Isaia 26:1-21
26 I te aso tenā, ka usu atu ei te pese tenei+ i te fenua o Iuta:+
“A te ‵tou fakai e malosi.+
A tena fakaolataga ko ana ‵pui mo ana koga ma‵luga.+
2 ‵Tala aka a mataloa+ o ‵pui o te fakai ko te mea ke ulu atu ki loto a te atufenua amiotonu,Se atufenua telā e tausi mo te fakamaoni ki ana amioga.
3 Ka puipui ne koe a latou kolā e fakalago‵lago katoatoa ki a koe;Ka tuku atu ne koe ki a latou a te filemu tumau,+Me ko koe e tali‵tonu latou ki ei.+
4 Tali‵tonu ki a Ieova ki te se-gata-mai,+Me i a Ioa* Ieova ko te Kaupapa ki te se-gata-mai.+
5 Me ko oti ne fakamalalo ne ia a latou kolā e ‵nofo i koga ma‵luga, i te fakai maluga.
E tuku ifo ne ia ki lalo,E tuku ifo ne ia ki lalo i te laukele;E ‵pei ifo ne ia ki lalo i te ‵pefu.
6 Ka lakalaka te fakai tenā ki vae,Ko vae o tino ne puapuaga, ko laga o tino ma‵lalo.”
7 A te auala o te tino amiotonu e fai mea tonu.*
Ona ko tou fai mea tonu,Ka fakalaugatasi ne koe te auala o tino amio‵tonu.
8 I te taimi e tau‵tali ei matou i ala o au fakamasinoga, e Ieova,E fakamoe‵moe eiloa matou ki a koe.
E olioli matou ki tou igoa mo fakamasausauga* o koe.
9 I te po, e olioli au ki a koe mo toku foitino kātoa,Ao, e ‵sala faeloa toku loto ki a koe;+Me kafai e isi ne fakamasinoga mai i a koe mō te lalolagi,E tauloto ne tino kolā e ‵nofo i te fenua a mea e uiga ki te amiotonu.+
10 Kafai foki loa e fakaasi atu te ‵lei ki te tino amio masei,Ka se tauloto a ia ki te amiotonu.+
Faitalia eiloa me nofo atu tou tagata i te fenua o te fai mea tonu ka fai eiloa ne ia a faifaiga ma‵sei,+Kae ka se lavea ne ia te ‵malu o Ieova.+
11 Ieova, a tou lima e sisi i luga, kae e se lavea ne latou.+
E lavea ne latou te loto finafinau o koe ki ou tino kae ka masiasi latou.
Ao, a te afi ne fakatoka mō ou fili ka ‵sunu i ei latou.
12 Ieova, ka tuku mai ne koe te filemu ki a matou,+Me i mea katoa ne fai ne matouNe fakataunu ne koe mō matou.
13 Ieova te motou Atua, i tafa o koe ko oti matou ne pule ne nisi matai,+Kae ko tou igoa fua e takutaku atu ne matou.+
14 A latou ko ‵mate; ka se ola latou.
Ko seai se lotou malosi i te mate, ka se ‵tu aka latou.+
Me ko oti ne saga atu koe ki a latouO ‵ta fakapalele latou kae fakaseai so se mea e uiga ki a latou.
15 Ko oti ne fakalasi aka ne koe te atufenua, e Ieova,Ko oti ne fakalasi aka ne koe te atufenua;Ko oti ne faka‵malu ne koe a koe eiloa.+
Ko oti ne fakalasi malosi ne koe a tuakoi katoa o te fenua.+
16 Ieova, i taimi o puapuaga ne ‵fuli atu latou ki a koe;Ne fakaasi katoatoa atu ne latou ki a koe a mea i olotou loto i se ‵talo musumusu i te taimi ne polopoloki ne koe latou.+
17 E pelā eiloa me se fafine faitama ko pili o fanauE oko ki ei te ‵mae o te fafine ka fai o fanau kae tagi a ia i te logo‵mae,Ne penā foki matou ona ko koe, e Ieova.
18 Ne fai‵tama matou, ne oko mai ki a matou te ‵mae o te fafine ka fai o fanau,Kae ne fai fua pelā me ne fanau ne matou se matagi.
Ne seki aumai ne matou te fakaolataga ki te fenua,Kae e seai se tino ne fanau ke nofo i te fenua.
19 “Ou tino ‵mate ka ola aka.
A foitino ‵mate o oku tino* ka toe‵tu aka.+
Ala mai kae ka‵laga mo te fia‵fia,Koutou e tino i te ‵pefu!+
Me i tou ‵sau e fai pelā mo te ‵sau o te tafataeao,Kae ka fai ne te laukele a tino ‵mate ke toe ola mai.*
20 Olo, e oku tino, ulu ki otou potu tafa ki loto,Kae ‵pono otou mataloa mai i otou tua.+
‵Muni mō se taimi toetoeKe oko ki te taimi ko seke ei te kaitaua o te Atua.+
21 Kiloke! A Ieova e vau mai i tena kogaO fakasala a tino e ‵nofo i te fenua ona ko olotou mea ‵se,Kae ka fakaasi atu ne te laukele a toto ne fakama‵ligi i eiKae ka se toe ‵funa aka ne ia ana tino ne tamate.”
Fakamatalaga mai lalo
^ A “Ioa” ko te fakatoetoega o te igoa o Ieova.
^ Io me “laugatasi.”
^ Ko tena uiga, ke masaua eiloa te Atua mo tena igoa, ke fakasalalau atu.
^ Epelu, “A te foitino mate o oku.”
^ Io me “ka fanau mai i ei a latou kolā e seai se lotou malosi i te mate.”
