Isaia 32:1-20
32 Kiloke! A te tupu+ ka pule mō te amiotonu,+Kae ko pelenise ka pule mō te fai mea tonu.
2 Kae ko tino taki tokotasi konā ka fai pelā me ne koga ‵muni* mai te matagi,Se koga e faka‵lafi i ei mai te afā,E pelā me ne tamā vaitafe i koga e seai ne vai i ei,+E pelā me se malūga o se kaupapa lasi i se laukele malō.
3 Kae ko mata o latou kolā e ‵kite ka se toe ‵pono,Kae ko taliga o latou kolā e ‵logo ka ‵saga tonu mai.
4 A loto o latou kolā e pati ‵pole ka mafaufau ‵loto e uiga ki te iloaga,Kae ko te tino telā e ‵lave tena alelo ka faipati faka‵lei mo te manino.+
5 A te tino valea ka se toe taku me e kaimalie,Kae ko te tagata e seai sena fakavae ka se taku pelā me se tino tāua;
6 Me i te tino valea e faipati ki mea sē aoga,Kae ko tena loto e taumafai o fai a mea fakalogo‵mae,+Ke fakamalosi aka ei te uiga ‵teke* kae faipati a mea sē ‵lei o ‵teke atu ki a Ieova,Ke fai ei a te tino fiakai ke fano kae e se fagaiKae ke se tuku ki te tino fiainu se mea mo ana inu.
7 A togafiti a te tagata e seai sena fakavae e ma‵sei;+E fakamalosi ne ia a amioga fakamasiasiKe fakamasei i ei a tino puapuaga ki loi,+Faitalia me e fai‵pati a tino ma‵tiva ki te mea tonu.
8 Kae ko te tino kaimalie e maua ne ia a manakoga kaima‵lie,Kae i ana taumafaiga ke fakaasi atu te kaimalie e kausaki eiloa a ia ki ei.
9 “A koutou e fāfine kolā e manatu mā‵ma, ‵tu ki luga kae faka‵logo ki toku leo!
Koutou e tama fāfine kolā e se fia ‵saga ki se mea,+ ‵saga tonu mai ki aku pati!
10 Mai tua malie o se tausaga e tasi, a koutou kolā e se fia ‵saga ki se mea ka ma‵taku,Me e seai ne fuataga ne fakamaopoopo mai i te otiga o te taimi ne ‵kati ei a vine.+
11 Ke pole‵pole koutou e fāfine kolā e manatu mā‵ma!
Ma‵taku, koutou kolā e se fia ‵saga ki se mea!
Tapale kea‵tea otou gatu,Kae ‵pei ki gatu lautaga i otou kautega.+
12 Tuki otou fatafata i te ‵tagi fanoanoaOna ko fatoaga ‵gali mo vine kolā e ‵fua malosi.
13 Me i te laukele o oku tino ka ufi ki lakau tala‵tala mo lakau makai‵kai;Ka ufi ne latou a fale fia‵fia katoa,Ao, ko te fakai o te fiafia.+
14 Me i te taoa malosi ko oti ne fakapuli atu;A te fakai logoa ko oti ne tuku tiaki.+
A Ofele+ mo te faleleoleo maluga ko fai pelā me ne koga sē aoga tumau,Se koga e fia‵fia ei a asini vao,Se laukele moukuā mō lafu mamoe,+
15 Ke oko ki te taimi e ‵ligi ifo ei te agaga mai luga ki a tatou,+Kae ko te koga lavaki ka fai pelā me se vao lakau kaina,Kae ko te vao lakau kaina ka fai pelā me se togavao.+
16 Tenā ko nofo ei a te fakamasinoga tonu i te koga lavaki,Kae ko te amiotonu ka nofo i te vao lakau kaina.+
17 E iku atu a te tinā amiotonu ki te filemu,+Kae ko fuataga o te tinā amiotonu ko te tokagamalie mo te saogalemu tumau.+
18 Ka ‵nofo eiloa oku tino i se koga filemu,I koga saogalemu mo koga malō‵lo kolā e tokagamalie.+
19 Kae ko vaiua fatu ka fakalaugatasi i ei a te togavao,Kae ko te fakai ka laugatasi katoa.
20 E fia‵fia koutou kolā e ‵toki fuaga i tafa o vai katoa,Kolā e ‵tala atu* a te pulumakau tagata mo te asini ke olo.”+
