Isaia 30:1-33

  • Ko seai se aoga o te fesoasoani o Aikupito (1-7)

  • Ko ‵teke atu a tino ki te fekau fakapelofeta (8-14)

  • Ka maua te malosi mai te fakaasi atu o te loto talitonu (15-17)

  • E fakaasi atu ne Ieova te alofa ki ana tino (18-26)

    • Ieova, te Faiakoga Sili (20)

    • “Tenei te auala” (21)

  • Ka fakaoko atu ne Ieova te fakamasinoga ki Asulia (27-33)

30  “Kalofa eiloa i tama tāgata loto ma‵keke,”+ ko te folafolaga a Ieova, “Kolā e fakataunu ne latou a palani kolā e se i a aku,+Kolā e fai taugasoa mo nisi atufenua,* kae e se ona ko toku agaga,Ko te mea ke fakaopoopo atu te agasala ki te suā agasala.   E olo ifo latou ki Aikupito+ e aunoa mo te fesili mai ki a au,+Ke ‵malu latou i te puipuiga a te Falao*Kae ke faka‵lafi i malūga o Aikupito!   Kae ko te puipuiga a te Falao ka fai mo pogai e mavale ei koe,Kae ko te faka‵lafi atu ki malūga o Aikupito ko te pogai o tou masiasi.+   Me i ana pelenise e ‵nofo i Soani,+Kae ko ana sui ko oti ne oko ki Hane.   Ka fakamasiasi a latou katoaNe se fenua telā e seai se mea ‵lei e maua ne latou mai i ei,Telā e seai se fesoasoani io me se mea aoga e maua mai i a latou,Ko te mavale fua mo te masiasi.”+  Se fekau ‵mafa e uiga ki manu fe‵kai i te feitu ki saute: E auala i te fenua o te puapuaga mo mea faiga‵ta,O te leona, te leona fekai,O te gata poisini mo te gata e pelā me se afi ‵ka telā e eva,E ave ne latou olotou koloa i tua o asiniKae ko olotou nisi kope i tua ‵piko o kamela. Kae ko mea konei e se aoga ki tino.   Me i te fesoasoani o Aikupito e seai eiloa se aoga.+ Tenā ne fakaigoa ei ne au a ia tenei: “Lahapa,+ telā e nofo malie.”   “Nei la fano, tusi a te mea tenā ki luga i se laupapa i olotou mua,Kae tusi a te mea tenā ki loto i se tusi,+Ko te mea ke fakaaoga i se aso mai muaE pelā me se molimau tumau.+   Me i a latou se fenua ‵teke,+ ne tama ‵loi,+Ne tama kolā e se fia faka‵logo ki te tulafono* a Ieova.+ 10  Olotou muna ki tino e lavea ne latou a fakaasiga, ‘Sa ‵kilo ki ei,’ Kae fai atu ki a latou kolā e fakamatala fakaasiga, ‘Sa fakamatala mai ki a matou a fakaasiga ‵tonu.+ Fakamatala mai ki a matou a mea ‵gali; kae ‵valo mai a fakaasiga ‵loi.+ 11  ‵Fuli kea‵tea mai te ala; olo kea‵tea mai te auala. Fakagata te tuku mai i omotou mua a te Atua Tapu o Isalaelu.’”+ 12  Tela la, konei a pati a te Atua Tapu o Isalaelu ne fai mai: “Ona ko koutou ne ‵teke ki te muna tenei+Kae ne tali‵tonu koutou ki mea sē ‵tonu kae ‵loiKae ne fakalago‵lago koutou ki mea konei,+ 13  Tela la, a te mea ‵se tenei ka fai mō koutou e pelā me se ‵pui ko mafāfā,E pelā me se ‵pui maluga ‵ki telā ko pili o siga ki lalo. Ka maofa fakapoi, i se taimi vave. 14  Ka maofa e pelā me se tiā lasi a te tino faite mea ki kele,Ko mafā likiliki eiloa telā ko seai ei se vaega o ia e ‵toe maiKe ‵salu ki ei a te afi mai te koga tafu afiIo me asu ki ei a vai mai i se koga suasua.”* 15  Me konei a pati a te Aliki Sili ko Ieova, te Atua Tapu o Isalaelu, ne fai mai: “Kafai e ‵foki mai koutou ki a au kae malō‵lo, ka faka‵sao ei koutou;A te malosi o koutou ko te otou ‵nofo filemu kae fakaasi atu te loto talitonu.”+ Kae ko koutou ne seki ma‵nako o fai penā.+ 16  I lō te fai penā, ne fai mai koutou: “Ikai, a matou ka ‵tele kea‵tea i luga i solofanua!” Tela la, ke na ‵tele kea‵tea koutou. “Kae ka ‵tele matou i luga i solofanua ma‵kini!”+ Tela la, a latou kolā e olo o afuli koutou ka ma‵kini foki.+ 17  E tokoafe ka pole‵pole i fakamatakutakuga a se tino e tokotasi;+Kae i fakamatakutakuga a tino e tokolima ka ‵tele kea‵tea ei koutou Ke oko ki te taimi e ‵toe mai ei te otou mea e pelā me se tila i te taulu o te mauga,E pelā me se fakailoga i luga i se tamā mauga.+ 18  Kae ko Ieova e fakatalitali mo te kufaki o fakaasi te alofa ki a koutou,+Kae ka tu aka a ia o fakaasi atu te alofa fakamagalo ki a koutou.+ Me i a Ieova ko te Atua fai mea tonu.+ E fia‵fia a latou katoa kolā e ‵nofo fakatalitali ki a ia.+ 19  Kafai e ‵nofo a tino i Siona, i Ielusalema,+ a koutou ka se ‵tagi mautuutu eiloa.+ Ka fakaasi atu eiloa ne ia te alofa ki a koutou ona ko te otou ‵tagi mō se fesoasoani; ka tali fakavave atu a ia ki a koutou i te taimi e lagona ei ne ia te otou ‵tagi.+ 20  E tiga eiloa ka tuku atu ne Ieova a meakai e auala i puapuaga mo vai e auala i fakasauaga,+ a te otou Faiakoga Tafasili i te Maluga ka se toe ‵muni, kae ka lavea ne koutou te otou Faiakoga Tafasili i te Maluga+ ki otou mata eiloa. 21  Kae ka lagona ne otou taliga se leo i otou tua e fai mai, “Tenei te auala.+ Sa‵sale i ei,” māfai e ‵tau o olo atu koutou ki te feitu fakaatamai io me māfai e ‵tau o olo atu koutou ki te feitu fakamaui.+ 22  Kae ka fakalailai ne koutou a te ufi siliva o otou tupua faite mo teuteuga aulo o otou tupua fiti.+ Ka ‵pei kea‵tea ne koutou e pelā me se laugatu a se fafine masaki fakafafine kae fai atu ki a latou, “Ke na ‵galo atu!”*+ 23  Kae ka tuku mai ne ia a vaiua ki fuaga ne ‵toki ne koe i te laukele,+ kae ko meakai e fua mai i te laukele ka uke malosi kae mo‵mona.+ I te aso tenā, a otou lafu manu ka kai‵kai i laukele moukuā ‵lasi.+ 24  Kae ko pulumakau mo asini kolā e fakamalū te laukele ka ‵kai ki meakai ‵lei kolā ne palu fakatasi, kae ne faka‵ma ki te sevolo mo te foka fai fatoaga. 25  Kae i luga i mauga ma‵luga katoa mo tamā mauga fo‵liki katoa ka isi ne tamā vaitafe mo koga o vai,+ i te aso o te tamatega lasi māfai ko ‵siga ki lalo a taoa. 26  Kae ko te mainaga o te masina sulu ka fai pelā mo te mainaga o te la; kae ko te mainaga o te la ka sili atu tena malosi fakafitu taimi,+ e pelā mo te mainaga o aso e fitu, i te taimi e fusi ei ne Ieova a pa‵kiaga o ana tino+ kae faka‵lei aka a pa‵kiaga ‵lasi mai te fakamaseiga ne fai ne ia.+ 27  Kiloke! A te igoa o Ieova e vau mai i se koga ‵mao,E ‵ka i tena kaitaua fakatasi mo kaumana ‵mafa. Ana laugutu ko ‵fonu eiloa i te kaitaua,Kae ko tena alelo e fai pelā me se afi ‵ka.+ 28  A tena agaga* e pelā me se vaitafe e lofia telā e oko aka eiloa ki te ua,Ke lūlū ei a atufenua i se mea faka‵ma o te fakaseaiga;Kae ka isi ne fagutu i kauvae+ o tino kolā e takitaki ‵se ei latou. 29  Ka ko te otou pese ka fai pelā me se pese e usu i te poMāfai e fakatoka* koutou mō se ‵kaiga fiafia,+Kae ko otou loto ka fia‵fia e pelā me se tinoE sasale mo se* failiI tena auala ki te mauga o Ieova, ki te Kaupapa o Isalaelu.+ 30  Ka fai ne Ieova ke lagona mai a tena leo ‵malu+Kae fakaasi atu tena lima+ i te taimi e tuku ifo ei i tena kaitaua malosi,+Fakatasi mo te ulaga o se afi,+Se vaiua ‵lotu+ mo se afā mo se vaiua fatu.+ 31  Ona ko te leo o Ieova, ka oko atu te mataku ki Asulia;+Ka ‵kini ne ia ki se tokotoko.+ 32  Kae i taimi katoa e ‵kini ei tena ‵kini o te fakasalagaTelā ka aumai ne Ieova ki AsuliaKa oko fakatasi mai mo samupelini mo kitala+I te taimi e fakaaga aka ei tena lima o ‵teke atu ki a latou i te taua.+ 33  Me ko oti ne fakatoka ne ia se koga ke fakaseai ei a ia;*+Ko oti foki ne fakatoka mō te tupu.+ Ko oti ne fai ne ia a fakaputuga laupapa ke ‵poko kae lauefa,Fakatasi mo se afi lasi mo fafie e uke. A te mānava o Ieova, e fai pelā me se ‵tafemaiga o te pauta ‵ka,Ka faka‵ka ki ei te afi.

Fakamatalaga mai lalo

Epelu, “‵ligi atu se taulaga meainu,” e fakasino atu ki te faiga o se feagaiga.
Epelu, “i loto i ‵pui malosi o te Falao.”
Io me “fakatonuga.”
Io me kāti, “se vaikeli.”
Io me kāti, “kae taku a mea konā ne mea fakatakalia‵lia.”
Io me “mānava.”
Io me “faka‵ma.”
Io me “ki te ‵tagi o te.”
Epelu, “Tofeta.”