Isaia 35:1-10
35 A te koga lavaki mo te koga e se uke a vai i ei ka fia‵fia,+Kae ko te toafa laugatasi ka ‵lifu kae ‵pula aka e pelā mo te lakau ko te safaloni.+
2 Ka ‵pula mai eiloa e aunoa mo se fakalavelave;+Ka fia‵fia kae paka‵laga mo te ‵lifu.
A te ‵malu o Lepanona ka tuku atu ki ei,+
Te gali o Kalamelu+ mo Salona.+
Ka lavea ne latou a te ‵malu o Ieova, te gali o te ‵tou Atua.
3 Fakama‵losi atu a lima vāi‵vai,Kae fakama‵keke a tulivae kolā ko pole‵pole.+
4 Fai atu ki a latou kolā e manava‵se i olotou loto:
“Fakama‵losi. Sa ma‵taku.
Kiloke! A te otou Atua ka vau mo te taui ma sui,A te Atua ka vau mo te fakasalaga.+
Ka vau a ia o faka‵sao koutou.”+
5 I te taimi tenā a mata o tino ‵kivi ka ‵kite,+Kae ko taliga o tino ‵tuli ka ‵logo.+
6 I te taimi tenā a tino ‵pili ka eva e pelā mo te tia,+Kae ko te gutu o te tino gūgū ka kalaga mo te ‵lifu.+
Me ka ‵puna mai a vai i te koga lavaki,Mo tamā vaitafe i te toafa laugatasi.
7 A te laukele telā ko malō pakupaku ka fai pelā me se koga sua‵sua e ola i ei a mouku ‵loa,Kae ko te laukele malō ka fai pelā me se vaipuna.+
I koga kolā ne ‵nofo sāle i ei a manu ko tiakolo,+Ka isi i ei ne mouku lanu launiu mo mouku ‵loa mo te lakau ko te kome.
8 Ka isi se auala lasi i konā,+Ao, ko te auala e fakaigoa ki te Ala Tapu.
A te tino sē ‵ma e se faimalaga i ei.+
E tausi eiloa mō te tino e sasale i te ala;Ka seai se tino valea e sona fano fua i ei.
9 Ka seai se leona i konā,Kae e seai ne manu fe‵kai o te vao ka olo atu i ei.
Ka se maua atu a latou i konā;+Ko tino fua kolā ne toe ‵togi mai ka sa‵sale i ei.+
10 A latou kolā ne faka‵sao ne Ieova ka toe ‵foki mai+ kae o‵mai ki Siona mo te kalaga fiafia.+
A te fiafia se-gata-mai ka fai mo kalauna i olotou ulu.+
A te fiafia mo te ‵lifu i o latou,Kae ko te fanoanoa mo te mānava fi‵ta ka ‵tele kea‵tea.+
