ telā e ‵lago au ki ei! Ko taku tino filifilia,+ telā ne talia ne au!+ Ko oti ne tuku atu ne au toku agaga ki loto i a ia;+Ka aumai ne ia te fakamasinoga tonu ki atufenua.+   Ka se tagi a ia io me fakamaluga tena leo,Kae ka se fai ne ia ke lagona tena leo i te auala.+   E seai se mouku piko ka ‵fati ne ia,Kae ka se tamate ne ia se ‵vae o te moli telā e kākā malie.+ Ka aumai ne ia te fakamasinoga tonu mo te fakamaoni.+   Ka se gasolo ifo a ia o loto vāivāi io me fakavāivāi ke oko ki te taimi e faka‵mautakitaki ei ne ia te fakamasinoga tonu i te lalolagi;+Kae e fakatali‵tali faeloa a fenua fo‵liki ki tena tulafono.*   Konei a pati a te Atua tonu ko Ieova ne fai mai,Ko te Mafuaga o te lagi, ko te Atua Sili telā ne ‵fola ne ia,+Ko te Atua telā ne ‵fola ne ia te lalolagi mo mea katoa e ola i ei,+Ko te Atua telā e tuku atu ne ia te mānava ki tino i loto i ei+Mo te ola ki a latou kolā e sa‵sale i luga i ei:+   “Au, Ieova, ne kalaga atu ki a koe i te amiotonu;Ne puke ne au tou lima. Ka puipui ne au a koe kae tuku atu a koe e pelā me se feagaiga mō tino+Kae pelā me se mainaga ki atufenua,+  Ko te mea ke faka‵pula aka ne koe a mata o tino ‵kivi,+Ke aumai te pagota ki tua mo te koga pouliMo latou kolā e saga‵saga i te pouliga ki tua mo te falepuipui.+   Au ko Ieova. Tenā toku igoa;Ka se tuku atu ne au toku ‵malu ki so se tino,Io me ko oku vikiga ki tupua faite.+   Kiloke, ko oti ne taunu a mea muamua;Nei la, ko folafola atu ne au a mea ‵fou. Koi tuai o ‵sae aka, e fakailoa atu ne au ki a koutou e uiga ki ei.”+ 10  Usu atu se pese fou+ ki a Ieova,Ko ana vikiga mai koga ‵mao o te lalolagi,+Ko koutou kolā e olo ki lalo i te tai mo mea katoa kolā e faka‵fonu ki ei,Koutou e fenua fo‵liki mo tino e ‵nofo i ei.+ 11  A te koga lavaki mo ana fakai ke fakamaluga aka olotou leo,+Ko kogā koga kolā e nofo i ei a Ketala.+ Ke ka‵laga fia‵fia a tino e ‵nofo i kaupapa;Ke ka‵laga mai latou mai taulu o mauga. 12  Ke avatu ne latou te ‵malu ki a IeovaKae folafola atu ana vikiga i fenua fo‵liki.+ 13  A Ieova ka fanatu e pelā me se tagata mafi.+ Ka gasuesue a ia mo te loto finafinau e pelā me se toa mafi.+ Ka kalaga atu a ia, ao, ka kalaga a ia i te kalaga o te taua;Ka fakaasi atu ne ia me mafi fakafia atu a ia i ana fili.+ 14  “Au ne nofo filemu mō se taimi leva. Ne tumau au i te sē logoa kae kufaki eiloa. E pelā me se fafine ka fai o fanau,Ka tagi fi‵ta au, gaegae, kae mānava fi‵ta i te taimi eiloa e tasi. 15  Ka fakamasei ne au a mauga mo tamā mauga Kae fakamage‵mage olotou lakau kaina katoa. Ka ‵fuli ne au a vaitafe ki fenua fo‵liki Kae faka‵masa a vai kou‵kou.+ 16  Ka takitaki ne au a tino ‵kivi i se auala e se iloa ne latou+Kae fai ke sa‵sale latou i auala e se masani ki ei.+ Ka ‵fuli ne au te pouliga i mua o latou ki te mainaga+Kae ‵fuli a laukele fatufatua ki laukele laugatasi.+ Tenei te mea ka fai ne au mō latou, kae ka se tuku tiaki ne au latou.” 17  Ka toe ‵foki mai latou kae fakamasiasi malosi,Ko latou kolā ne tali‵tonu ki tupua faite,Ko latou kolā ne fai atu ki tupua fiti: “A koutou ko omotou atua.”+ 18  Faka‵logo mai, koutou kolā e ‵tuli;‵Kilo atu ke lavea ne koutou, koutou kolā e ‵kivi.+ 19  Ko oi e ‵kivi me ko taku tavini fua,E ‵tuli eiloa e pelā mo te avefekau ne uga atu ne au? Ko oi e ‵kivi malosi e pelā mo te tino ne tuku atu ki ei te taui,E ‵kivi malosi e pelā mo te tavini a Ieova?+ 20  E lavea ne koutou a mea e uke, kae ko koutou e se matapula‵pula. E ma‵tala otou taliga, kae ko koutou e se fakalogo‵logo.+ 21  Ona ko tena amiotonu,E fiafia a Ieova o fakamaluga aka te tulafono* kae fai ne ia ke ‵malu. 22  Kae ko tino konei ne tino ne kaisoa kae ‵fao olotou mea;+A latou katoa ko ‵lave i loto i pūga kae ‵muni i falepuipui.+ Ne kaisoa olotou mea e aunoa mo se tino ke faka‵sao latou,Kae ‵fao olotou mea e aunoa mo se tino ke fai atu: “Toe faka‵foki mai latou!”+ 23  Ko oi te tino i a koutou ka lagona ne ia te mea tenei? Ko oi ka saga tonu atu kae fakalogo ki te taimi ka oko mai? 24  Ko oi ne tuku atu ne ia a Iakopo ke ‵fao ana meaMo Isalaelu ki tino kai‵soa? E a, e se ko Ieova, te Atua telā ne agasala tatou ki ei? Ne ita latou ma sa‵sale i Ana auala,Kae e se faka‵logo latou ki Tena tulafono.*+ 25  Tenā ne ‵ligi atu faeloa ne Ia tena kaitaua ki luga i a ia,Tena ita mo te saua o te taua.+ Ne ‵ka i ei a mea katoa i ana tafa, kae ne seki saga atu eiloa a ia.+ Ne ula atu ki a ia, kae ne seki tausi ne ia i tena loto.+

Fakamatalaga mai lalo

Io me “fakatonuga.”
Io me “fakatonuga.”
Io me “fakatonuga.”