Isaia 4:1-6

  • Fāfine e tokofitu ki se tagata e tokotasi (1)

  • A te mea ne fai ne Ieova ke tupu aka ka ‵malu (2-6)

4  Kae e tokofitu a fāfine ka ‵piki ‵mau atu ki se tagata e tokotasi i te aso tenā,+ kae fai atu: “Ka ‵kai matou ki omotou meakaiKae ‵pei ki omotou gatu eiloa;E tasi fua te mea e fakamolemole atu matou ki ei, ke taku matou ki tou igoaKe ave kea‵tea ei te motou masiasi.”*+  I te aso tenā, a te mea ne fai ne Ieova ke tupu aka ka gali kae ‵malu, kae ko fuataga o te laukele ka fai mo mea e fakamata‵mata kae ‵gali ki tino Isalaelu kolā ka ‵sao.+  So se tino e ‵toe mai i Siona kae ‵toe i Ielusalema ka taku pelā me e ‵malu, ko tino katoa i Ielusalema kolā ne tusi ki lalo mō te ola.+  Kafai ko ‵fulu kea‵tea ne Ieova a lailaiga* o tama fāfine o Siona+ kae faka‵ma kea‵tea a toto ne fakamaligi ne Ielusalema i loto i a ia e auala i te agaga o te fakamasinoga mo te agaga o te ‵sunuga,*+  ka fai foki ne Ieova i luga i te Mauga o Siona kātoa mo koga e fai ei ana fono se kaumana mo se au i te ao mo se mainaga o se afi ‵ka i te po;+ me i luga i mea ‵malu katoa ka isi se fakamalumalu i ei.  Kae ka isi se fale fakamalumalu mo fakamalu i ei i te ao mai te ‵vela,+ kae ke faka‵lafi kae maua mai i ei se puipuiga mai i matagi ma‵losi mo vaiua.+

Fakamatalaga mai lalo

Telā ko te masiasi ona ko te seai o se avaga mo se tamaliki.
Epelu, “fekau o tino.”
Io me “ave kea‵tea.”