Isaia 34:1-17

  • Te taui ma sui a Ieova ki luga i atufenua (1-8)

  • Etoma ka tuku tiaki (9-17)

34  Fakapili‵pili mai ke lagona ne koutou e atufenua,Kae ‵saga tonu mai, koutou e fenua. Ke na faka‵logo mai a te lalolagi mo mea kolā e faka‵fonu ki ei,Te laukele mo mea katoa e ‵fua mai i ei.   Me i a Ieova e kaitaua ki atufenua katoa,+Kae e kaitaua foki a ia ki olotou kautau katoa.+ Ka tuku atu ne ia latou ki te fakaseaiga;Kae tuku atu ne ia latou ke tamate.+   A olotou tino ne tamate ka ‵pei ki tua,Kae ko te manogi ma‵sei o olotou foitino ‵mate ka gasolo aka eiloa;+A mauga ka liuvai ona ko* olotou toto.+   A kautau katoa o te lagi ka ‵pala masei,Kae ko te lagi ka pelu aka e pelā me se peluga tusi. Ka mage‵mage olotou kautau katoa,E pelā me se lau magemage e tō ifo mai i se vineKae e pelā me se mati pakupaku mai i te lakau ko te mati.   “Me ka ‵siu malosi eiloa taku pelu i te lagi.+ Ka fanaifo ki luga i Etoma mō te fakamasinoga,+Ki luga i te fenua telā ko oti ne fakaiku aka ne au ke fakaseai.   E isi se pelu a Ieova telā ka ‵fonu eiloa i toto. Ka ‵fonu eiloa i gako,+Fakatasi mo toto o tamā mamoe mo kouti,Fakatasi mo gako o nonu o mamoe. Me ko fakatoka ne Ieova tena taulaga i Posala,Se tamatega lasi i te fenua o Etoma.+   A pulumakau vao tāgata ka olo ifo ki lalo fakatasi mo latou,Ko tamā pulumakau tāgata mo pulumakau ma‵losi. A te lotou laukele ka ‵siu eiloa i toto,Kae ko olotou ‵pefu ka ‵fonu eiloa i gako.”   Me e isi se aso o te taui ma sui a Ieova,+Se tausaga o te fakasalaga ona ko te ‵tagi ne fai ki luga i Siona.+   Ana* tamā vaitafe ka ‵fuli ke liu kolotā,Kae ko ana lefu ki pauta ‵ka,Kae ko tena laukele ka fai pelā me se kolotā e ‵ka. 10  I te po io me i te ao ka se mate eiloa;A tena au ka fanaka faeloa ki luga ki te se-gata-mai. Ka tumau a ia i te fanoanoa mai i te kautama e tasi ki te suā kautama;Ka seai se tino e ui atu i loto i ei ki te se-gata-mai, se-gata-mai eiloa.+ 11  A te manu eva ko te pelikane mo te manu ko te kifota ka ‵nofo i loto i ei,Kae ko manu eva ko lulu taliga ‵loa mo leveni ka ‵nofo foki i ei. Ka ‵futi aka ne ia i luga i ei a te uka e fua i ei a mea kolā ka fakaseaiMo te uka levolo* o te fakaseaiga. 12  E seai sena tino tāua ka fai mo tupu,Kae ko ana pelenise katoa ka iku atu ki te seai. 13  A lakau tala‵tala ka ola i ana taoa ma‵losi,A mouku makai‵kai mo mouku tala‵tala i ana fakai puipuigina. Ka fai a ia mo koga e ‵nofo ei a manu ko tiakolo,+Kae se koga mō manu ko osetelite. 14  A manu o te toafa ka fetaui mo manu e ‵tagi paka‵laga,Kae ko te kouti vao* ka kalaga atu ki tena taugasoa. Ao, a lilita* ka ‵nofo i konā kae ka maua se koga mo olotou malō‵lo. 15  I konā loa, ka fai ei ne te gata eva a tena ofaga kae ‵tuku ana fua,Kae ka fakama‵fa ne ia kae puipui latou ki tena malūga. Ao, ka maopoopo atu a manu eva ko kite ki konā, ko latou taki tokotasi mo olotou soa. 16  ‵Sala ki loto i te tusi a Ieova kae faitau mai ki luga: Ka seai se mea i mea konā e galo;Ka seai se mea i mea konā e seai sena soa,Me ko te gutu eiloa o Ieova ne tuku mai i ei te fakatonuga,Kae ko tena agaga eiloa ne fakamaopoopo fakatasi mai ne ia a manu konā. 17  A ia ko te Atua telā ne fai ne ia te vili mō manu konā,Kae ko tena lima eiloa ne fua ki ei olotou koga ne ‵tofi aka.* Ka puke mō latou i taimi katoa;Ka ‵nofo latou i ei i kautama katoa.

Fakamatalaga mai lalo

Io me “ka ‵tafe i ei.”
E fakasino atu ki Posala, te laumua o Etoma.
Epelu, “a fatu.”
Io me kāti, “te temoni e pelā me se kouti.”
Se manu eva e fai ana galuega i te po.
Epelu, “vaevae ne ia mō latou ki se uka fuafua.”