Isaia 27:1-13

  • Ko tamate a Leviatana ne Ieova (1)

  • Te pese e uiga ki Isalaelu e pelā me se togavine (2-13)

27  I te aso tenā a Ieova mo tena pelu fakamataku kae lasi kae malosi,+Ka ‵fuli atu ki a Leviatana,* te gata ‵solo,Ki a Leviatana, te gata gavalivali,Kae ka tamate ne ia te manu fekai i loto i te tai.   I te aso tenā, usu atu se pese ki tou fafine:* “Se togavine o uaina kapiā!+   Au, ko Ieova, e puipui ne au tou fafine.+ E fakasiusiu ne au a ia i taimi katoa.+ E puipui ne au a ia i te po mo te ao,Ko te mea ke seai se tino e fakapakia ne ia tou fafine.+   E seai se kaitaua i loto i a au.+ Ko oi e mafai o fakafesagai mai ki a au fakatasi mo vao lakau tala‵tala mo mouku ma‵sei i te taua? Ka lakalaka ne au a mea konā kae ‵sunu fakatasi katoa ki te afi.   Kafai e se penā, fai ke puke ‵mau a ia ki toku ‵pui malosi. Fai ke maua ne ia se va filemu mo au;Ke fai ke maua ne ia se va filemu mo au.”   Ka oko mai a aso ka ‵mau ei a aka o Iakopo,A Isalaelu ka ma‵tala ana pula kae ‵fua mai,+Kae ka faka‵fonu ne latou te fenua ki fuataga.+   E a, e ‵tau mo ia o ‵kini ki te ‵kini a te tino ne ‵kini ne ia a ia? Io me e a, e ‵tau mo ia o mate e pelā mo ana tino ne tamate?   E auala i se kalaga fakapoi ka fakafesagai atu koe ki tou fafine māfai ko uga ne koe a ia ke fano kea‵tea. Ka ‵tuli kea‵tea ne ia a tou fafine ki tena kaitaua lasi i te aso o te matagi mai saegala.+   Tela la, i te auala tenei a te mea ‵se a Iakopo ka fakamagalo,+Kae konei a fuataga katoa māfai ko ave kea‵tea tena agasala: Ka faite ne ia a fatu katoa o te fatafaitaulagaE pelā me ne fatu ko penisina ko oti ne tuki palapala,Kae e seai ne pou lakau tapu* io me ne tulaga e ofo atu i ei a mea ma‵nogi ka ‵toe mai.+  10  Me i te fakai ne puipuigina ka tuku tiaki;A laukele moukuā ka fakapuli atu kae tuku tiaki e pelā me se koga lavaki.+ I konā ka kai‵kai i ei a pulumakau kae takato‵kato i eiKae ka kai ne latou ana kaula.+  11  Kafai ko paku‵paku ana tamā kaula,Ka o‵mai a fāfine o ‵fati ne latou,Ke tafu ki ei a afi. Me i tino konei e seai se malamalama i ei.+ Tenā te pogai ka se fakaasi atu ei ne te Atua telā ne faite ne ia latou a te alofa fakamagalo,Kae ko te Atua telā ne māfua mai i ei latou ka se fakaasi atu ne ia te alofa ki a latou.+ 12  I te aso tenā, a Ieova ka ‵kini ifo ne ia a fuagalakau mai i te Vaitafe* telā e ‵tafe ke oko atu ki te Vanu o Aikupito,+ kae ko koutou ka fakamaopoopo mai taki tokotasi, e tino o Isalaelu.+ 13  I te aso tenā, ka ili i ei se pu lasi,+ kae ko latou kolā ko ‵galo atu i te fenua o Asulia+ mo latou kolā ko salalau atu i te fenua o Aikupito+ ka o‵mai kae ifo ki lalo i a Ieova i te mauga tapu i Ielusalema.+

Fakamatalaga mai lalo

Onoono ki te FP.
Kāti e fakauiga ki Isalaelu, kae e fakasino atu i konei e pelā me se fafine kae fakatusa ki se togavine.
Onoono ki te FP.
Telā ko te Eufilate.